للطالبات اللي مااستلموا بطايقهم المصرفيه

[رنوووما]

السلام عليكم ورحمه الله وبركاته......
كيفكم بنات؟؟؟؟

المهم بقولكم قصتي في البدايه عشان تفهمون الموضوع ونقدر نساعد بعض

انا من بدايه الترم الاول من لما قالوا تجديد بطايق وقلة حيا رحتلهم وقالولي مانزلت بطاقتك بس ان شاء الله هالاسبوع ورحت لهم بعدين 200 مره كل مره يقولون البنك يقولون هلاسبوع هاليومين هالمدري ايش ومره عصبت عليهم المسؤلات عن البطايق عند شؤون الانجلش قلتلهم ادوني رقم البنك اكلمهم قالوا ماعندنا ارقامهم انا طرطعتقلتلهم كيف تتعاملوا معاهم وماتعرفوا رقمهم قالوا احنا اللي عندنا ارقام الموضفات الشخصيه ...قلتلهم طيب كلموهم اشتكولهم مننا خلوهم يحسون انهم رافعين ظغطنا كلنا قالوا طيب حنكلمهم ..ومره ثانيه قالوا روحي الجامعه خذي مكافاتك اللي مااستلمتيها قبل لايسحبوها ورحت واتشحططت من مبنى لمبنى عشان اجيب موافقه من المسؤوله الماليه ورجعت البنك وامسكي معايا يالطعه 3 ساعات لين جا دوري وادوني اوراق اوقعها من مكتب لمكتب لين جا الفرجواستلمت مكافاه شهرين مع انه المفروض على كلامالمسؤوله اني باخذ مكافاه 3 شهور يوم قالتلي الصرافه انه شهرين بس مو3 قلت هات والله معاد ارجع وسالت عن البطاقه قالوا لمن تنزل يرسلونها ع شؤون الكليه قلنا تمام احسن من المشوره ورحت مره سالت حقت البطايق في الكليه انو ليش مانزلت بطايقنا ؟ قالت بطايقكم لسه بتجي من الريااااض <<< بالله هذا كلام؟؟ ليه وش تطلع البطاقه الذهبيه ولاالماسيه المهم رحت مره اخرى اسال اذا نزلت ولالا قالت لا قلت طيب ماينفع احنا نفتح حساب ثاني وتتحول المكافاه عليه قالت لالالالا عصبت شوي وانطط قلت طيب لاانتوا جالسين تتصرفوا ولا مخلينا احنا نتصرف قامت الحرمه تمطط براطمها ...انا ادري انه هم مالهم صلاح ولالي حق اني اعصب عليهم لان المسؤول هو البنك الغبي بس ايش اسوي ماقدامي الاهم اتفشش فيهم والله اني صرت استحي اروح اسال عن البطاقه منكثر ماسالت عنها قمت اخلي صحباتي يسالونها اخر مره قالوا هاتي رقمك واسمك واذا نزلت بطاقتك بندق عليك واعطيتهم وانا عارفه انه بس بيصرفوني طفشوا من خلقتي كل يومين وانا طابه عليهم ..ووحده تقول بننزل الاسماء لمن تنزل البطايق ودام ماتلقي اسماء بالممرات يعني مانزل شي ههههههه ابلشتهم لين طفشوا مني
اخر كلام قالوا انه بتنزل هالاسبوع مع اني مني مرتاحه واحس انه بكش زي عوايده بس الله المستعان والله من جد حاله ماينسكت عنها لين متى يعني بتغلق سنه كامله ومانزلت البطاقه كله من التجديد لابارك الله فيهم

المطلوب ياحبيباتي اللي حالتها زي حالتي اطلب منها فضلا لاامرا انو احنا نتساعد بمعنى كل وحده تطفش حقين البطايق وتحرجها زي مثلا تقول متى يعني بنشوف البطايق بنتخرج ماخذناها <<< واللي يجيلها كف انا مالي صلاح ههههههههه
صحبتي تقول شكل بطاقتك بتلاقينها جوة ملف التخرج لمن تستلميه خخخخخخخخ

المهم حبايبي زي ماقلتلكم نتعاون لمصلحتناوالله ذا الحال لايطاق حقنا ومناشبينا فيه ايش معنى الخلق كلهم نزلت بطايقهم؟؟<<< لحد يقول اننا منحوسات

وبث يالله اشوف جهودكم تحياتي RanoOoma

[بنوتهـ دلع]

