تجمّـــع طآلبآت المستوى الخآمس والسآدس (انتسآب) الفصل الأول 2010 م.

[طاشا]

صباح الخيربنوتات انا باخد دراما مع سيد احسان ماادري البنات في عالم وهو في عالم تاني بس ماشاء الله عليه يكتب كل شي وحريص انه يوصل المعلومة واخد فيكشن مع عمر باسلامة بطئ جدا بصراحة هومركز اكتر شي على عصور الرواية وكيف كانت الرواية الله يعينا على اسئلته والمورفولوجي مع منى صابر كويسة كشرح بس مااعرف كيف اسلوبها في الاسئلةوالفونتكس مع خولة رائعة في الشرح واسئلتها حتكون مقالية هي تحب الكتابة مرررة.......وان شاء الله اقدر افيد البنات الي ماحضروا....

[ophelia]

السلام عليكم
يا بنات ايش صار في محاضرات الفونتكس مع استاذا خوله
حددت معاكم شي
وشكراااا

[الــــغــــلا]

مشكوره حبيبتي على فتح مثل هالمواضيع المفيده الله لايحرمك من الاجر ياعيني
بنات ؟؟ مقدمه الادب اللي تاخذه مع ايمان بو ترعه تقول ال3 كتب معانا والله محتاره وش رايكم انتم

[i still feel ya]

^^^
يــــــــــــا الله
الحين انا علقت بين الشعبتين حقت الادب..
ناس تقول ايمان//تراعي في الدرجات وتنجح
وناس تقول سوزان احسن في الشرح //
دحين انا ابغى اعدي الماده الادب عادي في وقت ممكن اطلع عليه لانو كلو مسرحيات وشعر

اش رااايكم
افضل مع سوزان/// ولا اروح لايمان؟؟؟؟؟

[وردي]

خليكي في شعبة ايمان بس أحضري المحاضرات مع سوزان
أنا سألت مس سوزان وقالت لي الأسئله وحده

[Pationate Bo0osha]

السلام عليكم ورحمة الله وبركاااته....يا بنات المستوى الخامس يا حلوين حبيت أسألكم سؤال كدة يعني الله يرضى عليكم.....دحين إن شاء الله إذا ربي من علي وأعدي المستوى الرابع داه السمستر وحأخش إن شاء الله في الخامس وإللي من مواده إن شاء الله مقدمة في الأدب واللغويات والكلام داه....سؤالي هو.....هل الدورات التأهيلية راح تغطي المطلوب مننا في هذه المواد؟.....هو بصراحة داه سؤال عام يعني لكل المستويات...فهل إن شاء الله الدورات التأهيلية ممكن تغطي على كل المنهج لكل المستويات إن شاء الله ؟ وللى فيه أنظمة أنا ما أدري عنها؟! الله يسعدكم يا ريت تنوروني عشان أكون على بصيرة وأعرف أتصرف وقتها إن شاء الله

[.. بيســـان ..]

السلام عليكم ،،

خاص : نهى حبيبي معليش سامحيني قلتلك راحعة بعد الصلاة و سحبتها نووومة و بعدين نسيت

بصراحة الجو العام في الجامعة مرة ما يشجع الواحد يفتح كتاب و يبدأ يزاكر ..

الدورة التأهيلية مرة ما تكفي وما أعتقد تغطي المنهج .. البنااااااات و انا منهم .. تشوفي على وجوهنا

حالات العجب .. شئ جديد و غريب و نبغى شروحات أكثر عشان نفهم لكن مافي وقت أبدا ..

تناااحة فينا بشكل مو طبيعي .. سواء في محاضرة الأدب أو اللغويات

و فوق البنات مو متنحين كل وحدة تخوف و تفجع الثانية بالأستاذات .. على هادي أسئلتها صعبة

و هادي اسئلتها دقيقة .. شئ يجيب عواااااار الراااااااااس ،،

بالنسبة للأدب .. الأستاذة سوزان أفضلها ألف مرة عن إيمان و لو كانت أسئلتها أصعب أسئلة

شرحها حلو .. و وعدتنا تعطينا summary للمنهج .. هادا كلامها !! و الأسئلة موحدة

أما اللغويات .. فالأستاذة منى بتشرح والله بذمة .. لكن مشكلتنا نحتاج وقت حتى نستوعب

و ما عندنا مجال صراحة .. الكتاب كاااااااااامل معاااااااانااا ..

