ابي اكمل ماجستير لغة انجليزيه في امريكا وفي جامعه معتمده

[ال الشيخ]

أفيدونا يا أصحاب الخبره

يا شباب
ابي اكمل ماجستير لغة انجليزيه في امريكا على حسابي بعد التخرج ان شاء الله من جامعتنا الحبيبه السنه القادمه
وودي اعرف وش احسن الجامعات في امريكا المعتمده عندنا هنا من ناحية الارخص وقلة العنصريه وكم التكلفه؟
وهل 200ألف ريال تكفي؟واريد السكن في الجامعه لكي تقل المصاريف؟
سألت شخص قال لي ولاية فلوريدا ممتازه
وما هي التخصصات في مجال اللغه الانجليزيه؟

[america lover]

مسائك ورد اخوي كيفك انا اقدر افيدك لان طموحي نفس طموحك اقول بصراحه 20000 يا دوب تكفي رسوم دراسه باقي الاكل والتامين الصحي والضرائب وغيرها اشياء كثيره اقترح عليك تقدم على برنامج خادم الحرمين الشريفين للابتعاث ترا يقبلون ماجستير انجليزي ويريحونك من كثير قلق وبالنسبه للتخصصات نفس الي درسنهاها اما linguistics او phonetics او phonologyاو syntaxاو morphologyبالنسبه لافضل الجامعات الامريكيه اعرف اقوى ثلاثه بس ترا الدراسه فيها صعبه جدا جدا واختباراتهم تشيب راسك يعني لا تتوقع تاخذ ماجستر بسهوله تدري ان بعض الباحثين في الجامعات يقرا في اليوم 12 ساعه او اكثر وهي جامعة هارفارد افضل جامعه في العالم harvardوجامعة ييلyaleوجامعة yotaيوتا وكلهم يشترطون درجة توفل عاليه مادري كم شف مواقعها واقوى جامعات بريطانيا هي اكسفورد وكامبريدج ولندن وكذلك الدراسه فيها صعبه هذا رايي والله يوفقنا واياك انشاللله تروح وانا وراك باذن الله

[مضاد حيوي]

ما اتوقع فيه ماجستير لغه انجليزيه اللهمى اذا كان ادب انجليزي وبالنسبه للجامعات المعتمده تلقها في موقع التعليم العالي,,
بتجربه مني انا رحت لاستراليا السنه الوحده تكلفك 90 الف ريال مع رسوم الجامعه والمصاريف والسكن,والمأكل, والتأمين وارخص شي انك تسكن بسكن الجامعه وتراه مو زي سكنا هذي المخيس ,, واي خدمه حنا حاضرين

[ال الشيخ]

المشاركة الأصلية كتبت بواسطة america lover مسائك ورد اخوي كيفك انا اقدر افيدك لان طموحي نفس طموحك اقول بصراحه 20000 يا دوب تكفي رسوم دراسه باقي الاكل والتامين الصحي والضرائب وغيرها اشياء كثيره اقترح عليك تقدم على برنامج خادم الحرمين الشريفين للابتعاث ترا يقبلون ماجستير انجليزي ويريحونك من كثير قلق وبالنسبه للتخصصات نفس الي درسنهاها اما linguistics او phonetics او phonologyاو syntaxاو morphologyبالنسبه لافضل الجامعات الامريكيه اعرف اقوى ثلاثه بس ترا الدراسه فيها صعبه جدا جدا واختباراتهم تشيب راسك يعني لا تتوقع تاخذ ماجستر بسهوله تدري ان بعض الباحثين في الجامعات يقرا في اليوم 12 ساعه او اكثر وهي جامعة هارفارد افضل جامعه في العالم harvardوجامعة ييلyaleوجامعة yotaيوتا وكلهم يشترطون درجة توفل عاليه مادري كم شف مواقعها واقوى جامعات بريطانيا هي اكسفورد وكامبريدج ولندن وكذلك الدراسه فيها صعبه هذا رايي والله يوفقنا واياك انشاللله تروح وانا وراك باذن الله

