يارب يوفق اللي يدخل موضوعي و يساهم فيه (( اميييييين ))

[افكاري سلاحي]

السلام عليكم و رحمة الله و بركاته ...
انا راااسي حينفجر و ماني قادرة لا اكل و لا انام بسبب شابتر 6 في الاحصاء ....

وربي تعبت و انا احاول افهمو ..

ما انكر ماشاء الله فهمتو بس احس اني ماني فاهماه فاهمين قصدي

بالله اي احد عندو شرح او هوا يشرحو ليا اكووون ممنونة له طووووووووووووول حياااتي بلييز عشان خاااطري ساعدووني و لا تردوني ممكن

[دافور كبير]

حتى انا ماني فاهم شي في شابتر6


الله يخليكم يعني ابغى افهم كيف الشي العكسي داك لمن يعطيك المساحة و يبغى قيمة اكس

[بسمة ألـم]

انا اليوم راح ابدأ فيه ان شاءالله

لي عودة

[Mr.Mohanned]

امممممم

الباب دا سهل وتقريبا أسهل من اللي قبله

وأنا الحمدلله فاهمه بس كيف اشرحلكم اياه ما عندي شروحات ولا شي

[بقايا جرح الزمان]

حتى انا ابغى احد يشرحه احسه يلخبط مررررة بالذات بند 2

[أمــير الـــروح]

الاحصاء مشكلتها انها مليانة ثغرات واشياء تعجيرزية

[AnoOosa NoOoSa]

أنا حشرحلكم اللي أعرفو وإن شاء الله تــــفهمو :)
مثــــــــال (1-6) page 306
يــــبغى المساحة اللي على يســـار z=1.99

هــادي المسالة حلها مباااشر حتــاخدي 1.9 (( الرقـــمين الاولى بس) وتروحي للجدول وتدوري عنها في قيمة z
وتـــاخدي الرقم التاني 9 ( 1.99) وتدوري عنو فوق وتشوفي نقطة التقااطع اي رقـــم؟؟ وتسير هي المساحة المطلووبة


مثـــــال( 6-2)
يــــبغى المساحة اللي على يــــمين 1,16-
طبعا الجدول اللي عندنا مايطلع المساحة على اليميـــن مايطلعها الا إذا كانت عاليسار
فتروحي تجيـــبي المساحة اللي على يسار 1.16- من الجدول بالطريقة العادية
والناتج اللي يطلعلك تطرحي من 1 ويكون الناتج هو امساحة المطلوبة

طيـــب إذا طلب منك مساحة المنطقة المحصووورة بين نقطتيــن زي مثال (3-6)
حتجيـــبي المساحة اللي على يسار z=1.37
وتجــــيبي كمان المساحة اللي على يسار z=1.68

وتطرحـــي القيمتين من بعض والناتج يكون المساحة المطلوبة

[الخلوق]

السلام عليكم ورحمة الله وبركاته.................................
أنا أبختصر لكم هذا الكلام كله اشتروا مذكرة الدكتور - أشرف بركات - للاحصاء من مكتبة الشقري ، شرح واضح ومفصل ................................وبالله التوفيق.................................

[AnoOosa NoOoSa]

مثــــــال (6-6) page 317
هنـــا أداني الــــمينM= 146.21
وأداني الســـتاندرد ديفــيجن ç=29.44
وقال انو يبغى نسبة النسااء اللي يصرفو أقل من 160.00 تســـير هادي قيمة x
ولازم تتاكدو انـــو قلكم انــو التوزيع نورمالي ديـــستربيود

° أول شي أرسمو الرسمة قدامكم المينM يكون في النص وتحطو كمان قيمة x


هــــو في السؤال أداكي أنو قيمة x = 160.00 بــس انتي حتحولـيها من x الى z باستخدام القانون z=x-m /ç

وتـــرجعي ترسمي الرسمة مرة تاانية تحطـــي قيمة m=0 ,z=0.47

هـــو طلب في السؤال انو يبغى قيمة less than يعني المساحة اللي أصغر من z=0.47
يعني يبغا المساحة اللي علي يسار تطلعوها من الجدول عاادي

يـــــعني الهرجة كلها في انك تحولي الاكس الى زد

سوووووووووري أدري انو شرحي مو مررة بس إن شاء الله تفهمو

[AnoOosa NoOoSa]

المشاركة الأصلية كتبت بواسطة دافور كبير حتى انا ماني فاهم شي في شابتر6 الله يخليكم يعني ابغى افهم كيف الشي العكسي داك لمن يعطيك المساحة و يبغى قيمة اكس

إذا كان قــصدك زي مثال (9-6) صــفحة 320:

هنا أداك قيمة الاحتمال بــ10% الاحتمال هو نفسو المساحة
وأداك الميين بــM=200
وستاندرد ديفيجين بـــ 20
يــبغى قيمة X

طيــب أول شي حتجيب مساحة المنطقة اللي بالأبيض (( في الرسمة ))
كيف حتجيـــبها؟؟ حتقول 0.1000 _ 1
لانـــو المساحة كلها مجموعها 1
كــدا انت جبــت مساحة الجزء الأبيض بــ 0.9000

الخطوة التانية حتــــاخد القيمة 0.9000وتـــدور عن أقرب رقم لها في الجدول
لو دورت حتلاقي أقرب قيمة تطلع 0.8997

بعدين شوف هم كيف طلعو قيمة z من التقاطع يطلع 1.28

الخطوة التاتة حتـــــعوض في القانون z= x-m /ç

وتحلها كانها معادلة عادية

مدري إذا فهمت ولالا