سؤال

[أنثىْ لأ تنحنَيِ }`]

سلام

انا وصحبتي نبغا ندخل لغات اوربيه


بس انا مو مره مقتنعه فيه

بس صحبتي مره تبغاه

تبغى يا مسار اللغه يا مسار اللغه الفرنسيه

معدلها 2.97

ايت مسار يقبلها ؟؟

[بوليمر®]

هذي المعدلات الرسمية من الجامعة
http://www.skaau.com/vb/showthread.php?t=55927

بس قسم الطالبات فيه عندهم شويه شروط زيادة وعلى ما اعتقد يبدأو في المعدلات العالية ألين ما يكتفوا واذا كتفوا خلاص حتى اللي مطابق للشروط ما اعتقد انهم يقبلوه

[ohoud-D]

الانجلش تحلم تدخل اختي معدلها كان اربعة وشوي وبالقوة دخلت وبعدين علشان تدخلي القسم لازم يكون عندها لغة جاهزة والا هتتعب وتشيل مواد قد شعر راسها وهما الاستاذات يقولوها بكل صراحة احنا هنا نعلمكم الادب الانجليزي مو اللغة الانجليزية

الفرنسي انا اول ما دخلت القسم كانوا يقبلو اي معدل لكن اعتقد انهم صاروا مشددين الان وبصراحة كثير من البنات يدخلو فرنسي على قولتهم علشان يرفعوا المعدل ويحولوا انجلش اذا كان هذا قصد صحبتك خليها تنتبه لأنو والله صعب البنات اللي ما قدروا يرفعوا المعدل ادبسوا في قسم ما يحبوه

واذا كان انت ما عندك رغبة نصيحة شوفي اللي تحوبيه انت لا تدخلي القسم علشان صحبتك مرررررررة ما هينفع لأن علشان تمشي في القسم لااااازم تحوبيه السمسترات الـ3 الاولى تكون ممتعة بس مو سهلة وبعدين تبدأ دراسة الادب وهتصعب عليك مرررررررررة واذا ما كنت تحوبي القسم ما هتمشي فيه


ومعليش ع الاطالة وان شاء الله اكون افدتك
على فكرة اول مرة اسمع كلمة مسار

[إلهام]

أن من رأيي تدخلي القسم اللي تحبينه,,,,
وصاحبتك ما أظن يقبلوها..بس نقول يارب يقبلوها إذا كانت راح تبدع فيه ,,
موفقه إنتي وصاحبتك’’

[أنثىْ لأ تنحنَيِ }`]

شكرا لكم كلكم


وإن شاء الله اخذ من نصايحكم

وعلى الله يقبلوها ويقبلوني باللي نبيه

مرا شكرا مره ثانيه

[همسات دافئة]

ياقلبي لاتدخلي القسم الا وانتي مقتنعه فيه

شوفي احنا دخلناه عن اقتناع وكنا حابين الانجليزي

بس طلع مو سهل صراحه

الادب واللغويات والتكاليف والاختبارات اللي ور ابعض

والمناهج احيان تدخل كللها من الجلده للجلده


الفرنسي احلى واسهل واستاذاته مرره كويسين

اصلا شوفي معدلات بنات الفرنسي اعلى من معدلاتنا بكتير ماشاء الله

حتى نادرا تلاقي وحده كاتبه موضوع فيه شكوى على فرنسي خخخخ


استخيري ربك وان شا الله يقدم الي فيه الخير

ولا تدخلي القسم علشان صحبتك مره فكره مو مقنعه

ترى في الجامعه لاتفكري غير في نفسك وفي قناعاتك

وحتى لو دخلتو تخصصين مختلفه ان شاء الله بتتقابلو دايما بما انكم بنفس الكليه

[أنثىْ لأ تنحنَيِ }`]

تيب الفرنسي يقبل 3 صافيه و2.97 ولا لا ؟؟

[همسات دافئة]

امممم

والله ما اقدر افيدك دحين

اول كانوا يقبلو فرنسي معدلات واطيه عكس الانجليش

بس دحين يمكن عشان على الفرنسي ولانجليزي اقبال كبير

اتوقع ياخذو الاولويه للي معدلاتهم 4 ومافووق بعدين يطالعو للي اقل اكيييد

ان شاء الله تنقبلي في التخصص اللي تبغيه

وتلاقي مكان

اهم شي استخيري ع الفرنسي والانجليزي

استخيري لنفسك ولاتربطي مصيرك بصحبتك او غيرها

سوي اللي تشوفي انك قادره عليه :-)

[أنثىْ لأ تنحنَيِ }`]

والله انا مو عشان صحبتي كمان


عشان مستقبلي الوظيفي

ان شاء الله انقبل باللي فيه خير لي

تسلمين ياعسل

تعبتك معي شوي

[ohoud-D]

المشاركة الأصلية كتبت بواسطة همسات دافئة ياقلبي لاتدخلي القسم الا وانتي مقتنعه فيه شوفي احنا دخلناه عن اقتناع وكنا حابين الانجليزي بس طلع مو سهل صراحه الادب واللغويات والتكاليف والاختبارات اللي ور ابعض والمناهج احيان تدخل كللها من الجلده للجلده الفرنسي احلى واسهل واستاذاته مرره كويسين اصلا شوفي معدلات بنات الفرنسي اعلى من معدلاتنا بكتير ماشاء الله حتى نادرا تلاقي وحده كاتبه موضوع فيه شكوى على فرنسي خخخخ استخيري ربك وان شا الله يقدم الي فيه الخير ولا تدخلي القسم علشان صحبتك مره فكره مو مقنعه ترى في الجامعه لاتفكري غير في نفسك وفي قناعاتك وحتى لو دخلتو تخصصين مختلفه ان شاء الله بتتقابلو دايما بما انكم بنفس الكليه

للأسف منتشر بين الكل ان الفرسي تخصص سهل يمكن لأن بداياته حروف وارقام وبنات الانجلش اللي يدرسوه مادة عامة ومسهلينها لهم ويراعونهم في الدرجات على بالهم ان هذا هو الفرنسي

ابداااااااااااااااااااااااا غير صحيح هو سهل اذا تذاكري اول باول وعلى فكرة هو اصعب من الانجلش مية مرة يعني الان وقسما بالله يوم اشوف الانجلش احسه موووووويه

مع العلم ان استاذات القسم جميعهم قمممممممممة الاخلاق وينحطوا ع الجرح يبرى الله يخليهم لنا