تجمع صيادلة دفعه 10 >> تساؤلات >>نقاشات

[as3d214]

عندي سوال احنا درستنا في النهاية لطلاب جامعة الملك عبدالعزيز

نصير ايش ؟ ؟

صيدلي اكلينيكي ولاصيدلي حاف


لاني اعرف انو الصيدلة الاكلينيكية يبغالها تكملة دراسه

ياريت تفيدوني

[sooma]

المشاركة الأصلية كتبت بواسطة مشمشانا ^ـــــــــــــــــــــــــــــــــــــ^ البطاااقاات من وين نغيرهاااا من المجمع الطبي ولا من الجامعة نفسها ؟

هلا مشمشانا


البطاقات بعد تقريبا شهر او شهرين من الدراسة راح يبلغوكم انكم تروحو للعمادة في شطر الطالبات علشان تغيروها .. ويجيبولكم باص يوديكم ويجيبكم :)

[ميعاد]

عــندي سؤال للصيدلآنيـآت الجدد..

حتروحوا للدوره المصطلحــآت الطبيه , ولالا...؟

ومتى وقت التسجيل..

مااينفع اروح من دون مااسجــل , .

[sooma]

عزيزتي مشمشانا البطاقات بعد ما تبدأ الدراسة بشهر او شهرين

الشؤون التعليمية بكليتنا راح تقوللكم روحو العمادة في شطر الطالبات
لتغيير البطاقة وحيوفرولكم باص يوديكم ويجيبكم :)

[pharma D Asooom]

السلام عليكم ورحمه الله وبركاته
مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب
وانا كمان مع مشمشانا ابي اعرف من وين نجدد البطايق

وكمان عن دوره المصطلحات يحق لنا نسجل ؟؟؟
بليز اللي بتسجل بالدوره ترفع يدها >> بشوف كم وحده بقابل من صحباتي الجدد بالدوره

[J o K e R o 0 o]

السلام عليكم ورحمة الله وبركاته

مبرووووك لكل الصيادلة

وكنت مركز على شي وكنت حاسس انو حيصير نفس الشي خخخخ

التاريخ يعيد نفسو والشي هو انو البنات في المنتدى ماشاء الله عددهم اكبر من الاولاد بكتير

والاولاد قليل خخخخ نفس السنة اللي فاتت ما كنت الا انا ود عبادي بس والباقي بنات لووول

مو موضوعنا المهم قريت بعض الردود عن انو زعلانين انو اتخصصو صيدلة

انا كنت زيكم والله مررا ما كنت حاطط في بالي صيدلة واول ما شفت نتيجة التسكين

جاني احباط مو طبيعي لكن والله العظيم اني دحين احمد ربي اني انقبلت في الكلية دي

صراحة احلى سنة دراسية مرررت عليا يعني اللي دخل ان شاء الله محا يندم

وشكرا دكتورة جود وسوما وعبادي وكل اللي بيبذلوا جهد عشان يساعدوكم

واذا في اي اسئلة اسألوا لا تستحوا ياما هرينا السنوات اللي قبلنا اسئلة خخخ

بالتوفيق للجميع وعلى فكرة بالنسبة لدفعة الاولاد السنة اللي راحت كانت حوالي 23 طالب

[مشمشانا]

المشاركة الأصلية كتبت بواسطة pharma d asooom السلام عليكم ورحمه الله وبركاته مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب

اتحمسي اتحمسي اكثر وان شاء الله نسير احلى قرووووووووووووووووووب

بالنسبة للاقتناع انا متاكدة انو لو اديتي الكلية شوية وقت راح تحبيها
وتحمدي ربك انو انقبلتي فيها ^ـــــــــــــــــــــــــــــــــ^

الحمد لله انا جبت نسبة تدخلني طب الاسنان بس رغبتي كانت وما زالت الصيدلة
صح اخويا و عماني و ناس كثير اعرفهم قالو ليه دخلتي صيدلة وانتي تقدري تدخلي الطب
و الناس اللي جايبة اقل منك دخلتو بس انا مقتنعة بالصيدلة واحس انو دا المجال اللي حابدع فيه

حبيت اوضح لك و لبعض البنوتات اللي دخلو الصيدلة مو باقتناع
انو الكلية دي جدا رائعة انا بقرا عنها من 6 سنوات تقريبا و ابغاها
بس المشكلة انو كثير كثير حاطين عنها فكرة سيئة بس اللي لازم تعرفوه
انو لو دخلتي وانتي كاره شي حتعملي حاجز بينك وبينو بس لو دخلتي بحماس
راح تبدعي وتنمدجي و تكسري كل الحواجز نصحية مني اقراي عن المجال بس دائما دوري الايجابيات

آسفة على الاطالة بس حبيت اوضح وجهة نظري

[sooma]

المشاركة الأصلية كتبت بواسطة pharma d asooom السلام عليكم ورحمه الله وبركاته مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب وانا كمان مع مشمشانا ابي اعرف من وين نجدد البطايق وكمان عن دوره المصطلحات يحق لنا نسجل ؟؟؟ بليز اللي بتسجل بالدوره ترفع يدها >> بشوف كم وحده بقابل من صحباتي الجدد بالدوره

نعم أعتقد لانكم في حاجتها وحتكون فقط مصطلحات طبية من الجامعة

جاكي مسج عنها في الجوال ؟؟

انا سمعت انه في بنات من كلية الاسنان سجلو فيها
وانا أقللك روحي واستغللي الفرصة

وان شاءالله فيه دورة ثانية من أجتهاد بنات سنة ثالثة طب والاطباء المبدعون ( سنة خامسة طب ) لسه ما نزل اعلانها حتكون دورة شاملة مقدمة عن جميع المواد الطبية الاساسية بالاضافة الي المصطلحات الطبية

[glass fleet]

ايوة يابنات ترا ان شاء الله انا رايحه الدورة وعادي تعالوا السبت بدري الساعه 8 او 9 بالكثير لانه بنسجل لسا
الدورة لمدة اسبوعين كل يوم من 10 لـ 1 او 12 مني فاكرة
المهم انها لكل التخصصات الصحيه .....
بس عندي سوال
ايش لون السكرب تبع الصيدله؟؟؟؟؟؟؟؟؟؟؟؟؟

[rich girl]

بنات في ارووح عشان اسجل للدوره دي؟؟ ومتى اروح ؟؟
ويحتاج لها رسووم ولا كدا بس نسجل ؟