للخبراء فقط- متوقع تخرجه

[ceo]

السلام عليكم ورحمة الله وبركاته

يا اخوان ان انهيت الترم الصيفي بنجاح ولله الحمد, وباقيلي عشرين ساعة وان شاء الله رح اخذها كاملة الترم القادم وبهذا اكون اسدلت الستار على مرحلة البكالوريوس بانتظار عصر الماجستير إن شاء الله.
اسئلتي هي كالتالي
1- كيف اطلب تحويل حالتي لمتوقع تخرجه وهل هناك مستندات مطلوبة لذلك وماهي الاجراءات؟
2- هل بحث التخرج هو مرتبط بمادة إدارة المشاريع الصغيرة او انه شيء منفصل ومن هو الاستاذ وكيف طريقته وهل هو مرتبط بعرض تقديمي بور بوينت او كيف! يعني بالهندي ( ايس في )
3- اي اجراءات اخرى لازم اسويها من الحين علشان الاستعداد للتخرج من ناحية الجامعة ؟

شاكر ومقدر لكم

[رندا البحري]

والله إلي أقدر أفيدك في كلمة متوقع تخرجه .....حتنكب لحالها في جدولك على بداية الترم.........مادامك فيأخر ترم حينكتب طالب متوقع تخرجه

[رندا البحري]

في ثالث أورابع أسبوع حتروح تسحب ورقتين من العمادة وتمليها........في وحدة حتكون فيها بياناتك تكتب إسمك بالعربي والإنجليزي وتكون خالية من الأخطاء الإملائية علشان دي المعلومات حتنكتب في وثيقة التخرج(للأسف في بعض منصحباتي كتبت إسمها خطأ وكتبولها في الشهادة خطأ)...والورقة الثانية تعهد إذا ماكان عندك جواز سفر

["ابو ماجد"]

ان شاء الله ربي يوفقك وتخلص الترم الجاي وتنهي مرحلة البكالوريوس وتتوفق بالماجستير
انا زي وضعك بالضبط وان شاءالله نتخرج الترم الجاي وجميع الطلاب والطالبات المتوقع تخرجهم بدون مفاجأت الله يستر من المفاجأت.
المعلومات ممن سبقونا وتخرجوا وربي يوفقهم كما يلي :
في بداية الترم الجاي تراجع الجامعة وخطتك الدراسية معك تسوي لها طباعة من Ouds وبعدين يعطوك مدري وش يعطوك بس يعطونك شيء ما تروح لتقنية المعلومات ويعدلون لك بالموقع متوقع تخرجه
وكمان تروح لدكتور مادة بحث وتدريب ويتفق معك على خطة البحث ومتى حتسلمه له .
وفيه كمان نماذج توصيات تاخذها وتعبيها من الدكاتره وان شاء الله يوافقوا يسوون لك توصيات مو كل الدكاتره يسوون التوصيات ( التوصيات شرط اذا حبيت تكمل الماجستير في جامعات كثير اذا مو كلها يطلبون توصيات من الدكاتره الي درست عندهم )

واذا كنت مخطأ في شي او نسيت شي الشباب والبنات مايقصرون ان شاء الله يصححون لي ولك

وبالتوفيق للجميع،،،

[نـسـيـم الـبـر]

شكرا لكم

جزاكم الله خير

للرفع ليستفيد الجميع

[ceo]

شكرا جزيلا اختي السكرتيرة البحري وأخي أبو ماجد ما قصرتوا , اللي فهمته انه فيه سفرة لجدة علشان هالامور الله يعين يعني شكلها السالفة حوسة في حوسة لين نتخرج
عموما شاكر ومقدر لكم وما قصرتوا واشكرك اخي نسيم البر على مرورك

[خالد بن عبدالعزيز]

ايه نعم وانا اخوك لازم تروح او توصي احد هناك من من معارفك يروح لوحدة ادارة الاعمال مقابل كلية الاقتصاد والادارة وبعدين تروح للكاونترات الي تجي في وجهك على طول وتطلب منه كشف بالمواد ونماذج التخرج يطلب منك رقم الطالب وبعدين يسلمك كشف بالمواد الي درست ونموذج من ورقتين تعبيها وتروح لدكتور الخاص بشؤون الانتساب يطابق لك المواد بعدين يوقعها لك ويختمها بعدين تروح للكليه الي انت فيها وتسال عن الدكتور الخاص بشؤون الطلاب توقعها بعدين تروح لعمادة شوؤن والتسجيل تسملهم الورقه ويومين ان شالله وتتغير حالتك
الله يعينك على المشاوير والقلق بالتوفيق

[ceo]

المشاركة الأصلية كتبت بواسطة خالد بن عبدالعزيز ايه نعم وانا اخوك لازم تروح او توصي احد هناك من من معارفك يروح لوحدة ادارة الاعمال مقابل كلية الاقتصاد والادارة وبعدين تروح للكاونترات الي تجي في وجهك على طول وتطلب منه كشف بالمواد ونماذج التخرج يطلب منك رقم الطالب وبعدين يسلمك كشف بالمواد الي درست ونموذج من ورقتين تعبيها وتروح لدكتور الخاص بشؤون الانتساب يطابق لك المواد بعدين يوقعها لك ويختمها بعدين تروح للكليه الي انت فيها وتسال عن الدكتور الخاص بشؤون الطلاب توقعها بعدين تروح لعمادة شوؤن والتسجيل تسملهم الورقه ويومين ان شالله وتتغير حالتك الله يعينك على المشاوير والقلق بالتوفيق

شكرا اخوي خالد والصراحة ما قصرت, بس عندي استفسار هل لازم اكتب توكيل لشخص معين ولا بس اكلمه يتابع بالنيابة عني و متى لازم اروح/يروح علشان الاجراءات اللي ذكرتها ؟ يعني بعد السداد مباشرة حق الترم القادم او من الحين ؟ وبالنسبة لمادة المشاريع الصغيرة هل هي نفس المادة حقت بحث التخرج وكيف لازم ارتب لها علشان ما اروح جدة مرتين وانا اخوك؟
شكرا جزيلا مرة اخرى

[خالد بن عبدالعزيز]

هلا ولله اخوي لا مول لازم تكتب توكيل ارسل اي شخص باذن الله انهم راح يساعدونه
ويروح بعد مايقفل الترم الصيفي وينزلون النسب في كشف الدرجات
بالنسبه لمادة المشاريع تختلف عن ماده البحث والتدريب
بالتوفيق باذن الله تعالى

[حسين القحطاني]

مادة البحث والتدريب ليست متطلب لمادة مؤسسات صغيره

وإن ماخاب ظني هي متطلب لمادة موراد بشريه أنجليزي


والله يوفقك يارب


ومثل ما قالك أخوي خالد ما أزيد على كلامه شي ..