هية بتشرحلنا الجزئية المرة مهمة جدا .. اما الجزئية الأقل أهمية قالت عنها رؤوس أقلام

و قالتلنا نقدر نذاكرها لحالنا ..

[.. بيســـان ..]

السلام عليكم ورحمة الله وبركاااته....يا بنات المستوى الخامس يا حلوين حبيت أسألكم سؤال كدة يعني الله يرضى عليكم.....دحين إن شاء الله إذا ربي من علي وأعدي المستوى الرابع داه السمستر وحأخش إن شاء الله في الخامس وإللي من مواده إن شاء الله مقدمة في الأدب واللغويات والكلام داه....سؤالي هو.....هل الدورات التأهيلية راح تغطي المطلوب مننا في هذه المواد؟.....هو بصراحة داه سؤال عام يعني لكل المستويات...فهل إن شاء الله الدورات التأهيلية ممكن تغطي على كل المنهج لكل المستويات إن شاء الله ؟ وللى فيه أنظمة أنا ما أدري عنها؟! الله يسعدكم يا ريت تنوروني عشان أكون على بصيرة وأعرف أتصرف وقتها إن شاء الله

الله أعلم .. لسة ما خلصت الدورة

بالإضافة مافي شئ جديد عن اللي تقصديه " أنظمة " الوضع طبيعي جدا و مافي أي تغيير او تطورات

في الدورة .. غير أن الشعب قليلة بالإضافة مزدحمة جدا .. و اللي يقهر بزيااااااااادة

انو محاضرتين أدب في نفس الوقت .. محاضرتين لغويات في نفس الوقت

ما تقدري تعدلي في جدولك شئ بالنسبة للمواد التانية .. تحسي الجامعة كأنها ما كانت مستعدة لنا

[.. بيســـان ..]

^^^ يــــــــــــا الله الحين انا علقت بين الشعبتين حقت الادب.. ناس تقول ايمان//تراعي في الدرجات وتنجح وناس تقول سوزان احسن في الشرح // دحين انا ابغى اعدي الماده الادب عادي في وقت ممكن اطلع عليه لانو كلو مسرحيات وشعر اش رااايكم افضل مع سوزان/// ولا اروح لايمان؟؟؟؟؟

أنا أقلك اياها بصراحـــــــــــة ،،

إيمان نذلة و مانعة أي طالبة من غير شعبتها يحضروا معاها ..
حتى البنات اللي كانو مع سوزان و حبو يحضرو مع إيمان .. اتفاجأو إنو إيمان بدأت بشرح المنهج
عكس أستاذة سوزان .. وحدة بدأت بكتاب الاوتلاين و الثانية بدأت بالشورت ستوريز ..
كله عشان محد يحضر عندها و اللي حضر يلتزم فيها ..

و الأسئلة موحدة .. لا تضايقي عمرك .. أنا أشوف سوزان أحسن لانها وحدة فهمانة و خبرة و تفهم البنات
اما إيمان من 7 شهور جات السعودية .. ما تدري شئ
>>>> تقهرها إيمان

[.. بيســـان ..]

مقدمه الادب اللي تاخذه مع ايمان بو ترعه تقول ال3 كتب معانا والله محتاره وش رايكم انتم

آآآآآخ بس 3 كتب و ملزمة

بس أنا مارح أجيب لا كتاب النورتون ولا الساوند آند سين ..

مو معقولة يا جامعة نشتري كتب كاملة بمبالغ محترمة عشان ندرس فيهم صفحتين بس

elements of poetry

elements of fiction

و بس !!!

أنا بستنى الــ summary اللي حتعطينا اياه مس سوزان و أشووووووف

اما كتاب الـ outline مهم جدا و ورتنا نموذج أسئلة لمدة 5 ثواني ههههههههههههههه

و حاليا حنستخدم الملزمة..

اما باقي الكتب ما مسكنا فيهم شئ لين دحين .. عشان كده ما أبغى أستعجل و أشتريهم