تجمع بنات ادارة سكن ومؤسسات متجدد باذن الله

[Twix~}..]

مسا الخير يا صبايا

مسسسآآآءك عسسل يا عسسل .. :)

أبغى أسأل المواد اللي حاطينها في الخطة للمستوى الثالث سهلة
لأني زواجي راح يكون قبل الدراسة بأسبوع وأنا الحمدلله معدلي عالي بس خايفة ينزل لأني بدخل على حياة جديدة وكدا

فأبغى مشورتكم أنزل المواد كلها ولا اغير؟

شوووفي انا بقلك علم نفسسس مرآآ سهل ما أستآذهـ هيفاء هزازي .. إدارة موارد اسريه مرآآآ حلوهـ وسهله مع أستاذهـ سلوى الغامدي أو دكتوره زينب حقي .. ثقافه اسلاميه معروفه طبعا وسهل المستوى الثاني يعني يجي منو .. اللغه العربيه برضو سهل وحلو وما يبغالو شي .. << دي اربعه مواد ..

بما انك رآح تتزوجي ومو حابه معدلك ينزل انا اقلك خدي خمسه مواد احسسلك بس خليكي عارفه انك ممكن تتآخري بالتخرج غير إذا عوضتي الماده السادسه الي ماراح تاخذيها دا السميستر بسميستر تآآآني ..

دحين باقيلك مادتين موجوده بالسميستر الثالث إذا كنتي حابه تآخذي سته مواد ..
أول وحدهـ الي هيا أدوات واجهزة منزلية .. الماده دي غلسسسسه وكلامها كتير والي تدرسها دكتورهـ نجلاء والله يهديها تمووووت في شي اسمو اختبار مقالي يعني تحفظي الكتاااااب وغير كدا طلباتها كتيره تتطلب بحث , وزياره ميدانيه , وعروض بور بوينت .. يعني شغلتها شغله دي الماده .. هيا حلوه وتستفيدي منها كتير في حياتك وتتعرفي على الاجهزة وتركيبها وشغلات كتير في الاجهزة هيا شويات مالها داعي الماده بس لازم نآخذها ..

انا من رآآي دا تبي تعيشي شويا في العسل بلاش تآخذيها وخليها للمستوى الرابع وخذي بدالها يا مقرر اختياري او تغذيه ..

إذا حابه تآخذي تغذية خذيها مع دكتورهـ منى سامي او دكتوره هاله كلهم جيدين .. الماده حلوه ومو مرآآ صعبه والدكتورتين دولي تكاليفهم مو كتير يعني الي يطلبووو شيئين بس .. الماده تتكلم عن الفيتامينات والكربوهيدرات والبروتين والدهون والماء وهيك اشياء .. يعني انا مرآآ حبيت الماده وكانت خفيفه على قلبي :) ..

او خودي مقرر اختياري طبعا حيكون عندك تقريبا 10 مواد تقدري تختاري اي ماده حابه تدرسيها .. طبعا انا للان بس اخذت وحده الي هيا علاقات عامه مع دكتورهـ سماح حمدان .. الماده حلوه وسهله اهم شي تآآآشري على كلمه تقووولها واضمني الفل ماااارك .. الدكتوره مرآآ طيبه وحبوبه .. بس انها تتطلب شغلات كتيره بس احلى شي ما تحسسي انك عملتيلها تكاليف كتيره لانها تحددلك وقت معين وخلاص تسلمي فيه ونهايه الترم ما يصير عندك ولا شي .. بس انا اقلك تقريبا طلبت مننا 7 تكاليف غير التطبيق الي عملنا ..

