موضــــوع حسّـــــــاس .. لـلمناقشــــة

[!!توصي شيء!!]

راح أرد عليكم وحده وحده بس أحب أوضح لكم شيء ..

اللي أنا مريت فيه مو كذا ..

أنا اتخيلوا انتشر بين الناس اني انخطبت لدرجة البنات في المدرسة يباركوا لأختي ..

واعمامي يسألون عن السالفه وليه احنا ما قلنا لهم ..

وانا اتفاجأت بالموضوع مررره وانقهرت وقتها ..

ليه يطلعوا عني كلام كذا ..؟؟

ولو وصل الكلام للولد (وخصوصاً إن بنات جيرانهم قالوا لأختي على الموضوع ) ايش بيقول عني ..؟؟

أكيد بيقول هذه هي اللي طلعت هـ الإشاعة عن نفسها ..!!

هذا الشيء صار لي من قريب ..

والكلام عرفوا فيه أهلي وأنا كنت في جده وما دريت إلا بعد شهر من السالفه ..

ولما عرفت مره عصبت من جد قهر إيش هذا ..

الناس آمنــه في بيتها .. ويجيها الكلام لـ حدها ..

واخذوا فتره البنات في المدرسة يقولوا لأختي ..

بس الحين ما أدري ما أظن السالفه موجوده ..

أو بالأصح أنا تجاااهلتها مرررررره ..
.
.
.
والحمدلله ما فيه وحده من عائلتنا مرت بالموضوع الأصلي اللي فوق أبـــداً ..

لأننا ما نؤمن بهذه الخرافاااااات والتعصبــــــــــات ..
.
.
.

[سوار العسل]

المشاركة الأصلية كتبت بواسطة روح البنفسج ااااااااااه الله يعينكم وربي معاناة احس الشي دا منتشر اكثر شي عن القبايل صح؟؟؟

صــــــــــح بس لا أحد يسمعك يا روح و أنتِ تقولين القبايل و يسوون لنا حفلة

نحن يصير عندنا الموضوع دا زي المزح بس ماعمرو يصير جد

يا حظكم لا حنا تطورا نوعا ما ترى ما عاد فيه حجز هههه و لو كان فيه البنات فيهم شيء مرة يعجبني تناضل إلين ما تتزوج اللي تبغاه ، أعرف وحدة ما خلى أبوها فيها شيء إلا و سواه فصلها من الجامعة و دخلها الكلية رجع فصلها من الكلية حبسها في البيت ، ضربها كسر ضلوعها و الله العظيم إنها تجينا و يدينها مجبّسة ما خلا جرم ما سواه فيها عشان يزوجها ولد عمها و هي رافضة ، و على مشارف الثلاثين استسلم أبوها و تزوجت اللي هي تبغاه و سبحان الله يوم شافها أبوها المجرم بعد ما ضيع عمرها ، شافها مبسوطة مع زوجها اللي هي تبغاه مو اللي أبوها يبغاه ، حس بتأنيب الضمير و هداه ربي و جلس يبكي و اعتذر من بنته ، مدري أعوذ بالله كيف الأهل يسوون كذا ، يا ناس سعادتي إني أشوف بناتي مبسوطات بس هم ما أدري كيف الله يشفيهم .

بس احس عادي وناسة خخخخخخخخخخخخ====>اتهبلت

بلاك ما جربتي زيهم يحجزونك لولد عمك الداشر الضايع ، قولي الله لا يبلانا و احمدي ربك يا بت


عذرًا توصي شيء على تطفلي

[me 4 islam]

^
^
وجعتيلي قلبي ,,,توصي
حاجه تنرفز,,
تعرفي ربي مايكتب حاجه إلا وفيها خير لنا
بس نحنا بتفكيرنا نشوف هذي الحاجه شر
ولا تنسي الضربه إللي ما تقتل تقوي>>حِكم

[سوار العسل]

المشاركة الأصلية كتبت بواسطة !!توصي شيء!! راح أرد عليكم وحده وحده بس أحب أوضح لكم شيء .. اللي أنا مريت فيه مو كذا .. أنا اتخيلوا انتشر بين الناس اني انخطبت لدرجة البنات في المدرسة يباركوا لأختي .. واعمامي يسألون عن السالفه وليه احنا ما قلنا لهم .. وانا اتفاجأت بالموضوع مررره وانقهرت وقتها .. ليه يطلعوا عني كلام كذا ..؟؟ ولو وصل الكلام للولد (وخصوصاً إن بنات جيرانهم قالوا لأختي على الموضوع ) ايش بيقول عني ..؟؟ أكيد بيقول هذه هي اللي طلعت هـ الإشاعة عن نفسها ..!! هذا الشيء صار لي من قريب .. والكلام عرفوا فيه أهلي وأنا كنت في جده وما دريت إلا بعد شهر من السالفه .. ولما عرفت مره عصبت من جد قهر إيش هذا .. الناس آمنــه في بيتها .. ويجيها الكلام لـ حدها .. واخذوا فتره البنات في المدرسة يقولوا لأختي .. بس الحين ما أدري ما أظن السالفه موجوده .. أو بالأصح أنا تجاااهلتها مرررررره .. . . . والحمدلله ما فيه وحده من عائلتنا مرت بالموضوع الأصلي اللي فوق أبـــداً .. لأننا ما نؤمن بهذه الخرافاااااات والتعصبــــــــــات .. . . .

