ابغى استشارتكم

[مشاعل الحياة]

السلام عليكم ورحمة الله وبركاتة

كل سنة وانتم طيبين..
انا نسبتي دخلتني انتساب .. وانا كنت اتمنى ادخل انتظام عشان ابغى ادخل مسار علمي...قسم طب ..فابغى نصيحتكم ..ادخل انتساب ولا اروح اسجل في اي كلية صحية اهلية..وخايفة ادخل انتساب ماانجح فيه..
وبالتوفيق للكل.....

[mzat kau]

ادا انتي
طموحك طب وحاسا انك ماحتفلحي الا فيه خشي الكليه الصحيه حقت البنات وبعدين حولي طب الملك عبد العزيز بس كيف والله ماعرف بس انا دايما اسمع انو ناس يبو يحولو


او قدمي منحه للدراسه في اي كليه صحيه اهليه او حتى سجلي بالفلوس مو مشكله


وبالنسبه للانتساب ترا مافي الا اقسام ادرايه بس

والله يوفقك استخيري انتي وشوفي

[rayyan1444]

الانتساب مافي الا كلية اداب وكلية اقتصاد واداره فقط

[MNMO0ONA]

زي ماقالتلك الاخت الانتساب بس فيلو مسار اداري
لكن ازا حلمك الطب
في ابن سينا ازا جبتي معدل يحولوكي لعبد العزيز
وفي كمان البترجي
وازا كانت نسبتك في الثنوي عاليه تقدري تقدمي على منحه

[مشاعل الحياة]

إن شاء الله استخير وربي يكتبلي الي في الخير
مشكورين ..

[مشاعل الحياة]

يالغالين محد عندو خلفية عن المنحة الدراسية كيف طريقتها
بليزززززز

[MNMO0ONA]

^
^
المنح الدراسيه تختاري كليه او جامعه اهليه وتقدمي عليهااا بمنحه يعني من غير ماتدفعي رسوم ويكون نسبتك في القدرات 65 واعلى
ودا الرابط فيلو تفاصيل اكتر
http://grants.mohe.gov.sa/

[مشاعل الحياة]

مشكورة يالغالية

[Th4m3r]

افادوكي الأخوان مشكورين و الله

و إذا مانقبلتي منحة دراسية

عادي خشي بفلوسك و جيبي معدل عالي أول سنة و بعدين قدمي ع إبتعاث داخلي تصير الحكومي تدفع عنك

[مشاعل الحياة]

معليش تعبتك معايا بس حابة اسال القدرات لازم يكون فو ق65 ولا يقصدو القدرات والتحصيلي يعني النسبة الموزونة فوق 65