مشكلة Lane 216 لله المشتكى ولا انا غاسله يدي من هالجامعه ؟

[قلم سائل]

اخواني واخواتي انصحكم بشدة الحيل ولو كل يوم الواحد منا يحفظ 20 كلمه والله ما راح نلاقي صعوبه في تخصص الانجليزي وكمان متابعة الاخبار او البرامج العلميه او حتى افلام كرتون والله فيها فايده وكمان الافلام المترجمه
بس خساره احنا ناس مع الاسف قــــــــــمــه في الكسل طبعا مش الكل
اختم كللامي شدوا الهمه واستعينوا بالله على قضاء حوائجكم
ولا تنسوا ان النفس البشريه بطبعها الكسل لكن لا بد من مجاهدتها
هذا ولكم افضل التحيات

[عوالي95]

تيب ايه رايكم في الاستاذه اللي جبتلها مقال من موقع اجنبي وقالتلي انو في اخطاء سالتها اش هيا قالت مو think in English

[فجر الأعياد]

المشاركة الأصلية كتبت بواسطة زيـــنـــة أنا نفس مشكلتك عزيزتي ، في الأول أخدت 87 و التاني رسووووب ... بس أنا آخد مع رشا قزاز حسبي الله عليها انا متأكدة انو اللي نجحوا يتعدوا عالأصابع ، المشكلة مو هنا ، المشكلة انو مافي أحد يوقف في وجههم و يحاسبهم على اللي هما بيعملوه!!!!!! و الله حرام عليهم ، المفروض انا اكون متخرجة الترم الجاي ، و يسووا كدا ! يا بنات و شباب ايش رأيكم كلنا نكتب أسماءنا و نرسلها لعميد شؤون الطلاب أو عميد كلية الآداب أو نوصل الموضوع لمدير الجامعة عشان يشوف الإهمال و التسيب و قد ايش احنا بنتعب و في النهاية نرسب ! اذا توافقوني انا اول وحدة تحط اسمها و ترسل معاكم ، ترى لو قعدنا دايما ساكتين و خايفين مافي احد حيطالع في وجهنا ، بس اذا اتكاتفنا و حطينا يدنا في يد بعض أكيد بإذن الله حنعدي ... حتى لو مافي أحد يسمع لنا عالأقل سوينا اللي علينا و الباقي على رب العالمين ... بس أهم شي كل واحد ووحدة فينا يقول حسبنا الله و نعم الوكيل ...

أنا سمعت من كم بنت انتساب وانتظام وعددهم مو قليل ناويين يكتبوا معاناتهم في قسم الانجليزي في اكثر من جريدة بس بوقت متفرق والبنات ماقصروا بصراحة راحوا وتكلمو بالقسم الترم اللي فات بس مالقوا اي تجاوب حسب كلامهم والان رح يتكلموا بالجريدة

بس اللي اعرفوا انه في بنتين وحدة قريبها في حقوق الانسان والثانية عندها محامي خاص بس البنات ينتظروا رد البنتين

والله يوفق الجميع يارب