نتائج دورة الانجلش لطالبات الماستر كلية الاداب

[lotysweet]

احنا بكلية الاداب اخذنا دورة الانجلش اللي بدل اختبار بديل التوفل ولنا مدة ننتظر النتيجة
حددو لنا يوم بس للاسف مايلتزمون بالدقة بالمواعيد ومر على اليوم اللي حددوة اسبوعين و
لسا ماشفنا شئ نبي نعرف متى تطلع النتائج
نبي نتطمن ونرتاح واليوم زميلاتي يقولون خبروهم انهم بيرسلون مسجات لجوالاتنا بس اشك
بهالشئ شكلهم تعبو من كثر مانسألهم من عندة خبر متى تطلع نتائج دورة الانجلش ؟؟
ياريت اي شخص من المسؤولين يفيدنا ويرحمنا من التفكير

[الوردة الجريحة]

لتمنى احد يجاوبك بس ممكن سؤال يااختي هل الدورة صعبة أم سهلة ؟

وهل استفدتي منها كثيرا أم لا؟

[shada_Ak]

لتمنى احد يجاوبك بس ممكن سؤال يااختي هل الدورة صعبة أم سهلة ؟ وهل استفدتي منها كثيرا أم لا؟

كيف مستوى الدورة وما مدلا استفادتك منها ؟

[احساس فتاة]

هلا اختي الله يطمن قلوبكم اجمعين..
ونفس اسئلة الأخوات ...وهل اللي مايجتازها يأثر على دراسة الماجستير والا لا؟؟؟
ومتى وقتها صباحي والا مسائي؟؟؟
تخصصك هوا جغارفيا والا ايش
هههه اسفه على الاطالة

[الوردة الجريحة]

اخت لوتي سويت معليش بسألك بماانك اخذتي الدورة ؟متى ناخذ بطاقة الجامعة بعد ماتظهر نتيجة الدورة لاني قرات بعض ردود الاخوات وقالوا ماتاخذي بطاقة الجامعة الا بعد تحقق الشرط وهو بديل التوفل وانا لغة عربية وابغى الدورة هل اخذ بطاقة الجامعة بعد النجاح في الدورة ؟؟
شكرا وجعله الله في موازين حسناتك .

[lotysweet]

سوري انشغلت ومادخلت المنتدى الا الحين، وهذه إجابة الأسئلة:

1.هل الدورة صعبة أم سهلة ؟
الدورة مو صعبة كثير بس يبيلها تركيز يعني اللي تدخلها لاتاخذ معها مواد ماجستير كثيرة يدوب مادتين عشان تقدر تتفرغ للانجليزي اكثر.

2.وهل استفدتي منها كثيرا أم لا؟
يركزون اكثر شئ على القرمر واحنا محتاجين للمحاثة اكثر من القرمر لأنه لازم يكون عندنا مفردات كثيرة وللاسف بالمدارس يهملون هالناحية وبالدورات برضة يهملونها بالاضافة الى ان اللي تدرسنا تقع في اخطاء والكل منتبة لها بس وش نقول...بالنهاية اهم شئ نجتازها وخلاص لانه مستحيل نستفيد من شئ مدته يدوب شهرين مع الاجازات اللي تقطعة.
طبعا اللي تدرسك تتساهل معك على قد ماتقدر لانه المفروض لازم نعديها والا وضعنا الدراسي بيكون بخطر

3.كيف مستوى الدورة وما مدى استفادتك منها ؟
الدورة نص نص، يعني اللي تعرف من قبل ماشي الحال معها واللي ميييح بتلاقي صعوبة .
شوفي مدي الاستفادة مثل الدورات اللي قبلها انا اخذت دورات قبل بمعاهد خاصة واستفدت بالبداية بس الشئ لما تتوقفي عنه يضيع وتنسية واللي اخذته بالدورة بدأت انساة احنا مجتمعنا مايساعد اننا نحتفظ بشئ.

4.وهل اللي مايجتازها يأثر على دراسة الماجستير والا لا؟؟؟
اية اكيد تأثر وانا سمعت انه اللي مايجتازها يطوى قيده حتى لو كان ناجح بمواد الماجستير!

5.ومتى وقتها صباحي والا مسائي؟؟؟
فية صباحي وفية مسائي بس انا سجلت بالمسائي لتعارض اوقاتها مع مواد الماستر.

6.تخصصك هو جغارفيا والا ايش؟
تخصصي تاريخ.

7.متى ناخذ بطاقة الجامعة ؟هل اخذ بطاقة الجامعة بعد النجاح في الدورة ؟؟
لا لا لا... تاخذي البطاقة اول ماتبدأي الدراسة تبع الماجستير وعادي بعدها تبدأي تدرسي الدورة، اجل كيف تدخلين الجامعة بدون بطاقة اكيد حارسات الامن يمنعوك!
ومثل ماقلت لك فية بنات معنا قسم لغة عربية واخذو البطاقة وبعدين جو درسو معنا بالدورة.

[الوردة الجريحة]

يسلموووووووووووو الله يجزاك خير

[احساس فتاة]

الله يعطيكي العافية كفيتي ووفيتي
والله يطمئن قلبك ويوفقك وينجحك بجميع المواد...

[Pink flower]

يليت تفيدنا لو تعرفي كم النسبه المقبوله للماجستير بهذه الدوره

[غلا وكلي حلا]

حبيت اسأل كيف اختبار الدوره سهل ولا صعب وهل يشمل المحادثات والقطعه وزي اختبار بديل التوفل الأساسي ولا يختلف