(وعسى ان تكرهوا شيا وهو خير لكم )

[hamad24]

صج قصة تعور القلب
وفيها عبرة

يا جماعة الخير هذي قصة حقيقية
في وحده راحت للعمرة واهي تصلي بالحرم اللي وفيه هذيك المرة اللي تصلي وتبكي
تصلي وتبكي وتدعي وتبكي
وفيه بالقرب منها امرأة استغربت منها وقالت أكيد لها سالفة وكان كل مابين فتره يجيها ولد شاب يكلمها ويروح ويشوف شنو تبي
المرأة أخذها الفضول واجلست بجانبها وأسالتها ليش تبكين عسا ما شر
فردت وقالت لها والله من العذاب اللي فيني
وليش؟ شنو سالفتك؟؟!!
قالتلها اقولك قصتي وبعدين احكمي
كنت متزوجة من زوج ونعم الأزواج يحبني ويحترمني ويعزني
بس كان فيني عيب إني ما اجيب اعيال وأنا حاولت بس الله ما رزقني فشرت عليه انه يتزوج ثانيه اهو ما رضى بس أنا ظليت احن واحن الين وافق
فدورتله على المرة وخطبتها له وتم الزواج بس بعد ما تزوجها شبت نار الغيرة بقلبي لأنه اخذ يميل لها وماتمينا فتره إلا والمرأه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه ماكو احد يمسك الولد غيري
سافروا وخلو الولد عندي وكان الوقت شتا وكنت شابه النار(فحم)
والولد عمره تقريبا بين السنة وكم شهر واهو يلعب ويطامر قدامي
وانا بقلبي نار تشتعل مثل جمر النار اشلون ياخذها ويسافر ولا !!ويخلي الولد عندي الخ من ها لكلام وفجاه الا الولد يمد ايده بيلعب بالفحم اللي بالنار ومن ناري وغيرتي مسكت ايديه وحطيتها أكثر بالفحم اللين ذابت ايده واهني شلتها بعدها ما يحتاج اقولك اشلون صارت ايد الولد
واهني حسيت إن ناري طفت اشوي نمنا ذيك الليلة إلا ويينا خبر وفاة زوجي مع زوجته وهم في طريق العودة بحادث
وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس أنا كل ما شفت ايده يتقطع قلبي على اللي سويته فيه واهو ينادي بيمه بس لحد الآن ما قلتله إني أنا اللي شوهت ايده
ولازلت اعاني من العذاب وتأنيب الضمير وادعي ربي يغفر لي ذنبي
سبحان الله اشلون حكمة ربك انه صار ها لولد خير لي لولا ها لولد كان أنا حالتي حاله
ويرد لها الولد واهو خاش ايده ويحب راسها ويسألها ها يمة نروح الحين؟؟؟

وعسى ان تكرهوا شيئا وهو خير لكم

جاني على الاميل وعجبتني القصه فقلت اسردها لكم يمكن تعجبكم تحياتي لكم

بس سؤال بسيط لو كنتو بدال المراه الا تستمع لها شنو كان ردكم لها

[ليوناردو]

فعلا عسى أن تكرهوا شي وهو خير لكم ...

بالنسبة للمرأة .. عليه أن تنسى ما جرى وتستمر بحياته .. وهو الان ليس له أحد سواه .. ومن الافضل أن تقول له ما حدث .. وما فعلت به فلها الدعاء أن يغفر الله على ما فعلت ..

(( عموما وليس لهذه القصة فقط سواء كانت حقيقة أو لا ))

... وهذا ردي بكل بساطة

[hamad24]

المشاركة الأصلية كتبت بواسطة ليوناردو فعلا عسى أن تكرهوا شي وهو خير لكم ... بالنسبة للمرأة .. عليه أن تنسى ما جرى وتستمر بحياته .. وهو الان ليس له أحد سواه .. ومن الافضل أن تقول له ما حدث .. وما فعلت به فلها الدعاء أن يغفر الله على ما فعلت .. (( عموما وليس لهذه القصة فقط سواء كانت حقيقة أو لا )) ... وهذا ردي بكل بساطة

اشكرك اخوي على المشاركه الجميله

[متاخره واااايد]

الله يغفرلها ذنبها

انا لو مكانها ماخليتو يتزوج ههههههههههه

ع العموم دا دليل على طيبة قلبها وحبها لزوجها


بس الغيره اعمتها - الله يهديها ويعفو عنها

يسلمو ع الموضوع

تقبل مروري ^_^

[hamad24]

الله يسلمك نورتي

[O.D]

قصة مؤثرة جدا..سلمت يداك

[مافهمت الناس]

قصة مؤثرة وانا لو كنت بدال المرأة اللي جالسة تسمعلها كان قلتلها تجلس تسغفر ربها واهم شي انها تعترف للولد باللي سوتوا معاه وهو يقرر اذا يسامحها او لا انا اشوف انها لازم تقوله
وانا اتوقع انو راح يسامحها لانها قامت فيه وربته

يسلموا على الموضوع

تحيتي ريـــــــــــانة

[hamad24]

المشاركة الأصلية كتبت بواسطة o.d قصة مؤثرة جدا..سلمت يداك

الله يسلمك

[hamad24]

المشاركة الأصلية كتبت بواسطة مافهمت الناس قصة مؤثرة وانا لو كنت بدال المرأة اللي جالسة تسمعلها كان قلتلها تجلس تسغفر ربها واهم شي انها تعترف للولد باللي سوتوا معاه وهو يقرر اذا يسامحها او لا انا اشوف انها لازم تقوله وانا اتوقع انو راح يسامحها لانها قامت فيه وربته يسلموا على الموضوع تحيتي ريـــــــــــانة

الله يسلمك

وشرفتينا ريانه بتعليقك مشكوره على مرورك

[.,.نيــــــــــــــــــــران.,.]

يالله!

قصة جدا مؤثرة وفيها كثير من العبرة

الله يجبر قلبها المعذب


مشكور ع القصة