يااا رنومااا أناا حالتي مثل حاالتك لمن جددواا البطاايق طبعآ أناا عشااان ظااعت قبل كداا قااالتلي سكرتيرة الوكيلة استني لمن البنك يرسلونهاا أو روحواا للبنك الجامعة ولمن رحت طفشوني وحده من صااحبااتي قاالتلي قولي لهم أناا البطااقة ضااعت وفعلآ رحت البنك وقلتلهم وأخذوا مني صور للبطاقة الجامعية وصور كرت العائلة بس لازم تروحي للشؤون اللي في الكلية وتأخذي ورقة للبنك ضروري وتعبيهااا وفي البنك قوليلهم أنهاا ضااعت وطبعآ رااح تطلعي بطااقة جديدة ورقم سري جديد واي استفساار أناا جااهزةِ

[نــورهـ]

انا حالتي و صحبتي كمان مثل بنوته دلع و امس رحنا و قالت انا ماادري ليه البطايق متاخره يمكن تجي نهاية شهر اربعه و اعطتنا ورق عشان نروح الجامعه و نسحب المكافاة و ربي يعين

[فتاة الجبال]

نفس اللي صار لك صار لي

بس رحت طلعت بدل فاقد ..

[نــورهـ]

فتاة الجبال ياختي من ووووين طلعتي بدل فاقد و ماهي الاجراءات وجزاك الله خير

[فتاة الجبال]

روحي للبنك اللي في الجامعة وتكون معاكي بطاقة الاحوال او كرت العائلة ( الأصلية )

وورقة من الشؤون( حقت الجامعه مو الكلية ) انا اخذتها من الكلية قالولي لازم من عندنا ووصفولي المبنى ورحت جبت الورقة ... مررره ماتاخذ وقت يعطوك اياها في ثواني وبعدين تروحي للبنك ويطلعو لك البطاقة في ثواااااني

بس قوليلهم بدل فاقد لاتجيبي لهم سيرة انك مااستلمتي بطاقتك الجديدة لانهم رح يطفشوك ويسوولك سالفه

يعني صدقي نفسك انك مضيعتيها ههههههههه

وبالتوفيق .. دعواتك لي اني أنجح في كل المواد هالترم

ادعيلي الله يسعدك ياااارب

[هموووسه]

بنات أنا بطاقة الصراف حقتي الراجحي و تنتهي هذا الشهر

وش رأيكم أقدم بدل فاقد ولا تجديد



وأنا الى الآن ما أستلمت مكافئه و كل شهر يقولون هذا الشهر بتنزل لك
قولوا لي وين أروح عشان استلمهاا

[ناوي الرحيل]

يعني حبايبي انتو فاقدات البطايق مو مانزلا المكافئات لهذا الشهر لان انا وصحباتي مانزلت مكافئاتنا قالوا راح يغيروا البطايق الى سامبا يعني ماتنزل المكافأت الانهاية شهر 4
الله يعين الجميع

[riti]

السلام عليكم
أنا نفس الحالة وليه 6 شهور ماعندي بطاقة ورحت بعد 3 شهور واستلمتها كاش من البنك حتى مالهم نفس يصرفونها كأني آخدها من جيبهم وبعدين دحين ليه شهرين مااستلمت وكلمت الشؤون عندنا قالوا روحي للجامعة في الشؤون عند الاستاذة غادة غرفة 19 يوم الاحد والثلاثاء وماادري اش اسوي باقي مارحت
أرشدوووووووووووووووووووووووووووووووني

[رنوووما]

انا اللاربعاء رحت اسال عنها قالوامانزلت مع انها يوم السبت قالت بتنزل ذا الاسبوع....جالسين يلعبون بعقولنا
والله انا جازتلي سالفة اني اروح اطلعبدل فاقد شكلي بسويها بس عندي سؤال ..الحين لوطلعت بدل فاقد وبعدين تنزل البطاقه الاصليه عند الشؤون وش اسوي بعدها ؟؟؟ كاني سمعت انه الي عندها بطاقتين مفعله ماتقدر تستخدمها لازم تروح البنك وتحذف وحد وانا اكثر شي اشيل همه اني اروح بنك الجامعه وانلطع عندهم غير اني افوت محاضراتي ولاوحده من الاستاذات بتقبل عذري لو اقولها رحت البنك وووو..المهم الله يعين انا مدري ليه مانروح نخلص امورنا البنكيه من اي فرع سامبا يعني لازم فرع الجامعه؟؟؟ الله يصبرنا