استفسار عن دبلوم الكلية

[doya]

السلام عليكم ..
كيف الحال ياحلوين ؟
حابة استفسر منكم بخصوص دبلوم كلية التربية وين الدراسة راح تكون؟ ومتى نروح نسلم الاوراق؟
اللي عندة اي معلومة يقولي لاني مررررة محتارة

ومشكوووووووووووووورين

[ج ـوولي]

أنا رحت الكُليه وسألت أختي ..

الدراسه حتكون في كلية اعداد المعلمات اللي اختبرنا فيها

وبالنسبه للأوراق قالتلي مافي اي اوراق احنا خلاص أخذناها منكم

فقط روحي داومي هناك في كلية اعداد المعلمات من اول يوم بعد العوده

اللي هو راح يكون 16/ 10 على ماأظن ..

بس السؤال .. هل في مكافاءهـ او لا ؟؟ نسيت أسألها بس شكلي حأرجع لهم من جديد اشوف الموضوع ذا

أتمنى أكون أفدتك أختي ^_^

علماً بأن الدبلوم اللي انا اخذتو هو دبلوم اللغه الانجليزيه ..

[doya]

يعطيكي الف عافية ياعسل ريحتيني الله يريح بالك
والله كنت شايلة هم المشوار بس الحمد لله طلعت في اعداد المعلمات
يلا عقبال مانسمع منك خبر المكافاة وتفرحيني مرة تانية هههههههههه
على فكرة انا كمان دبلوم انجليزي يعني راح ندرس سوا

[دبلومه]

ياليت الي تعرف أش المواد اللي راح ندرسها في الحاسب والصيانة تكتبها
انا خايفة ناخذ مواد تربوية وعلم نفس لان هذي المواد درستها في الجامعة
وما نفسي ادرسها ثاني .
وسؤال ثاني هل فيه مكافأت أو لا ؟

وجزاه الله خير اللي يرد علي ويوفقه يارب .

[amaaly]

اكييييد يعني الدراسه بكلية اعداد المعلمات حتى لدبلوم الحاسب والا بس الانجليزي بكلية اعداد المعلمات ..؟؟
طيب ومن متى لمتى الدراسه اقصد كدوام..؟؟ محد عنده خبر يفيدنا !!

[حبي لذاتي قمة أولوياتي ~]

لحظة مو هو دبلوم تربوي عام فقط وإلا ينفع أتخصص

!!

[doya]

الدبلوم اللي في الجامعة تربوي عام واللي في كلية اعداد المعلمات تخصصات كثيرة منها انجليزي وحاسب ودبلوم تربوي عام واشياء تانية نسيتها ههههههه

[fato0omi]

مساء الخيراإاإات ...
كيفكم ياحلوااإت ؟
بناإات دبلوم الحاسب الدراسة ف كلية التربية للاقسام العلميه. أنا سألت قبل فترة عن مكان الدراسة
قالوا ف كلية التربية للاقسام العلميه.
و على ماإعتقد مافي مكافأة.

اللي تقول دراسة دبلوم الحاسب ف كلية اعداد المعلمات مين فين جابت الخبر. ؟!

أسأل الله التوفيق للجميع.

[ابو ثاامر]

الله يوفق الجميع

[fato0omi]

للررفع