المشرفين على القاعات .. وجع راس

[Abo Sultan]

اليوم
أول يوم أختبار ... انجليزي 102
وأبشركم أنواع الإجابات ... صح خطاء ... المهم .. إجابات
لكن ..؟
اللي يضيق صدري إن المشرفين وبعد ما يبدا الوقت
يبدون : إكتب اسمك بالحبر
وضلل بالبنسل
وين البطاقة
وين كرت العائلة
وين رايح .....!!!!!
يا أخوي وخر عني واللي يرحم والديك
أصلاً المعلومات ملزقينها بتفال
أي رجه ويطيحن

ويروح ربع ساعة وأنت تلاحق
شخبط شخابيط نقط تناقيط

والغريب إنه بعد ما تكيف على مكانك وتكون داخل ملكوت مخك
ما تدري إلا المشرف ساحب ورقتك ... وطالب منك تغير مكانك ..؟ ليش ؟؟ أنا مسوي شي ..؟؟

لا ...
بس خلص أكثر الطلاب
والمشرف ما عنده شغل .. إلا قم أنت .. تعال إنت .. لا لا تعال هنا .. لا لا تعال هنك

بالله وش الطريقة اللي نقدر نأخذ وقتنا بالامتحان كاملاً
دون مقاطعة أو تشويش ..........!!!!!!!!!!!!!

[الــــغــــلا]

اضم صوتي لصوتك ترى مو انتم لوحدكم حتى عندنا يالبنات نفس الاسلوب الى متى الهماجه ذي يكفي ان الوقت ضيق والله يكفي

[زيرو]

انا اقولك طريقه مجربه اذا تبي تفتك من ازعاجهم << الضمير يعود الى المشرفين

طبعا اذا جيت بتروح الاختبار بتاخذ معك الملازم علشان تراجع

والقلم والمرسم

كل هذا تمام وحلوو

بس لا تنسى تاخذ معك قطن

طبعا القطن هذا هو اللي راح يساعدك ماتسمع ازعاجهم

تحطه ع اذونك وانا اخوك

وبعد لازم تطق اللطمه علشان ماتسمع نفسهم وحركة اقدامهم

وتعيش في جوك وتركز زيييين

وبالتوفيييييييييييق للجميع

[نووونه]

والله انك صادق..
لا كله كوووم واذا وقف المشرف فوق راسك
ولا يدور حولك
كأنه مضيع عندك شي اووووووووووووووووف كيف كذا الواحد يقدر يكتب شي

والله احيانا اضطر اقول فيه شي

[القلب الجريح]

لا لا بالنسبة لإختباري أنا غير ؟ ! أنواع الضحك اليوم في القاعة !

طبعاً الإختبار مهارات لغوية مستوى أول 101

الأول باين إنه سعودي ،

والثاني مصري جبته لو تشوفونها من كبرها تقول ( تكية عزابية ) ههههههههههههههه ،

والثالث أراهن إنه سباك ماخذله دورة حلاقة ههههههههههههههه ولا بعد لوتشوف كيف واقف مسوي أنا الكل لو تشوفون شنبه وجبهته تقول المصارع القديييييييم ( هوق هوقن ) ههههههه

الله يستر من إختبار السبت اللغة الإنجليزية 101

[* همسه دلع *]

المشاركة الأصلية كتبت بواسطة زيرو انا اقولك طريقه مجربه اذا تبي تفتك من ازعاجهم << الضمير يعود الى المشرفين طبعا اذا جيت بتروح الاختبار بتاخذ معك الملازم علشان تراجع والقلم والمرسم كل هذا تمام وحلوو بس لا تنسى تاخذ معك قطن طبعا القطن هذا هو اللي راح يساعدك ماتسمع ازعاجهم تحطه ع اذونك وانا اخوك وبعد لازم تطق اللطمه علشان ماتسمع نفسهم وحركة اقدامهم وتعيش في جوك وتركز زيييين وبالتوفيييييييييييق للجميع

هههههههههههههههههههههههه بصراااحه حلوه فكره القطن

والله مشكله هالمراقبين بصراااااااااااحه انا ماانسى موقفهم الترم الاول باختبااار الحاسب

قعدنا تقريبااا نص ساااعه نحل على ورقه الاجابه طبعا تظليل

وشووووووووي ماحسيت الاوحده سحبت مني ورقه الاجاابه

وقالت ارجعوا حلو على ورقه الاسئله والللله تخلف

بصرااااااااااااااااحه معاناه ايااااااام الاختبااارااات..

[خالد الرياض666]

والله توبه ماعاد اختبر في الرياض انا كنت جالس اول واحد وكان المراقب تقول كنه بودي قارد نافخ الصدر

وكل شوي وين البطاقه وين الرخصه وين الاستماره اكتب اسمك امسح اسمك

واللي قاهرني ان الورقه ما جتني الا الساعه خمس يعني نصف ساعه من الاختبار راح علي