الله يصبرك يا وخيتي ، هذول و ربي ما يستحون قطع أرزاق هذا ، و أنا أقول ليه أنا ما انخطبت لا يكون محجوزة و أنا مدري

[me 4 islam]

أعرف وحدة ما خلى أبوها فيها شيء إلا و سواه فصلها من الجامعة و دخلها الكلية رجع فصلها من الكلية حبسها في البيت ، ضربها كسر ضلوعها و الله العظيم إنها تجينا و يدينها مجبّسة ما خلا جرم ما سواه فيها عشان يزوجها ولد عمها و هي رافضة ، و على مشارف الثلاثين استسلم أبوها و تزوجت اللي هي تبغاه و سبحان الله يوم شافها أبوها المجرم بعد ما ضيع عمرها ، شافها مبسوطة مع زوجها اللي هي تبغاه مو اللي أبوها يبغاه ، حس بتأنيب الضمير و هداه ربي و جلس يبكي و اعتذر من بنته

اشبكم يا عالم كل وحده ترمي هنا حكايه اوجع من اللي قبل
مايسير عقدتونا من سيرة الزواج:(
صلو ع النبي وان شاء الله كل وحده تتزوج إللي تتمناه
سوار
معقوله في ناس لما دحين زي كذا!!!
عجبني كفاح البت لو انا استسلمت ع طوووول

[أم رنيم]

توصي شيء موضوعك مؤثرجدا + قصص الأخوات

بالذات للبنت الي تكون حساسه وتتعلق بأوهام البنت لولد عمها

بس ترى مش كل القبائل كده ,, القبائل الآن صارت متفتحة أكثر من قبائل زمان

بس نصيحه مني تفاءلي بالخير تجدية....والي خلق ولد عمك خلق غيره ويمكن يكون المستخبي لك أفضل منه

واعلمي أن ماأصابك لم يكن ليخطئك وماأخطأك لم يكن ليصيبك

وخير ماعملتي الدراسة ثم الدراسة << وعنه محدش حوش

ثم الزواج وتأسيس أسرة بأكملها وهذا ملحوق عليه << أسأليني أنا

بالنسبة لأي بنت مرت عليها بمثل هذه الظروف فأحب أذكرها بالمثل هذا , الي بجد يعجبني وأحس انه في محله

لاتندم على من حبيته وخلاك====ولكن ااندم على من أحبك وخليته

[NoNa]

فعلا حبيبتي انا مريت بنفس الي مرتي فيه

والله يسامح الي كان السبب

بس انتي ما تدري ممكن خير

ممكن شي نحبه بس هو شر لنا وربنا صرفه عننا ,, خيرة يعني

[أحلى جامعيه]

ياســــاتر..الله يبعدنا عن هذه المواقف..
بس الحمد لله الناس دحين صار تفكيرهم منفتح مو زي زمـــان..وقليل منهم الي يفكر بهذه الطريقة..
الدنيا ماهي فوضى عشان الوحده تتزوج واحد ماهي راضية عليه..

[فتفوتة سكر]

عدنـــا >> أقلد سبيس تون

الموضوع له فرعين من وجهة نظري
الفرع الاول :
وهو حجز البنت من قبل والدها لاحد من الاقارب قبل بلوغ الفتاه سن الرشد
وهذا اللي اعتقد اختفى هالايام

الفرع التاني حجز الفتاه لولد عمها بطريقه اخرى
وهي ان يطلبها ولد عمها او احد اقاربها والبنت لسه ماوافقت ويكون بكده منع عنها اي خاطب يتقدملها
بحجة ان ولد العم أولى
حتى المعارف اذا دريو ان ولد عمها طالبها ما يتجرؤو يطلبو الفتاه
وبكده يشاع خبر انها محجوره او مخطوبه

وهذا الشي حدث ولا حرج يا كثرته بين العائلات وممكن تكبر اذا ماكان الوالدين فطنين وساعدو البنت على اختيار قرارها سريعا ومن ثم اتخاذ الرأي السريع ,,


بالنسبه لمشاعر الطرفين
فأنا أنكر على اللي يتعلق سريعا او يعلق نفسه بشخص محدد
لازم نتروى شويه في مشاعرنا
لان اكبر الجروح هي جروح المشاعر اللي مهما حاول الانسان يداويها ما تندمل !!


بلنسبه للقانون والشرع
انقل كلام المحامي الدكتور :

يوسف بن عبد اللطيف الجبر
يقول في هذا الصدد

يرفض الاسلام مفهوم الحجر في تزويج الفتاه وهو مبدأ يخالف قواعد الشرع قال ابن تيميه ’’ الصحيح ان البكر البالغه لا يجبرها احد لما في الصحيحين قال الرسول صلى الله عليه وسلم : ’’ لا تنكح البكر حتى تسنأذن ’’ ) وكذلك جاءت النصوص الشرعيه بالامر بقبول الخاطب الكفء فروى الترمذي عن ابي هريره رضي الله عنه قال : قال رسول الله صلى الله عليه وسلم ’ اذا اتاكم من ترضون دينه وخلقه فزوجوه والا تفعلو تكن فتنة في الارض وفساد عظيم ’ وقد منح الفقهاء الفتاه اللتي عضلها والدها حق اللجوء الى الولي الابعد فيزوجها رفعا للضرر الحاصل عليها بسبب العضل ....

اسفه عالاطاله
لكن حبيت اذكر هذا من واقع حقا نعيشه
رزق الله الجميع بازواج صالحين قرة عين لهن

وأشكرك توصي بشي على هذا الطرح الواقعي
سلمت يداكِ

[إكليل الـــورد]

جبتيهآ ع الجرح ... !!