بشرى سارة للخائفين ؟؟

[miss meme]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

أول شي احب أقولكم الحمد لله أنا انقبلت..

والاجراءات مرة سهلة...

انا موعدي اليوم كان من تسعة لعشرة وانا رحت تسعة وربع..<<< من الشطارة

طبعا عبال ما رحت وصدقت الشهادة وطلعت مهي مختومة من الأصل<< اللي كنت فيها ترى مدرسة ما عندها ما عند جدتي..>>> انتبهوا لازم يكون عندكم ختمين في الشهادة الاصلية

وبعدين تصوروها وتروحوا تصدقوها من الرئاسة...<<انا ما سألتها بس شفتها تدور على الختم تبع طبق الاصل.

المهم وبعدين هما يقولولكم على الاجراءات اللي بعد كدا

والأوراق اللي اخذتها معايا:
الشهادة الأصلية + صورتين منها مصدقة بختم طبق الأصل.
وكرت العائلة + صورة منو..
والورقة تبعت القياس اللي تطبعوها من الموقع نفسو فيها التحصيلي والقدرات
وصورتين شمسية
والأوراق الاربعة اللي انطبعت معاها (الكشف الطبي وطبعا يكون كامل ومختوم عليه لانو والله شفت بنت رجعتها الادمية عشانها مهي مسوية الختم اللي ينختم على صورتها >>> لازم من نفس الجامعة بعد ما تسوو الكشف برا تجو بصورة لكم ويدبسوها ويختموا عليها + ورقة استمارة المراجعة + وورقة تعهد السنة التحضيرية + وجامعة بلا تدخين) اما المظهر اللائق فهما هناك يوقعوكم عليه في الجامعة...

ممكن في ناس يطبعو الاوراق كبيرة فتسير خمسة لا تخافو هيا اربعة ما في غيرها لاتخافوا


وبعدين تروحو تجلسو في الانتظار شوية وبعدها تروحو يتاكدو من اوراقكم وياخذوها منكم وبعدها بنص ساعة يجيبولكم بطاقة الجامعة وانتو جالسين مكانكم ومعاها الجدول في ظرف >>



وبعدين يعطوكم اوراق عشان تتعرفوا على الجامعة ويقولولكم اشياء .. يعني عشان احنا مستجدين ويشرحوا شرح وافي لكل شي.

المهم وبعدها ترجعو على بيتكم وتناموا في سبات ونبات..

وإن شاء الله ربي يسهل لكل واحد فيكم
وصح نسيت اللي تبغى سكن تأخد الاوراق كاملة معاها مرة وحدة


ترى احسهم ماشاء الله عليهم ناس متفهمين مو زي مكة صاحباتي لهم اربع ساعات ملطوعين في الانتظار



اللهم لاشماتة...

وآخر شي ...
أحب اشكر يلدرم ومس والمتفائلة و neurosurgeon على انهم بيعطونا شوية من وقتهم

صراحة أهل الذوق والله بكلمة منكم صراحة بتفيدونا

والله يحقق لكل واحد فيكم اللي يتمناه.. يااااااااااارب

قولوا آمييييييييييييين

ولا تخافو ترى الانظمة سهلة ومهي معقدة انتو خلو اوراقكم كاملة وصدقوني رح ترتاحوا
والله يطمن قلوبكم زي ما طمن قلبي


يااااااااااااااارب

معليش تراني احب الهرج الكتير بس إن شاء الله ما أكون طولت عليكم >>عارفة نفسي بس
<< قولوا اللهم لا شماتة

ولكم مني أجمل تحيييييييييييييييييييية وموفقين بإذن الرحمن..

[يلدرم]

الورده السادسة من المنتدى في الجامعة

شكل المنتدى فأل خير عليكم مبروووووووك لك ولاهلك

[Shy smile]

ميس انا موعدي من 9 إلى 10

وجيت الساعه 8

مبرووووووووووووووووووووووووووووووووووووووووووووووو وووووووووووووووووووك

بس انتي في اي شعبه ا ولا ب

[miss meme]

الله يبارك فيك

شكرا اخ يلدرم على مرورك..

وبعدين انا موادي غير موادهم انا عندي انفلش ورياضيات وفيزياء عامة

وصح كلامك مكتوب خطة أ

[miss meme]

ايش قصدك بالشعبة انا مكتوب عندي أ

[miss meme]

وشكرا سمايل على مرورك يا قلبي
ترى ماشاء الله من كثر الناس انا ما عرفت ايش اسوي بس فاكة فمي اشوف ايش بيسوو
ههههههههههههههههههههههه
االله يعين

[Shy smile]

المشاركة الأصلية كتبت بواسطة miss meme الله يبارك فيك شكرا اخ يلدرم على مرورك.. وبعدين انا موادي غير موادهم انا عندي انفلش ورياضيات وفيزياء عامة وصح كلامك مكتوب خطة أ

في بنات خطه أ : موادهم : رياضيات وفيزياء وحاسب وانجليزي و ............ اتصال

<< نسيت موادي

والخطه ب : عندهم العكس كيمياء واحياء أظن ووووووووووووو

[يلدرم]

يعنى ممكن تكونوا مع بعض في المحاضرات

شوفو الشعب لكل مادة وتعرفوا

[miss meme]

اها اااااااااا

لا انا الخطة أ اللي عندهم مهارات الاتصال وأساسيات الحاسب الالي وانتي؟؟؟؟؟

[Shy smile]

نفس الشي : رياضيات وفيزياء عام , ومهارات اتصال واساسيات الحاسب وانجليزي

بس الجدول مو حلو

شرايك انتي ؟؟؟