الماده الثانيه الي موجوده عندك بالمستوى الثالث الي هيا سكن وتأثيثه .. ماده عمليه تداومي يوم واحد بالاسبوع من 10 إلى 4 .. بس طبعا إذا جاتك استاذه طيوبه تخرجك بدري يعني لو خلصت شغل تخرجك يعني ممكن تخرجي 2 او 3 .. وترآآ مرآآ ما تحسي بالووووقت في الماده دي ... الماده عباره عن تصميم تتعلمي ترسمي بلان .. وتتعلمي دمج الاالوان والظل .. وترتيب الاثاث بمقاسات جسم الانسااان وغير كدا مافيها غير اختبار دوري واحد وبعدين خلاص مافي اختبار بس يكون في مشروووع صغير تسلمي نهاية السميستر .. انا انصحك تآخذيها يمكن يكون شغلها شويا كتير بس مو مرآآ مرآآ يعني انتي لو فضيتي نفسك يوم لدي الماده تخلصي شغلها لانو كول رسم في رسم .. غير كدا ابغاكي تآخذيها لانها متتطلب لماده تانيه موجوده في المستوى الرابع فلو اخرتيها راح تآخري ماده تآآنيه ..

وكمان عندي سؤال؟ معليش حتعبكم معايا

آسالي وخودي رآآحتكـ .. :)

دحين المواد الاختيارية هي مواد من نفس الكلية من أي مسارأو أي تخصص من التخصصات

يعني لو دخلت ان شاالله ادارة سكن ومؤسسات أقدر آخد مادة من تصميم داخلي

لا ياعسسل المواد الاختياريه مواد تكون لها علاقه بتخصصك انتي بس ما تكون اجباريه يعني تكون عشره او ثمانيه مواد تدرسي منها خمسه .. وكل دي المواد يكون لها رابط بتخصصك ..
بعكس المواد الحره .. المواد الحره هيا الي تقدري تختاري الماده الي حابه تدرسيها من اي كلية ومن اي تخصص .. ايوا تقدري تآخذي ماده من التصميم كماده حرهـ بس مواد معينه الي تنزل كل ترم دا الي اعرفو انا ..

وآآآآآآآسفة ع الاطالة

عاتي .. وانا الي اقلك ام سووووري كترت عليكي كلام بس عشان اوضحلك يعني عشان تفهمي ايش تسوووي وايش تختاري وان شاء الله اكون قدرت اوصلك الي في بالي ..

وشككككككككككرا مقدما ولكم من قلبي دعوات حلوة

العفوووووو .. ومبرووووكـ ياعرووسه والله يوفقك بحياتك الجديدهـ ..

[لوووووودي]

الله يسعد قلبك ويريح بالك ويوفقك دنيا وآخرة ياااااااااااارب

والله يبارك فيك وعقبالك يارب

ومعليش حتعبك زيادة معايا بس ابغى اسألك مادة السكن وتأثيثه تحتاج مررررة مهارة في الرسم وانك تكوني مبدعة ولا الرسم هندسي ؟

[meme^_^]

مبرووووووووووووووووووووووك ياعرووووووووووووووووووووووسه والله يتمملك بخير
وابغى استشيركم في شي ... ايش اختار بدال (الادوات والاجهزة المنزلية)<<< وحدة تبغى تعدل جدولها قبل ما يقبلوها ((ان شاء الله يقبلوني في ادارة سكن))

[Twix~}..]

الله يسعد قلبك ويريح بالك ويوفقك دنيا وآخرة ياااااااااااارب

آميييييييين يآآآرب ويسلمووو ياقلبو على هيك دعوهـ حلوووهـ .. ويسسعدكـ ويوفقكـ بحياتك الجديدهـ ..

والله يبارك فيك وعقبالك يارب

انا في الطريق بلحقكـ لحيآهـ جديدهـ آن شآء الله .. عشان كدا جالسه اشطب على الاشياء الغلسسهـ ..

ومعليش حتعبك زيادة معايا بس ابغى اسألك مادة السكن وتأثيثه تحتاج مررررة مهارة في الرسم وانك تكوني مبدعة ولا الرسم هندسي ؟

لا لا ما تحتاج ابداع في الرسم ولا اي شي .. رسم هندسي وكولو بالمسسسطرهـ .. يعني شغلك يكوون مقاسات واقلام حبر ومرآآآسيم تظليل ..

