مادة رعاية احتياجات خاصه مع د.جنان

[وحده متفائله]

السلام عليكم بنات طفوله

مين قد درست مع د.حنان باقبص قبل كدا؟؟

لانه بصراحه الوضع صعب معاها



ماني فاهمه كيف نتعامل معاها ؟؟

ياليت اللي درسو معاها يقولولنا كيف تفكر دي الانسانه الغريبه العجيبه؟؟؟

[ساكنه في بيتنا]

و عليكم السلام و رحمه الله و بركاته

دي لسى جات الترم اللي فات أو الترم دا .. المهم انها ما قد درستني ..

اشبها ؟؟

على فكره الد. اللي اخدت معاها رعايه كانت برضو عجيبه غربيه في اسئلة اختباراتها و تصحيحها ..

فغرابت دي من ايه ناحيه ..

[وحده متفائله]

ماتشرح ولا حاجه
اصلا ماني فاهمه شي في الماده
قسمتنا قروبات نعمل بحث في النت ونطلع معلومات عن كل نوع من الاعاقات ونشرحها
دا هوا الاختبار الدوري حقها
اما الاختبار الفاينال فهوا عباره عن قراءات >>على فكره مادري ايش يعني قراءات
يوم تجي مبتسمه ومروقه ويوم تجي معععععصبببببه وتصرخ والله والله والله دي الانسانه مو طبيعيه ابدا

[ساكنه في بيتنا]

طيب جربوا تكلموا د. زين ولا د. نهله !! ..

لا تروحي لوحدك روحوا قروب

الله يعينكم يارب ..

اصلا الماده نفسها غلسه و تحسي فجاه انو انتي اللي عندك احتياجات خاصه ..

شكلو اركوبي كانت اهون منها الحمد لله ..

[بنت جدة المنكوبة]

والله الله يعينكم

[غريبة]

صرحة د.حنان باقبص في البداية تخوف لكن واللة طيبة وحتى علاماتها حلوة ولاإيش رايكم بالنسبة لية علامتي افضل مما توقعت بكتيرررررررررررررررررررر

[ساكنه في بيتنا]

طيب شي حلو .. انو انبسطوا في الأخير


عقبال باقي العلامات :) ..

[Twix~}..]

الله يعينكم ..

آكرهـ شي عندي الدكتورهـ الي ما تكووون واضحهـ ولا مزآآجيهـ ..

وموفقين يآآآرب ..

[متزوجة!!!!!!!]

ماتتخيلي والله قد ايه طيبة لمن تقعدي معاها اكثر والله لمن جلست معاها في التدريب عرفت قد ايه طيبة بس هيا في البداية حتى انا مافهمت لأسلوبها وماتتخيلي الدرجة اللي اعطتني هيا في التدريب والله في حياتي مااخذت زيها في الجامعة........والقراءات احنا كمان خلتنا نسوي قبل ننزل في التدريب نجيب مقال يخص رياض الاطفال وتقولي سلبيات وايجابيات الكاتب وتوصيات المفروض انو الكاتب كان يكتبها في المقالة وكل هذا على باور بوينت شوفتي قد ايه سهلبس والله الانسانة جدااااااااااااااااا محتررررررررررررمة والله يوفقك ويسهل لك وادعيلي انو حملي وولادتي تعدي على خير

[ساكنه في بيتنا]

الحمد لله :)

مستحيل احد شرير يكون في الطفوله


يا ناااسو علينا الله يحفظنا ..