شكرا لردك السريع اخوي
انا انتساب برنامج الابتعاث يقبل الانتساب
وبالنسبه للجامعات اللي ذكرتها الظاهر مانقدر عليها لأن لغتنا على قدنا ولا الطموح موجود واخاف نخسر فلوس ونطلع فالسو لأني راح افصل من عملي واطلع ادرس

[ال الشيخ]

المشاركة الأصلية كتبت بواسطة مضاد حيوي ما اتوقع فيه ماجستير لغه انجليزيه اللهمى اذا كان ادب انجليزي وبالنسبه للجامعات المعتمده تلقها في موقع التعليم العالي,, بتجربه مني انا رحت لاستراليا السنه الوحده تكلفك 90 الف ريال مع رسوم الجامعه والمصاريف والسكن,والمأكل, والتأمين وارخص شي انك تسكن بسكن الجامعه وتراه مو زي سكنا هذي المخيس ,, واي خدمه حنا حاضرين

وشلون اخوي مافيه ماجستير لغه انجليزيه لا اكيد فيه زي لغويات والنحو والترجمه
وبالنسبه لتجربتك في استراليا كيف الدراسه هناك من ناحيه الغلا وتعامل الشعب

[ال الشيخ]

وش رايكم في الدراسه في كندا
اللي عنده معلومه الله يجزاه الجنه يفيدنا

[أحمد الرفاعي]

اخي يوجد اختبار قبل تدخل الجامعه اذا نجحت فيه اختصرت نصف المشوار والا لازم تدرس في معهد لغه لين تتمكن من اجتياز الاختبار حق الجامعه. وامريكيا افضل من كندا بالدراسه وبالتوفيق .

[america lover]

بصراحه يا خوي ماعرف اذا كان يقبلون انتساب او لا ارجع لموقع التعليم العالي تقول وش رايكم في كندا الكنديين شهرتهم في السماء في الطب وتراهم ماهم native speakers يعني مو اهل اللغه اهل اللغه فقط امريكا وبريطانيا وشايفك تسأل كثير عن تعامل الشعب لا تخاف الغربيين ناس في حالهم وطيبين ويحبون الطلاب الاجانب بس لازم تكون قرأت النظام زين لانه خط احمر عندهم نظام المرور والجامعات والمستشفيات لانك اذا خالفت تعاقب شد حيلك المعدل لابد اقل شي 3.75من 5 عشان تطير للغرب الله يوفقك

[ال الشيخ]

المشاركة الأصلية كتبت بواسطة أحمد الرفاعي اخي يوجد اختبار قبل تدخل الجامعه اذا نجحت فيه اختصرت نصف المشوار والا لازم تدرس في معهد لغه لين تتمكن من اجتياز الاختبار حق الجامعه. وامريكيا افضل من كندا بالدراسه وبالتوفيق .

شكرا لمرورك اخي الكريم
وشكرا على المعلومه

[ال الشيخ]

المشاركة الأصلية كتبت بواسطة america lover بصراحه يا خوي ماعرف اذا كان يقبلون انتساب او لا ارجع لموقع التعليم العالي تقول وش رايكم في كندا الكنديين شهرتهم في السماء في الطب وتراهم ماهم native speakers يعني مو اهل اللغه اهل اللغه فقط امريكا وبريطانيا وشايفك تسأل كثير عن تعامل الشعب لا تخاف الغربيين ناس في حالهم وطيبين ويحبون الطلاب الاجانب بس لازم تكون قرأت النظام زين لانه خط احمر عندهم نظام المرور والجامعات والمستشفيات لانك اذا خالفت تعاقب شد حيلك المعدل لابد اقل شي 3.75من 5 عشان تطير للغرب الله يوفقك

بالنسبه للمعدل لو المعدل اقل من 3.75 ما اقدر ادرس في الغرب حتى ولوعلى حسابي