افتكر الاشياء الي رسمنها كانت مجرد اشكال لعناصر التصميم .. يعني دوااائر داخله ببعض .. نقط .. وخطوط وهيك اشياء بس .. حتى وقت تآآآثيث البلان راح يطلبو منكم مسطرهـ مرسووم عليها الاثاث يصير بس تحديدي عليها بالمرسام ..

يعني مرآآ لا تشيلي همها بس شويات شغلها كتير بس انتي حاولي تخلصي كل شي بالكلاس ..

[Twix~}..]

ايش اختار بدال (الادوات والاجهزة المنزلية)<<< وحدة تبغى تعدل جدولها قبل ما يقبلوها ((ان شاء الله يقبلوني في ادارة سكن))

إن شاء الله تتقبلي ياقلبو ..

شووفي انا انصحك تآخذيها وتفتكي منها خااصه انو مواد المستوى الثالث مرآآآ سهله وما يبغالها .. انا قلت للوووودي لا تاخذها عشان حتكون عروووسه .. بس والله احسن افتكي منها ..

وإذا عرفتي انو راح تعطي الماده أستاذهـ نسرين بامشموووس مع دكتوره نجلاء مرآآ لا تترددي وخوديها معاها وافتكي من غلاستها ..

[لوووووودي]

الله يبارك لك يارب وييسر لك كل أمورك ياأحلى twix

أنا راح آخد بمشورتك وآخد الثقافة والعربي و إدارة موارد أسرية وعلم نفس وأسس تغذية وبحاول آخد ادارة علاقات عامة أو اي مادة اختيارية أحس انها سهلة والله يعينني على غلاسة الاجهزة المنزلية الترم اللي بعده

والله يبارك فيك وعقبالك ياmeme

[Twix~}..]

الله يبارك لك يارب وييسر لك كل أمورك ياأحلى twix

آمييين يآآآرب .. يسلمو ياقلبو .. :)

أنا راح آخد بمشورتك وآخد الثقافة والعربي و إدارة موارد أسرية وعلم نفس وأسس تغذية وبحاول آخد ادارة علاقات عامة أو اي مادة اختيارية أحس انها سهلة والله يعينني على غلاسة الاجهزة المنزلية الترم اللي بعده

ياعسسسل انتي ممكن تبطلي من التغذيه ويصير تآخذي سكن وتآثيثه مع المواد الاربعه الباقيه ويصير بكدا تاخذي خمسه مواد بس .. احسسلك لا تآآخري دي المواد لانو سكن وتأثيثه وادوات واجهزة دي متطلب لمواد تانيه .. فانا اشوف انك تآخذيها .. او انك تآآخذي الاشياء الي قلتي عليها برضووو حلو ..

والله يوفقك يارب ..

[لوووووودي]

ايوا صح نسيت ماحسبتها صح تسلمي ياقلبي لانك ذكرتيني الله يكرك بالشهادة

[لوووووودي]

طيب تنصحيني أروح عند مين تكون استاة طيبة وتقدر في مادة السكن وتأثيثه؟

[Twix~}..]

امين يارب .. الله يسسلم قلبكـ ..

اغلبهم الي يدرسووها عسووولات ..

حيدرسوكي الماده اتنين الساعتين الاولى تكون نظري تدرسيها استاذهـ .. والعملي استاذهـ تانيه .. بس والله كلهم عسولات ..

انا درستني اول شي استأذهـ هاله درستيني النظري والعملي مع بعض بس ثلاث محاضرات بعدين اظن راحت تكمل ماستر فصارت ما درسنا ..

وبعدين درستنا أستاذهـ الاء الجفري واستاذهـ تانيه مصريه هيا اساسا مهندسه .. بس نسيت اسمها المهم كولهم كانو عسووولات بصراحه صح غلسووو علينا شويا في البدايه بس والله اتعلمنا منهم صح ..

صحباتي اخذو الماده مع استاذهـ نسرين بامشمووووس وكانت برضووو مرآآ عسسسل ..