اخر شي حصل !

[reem.z.a]

السلام عليكم ورحمه الله و بركاته

انا عارفه اني بسوي مواضيع جديده كل شويا .. بس والله عشان افيدكم !

زي ما انتو عارفين انا رحت الجامعه اليوم و دا اللي سارلي

بنات ما ابغا احبطكم بس !

المهم , لما كنت هناك قابلت بنت خالي و صحبتها هيا جايه مع صحبتها

بعد الموقف اللي سارلي انا مشيت .. طبعاً صحبه بنت خالي معدلها كان 79.14 !

و انا كان 79.44 ومشوني ,

قالو للبنت تروح ما حيدخلوها طبعاً صحبه بنت خاليي عنيده و ما رضيت تروح
قاالولها اوكي ما تبي تروحي اجلسي لنهايه الدوام ..

و بس جات وحده قالتلها خللاص روححييي .. ! وبعدين اشتد بينهم الكلام
وجات وحده قالتلها ,

احنا بكره و يوم الاربعاء فاتحين . تعالي و ان شاء الله يسير خير

والله يا بنات ما ابغا اعطيكم امال على الفاضي بس بقولكم اللي انقال حرفياً

وترا العلمي زي ما انتو عارفين انو العلمي قفلل حتى في الفرع و التأهيلي قفل و كلو قفل !

يعني بنات لو تبغو بكره تروحو .. " لازم تكونو ادبي " لانو في بورصه المقاعد كلو غير متاح

ماعدا , السلامه انتظام للادبي و تأهيلي

فـ يا بنات اللي جايبين 79 , لا تييأسسو روحو بكره خليكم على راسهم

لانو بكره اساسا ماعندهم مواعيد .. و ان شاء الله يارب يحصل خير و ما ترجعو خايبين

و احتياطا جهزو اراقكم و خدو كرت العيله الاصل وبطاقه الاحوال .. !

وبس , انا ان شاء الله حروح لو مافي امل " خلاص حسجل انتساب " مع اني كنت رافضه دا الموضوع جداً

بس يمكن يكون خير لينا !


بالتوفيق للجميع

[baby Alnag]

ريم ياعسل معقوله العلمي قفل حراام ..

وبكرا متأكده ماعندهم شئ؟

[reem.z.a]

ايوا العلمي قفل ,

و بكره ماا عندهم شي دا الكلام اتقال منهم حرفياً

بالتوفيق يا قمر

[memo_o]

صح يمكن فيه خيره لكم

وانتي كمان روحي ولاتيئسي

البدي عند بابهم

يمكن يطفشوا منك ويسجلوكي عشان يخلصوا

وكمان جربي خلي احد من اهلك يروح لقسم الرجال

جربي منتي خسرانه

وبالتوفيييق وإن شاء الله يسجلووكي وكل اللي منتظرين في الجامعه

[Rmmosh]

كيف يعني ندخل بدووون مواعيد عادي كذا وهم وقفوا ماعاد يرسلوا مواعيد لملفاتنا ؟؟؟!

[reem.z.a]

^
هما قالو جربو تيجو ! ترا الموضوع مو اكيد انهم يقبلو

[! نغم !]

ياليت البنات اللي مواعيدهم اليوم يقولولنا في كان تسجيلهم في جدة والا في رابغ

[فايزه]

ريم ماتعرفي طيب النسب للادبي لكم حيقبلو تاهيلي وانتظام
؟؟؟؟؟

[فايزه]

نغم انتي زي تنتظرين رابغ ؟؟

كم معدلك ياعسل

[memo_o]

بنات انا دوبها صحبتي رجعت من الجامعه

والحمد الله سجلت وقبلوها تاهيلي اداري بالسلامه

واللي فهمتوا منها انو النسب من 79.54 الى 79.50 قالوا لهم قفلوا انتظام في السلامه ومالهم الا تاهيلي

وبس