الله يوفقكم يارب جاوبو على اسئلتي

[احمـــــد]

السلام عليكم ورحمة الله وبركاته
كيفكم ان شاء الله بخير حال

عندي كم سوال اتمنى تجاوبوني عليها وعارف ان اسئلتي كثيرة بس مالي الا الله ثم انتم

اول سوال مدرسي في الاحصاء حسن بقوش هل هو كويس ولا يحتاج احضر عند سعيد الغامدي بس اخاف ينتبه لي ويسالني اش جايبني ولا عادي مافيها شي احضر عند دكتور مو دكتوري وهل فيه احد من حقين العام حضر عند دكتور مو دكتوره ومشى الوضع يعني ماتحسون فيها استغفال للدكتور اني اجي معاه وانا مو من طلبته ولا لازم استاذن وهل الاحصاء تحتاج لمدرس خصوصي ومن الافضل اشرف بركات ولا جمال سعدي

ثاني سوال في الكيمياء يدرسني سيف الدين نصر ابراهيم عياد هل هو كويس علما اني حدرس عند مدرس خصوصي بهالمادة بس محتار بين حسن وحيد ويوسف زويل من الاحسن

ثالث سوال تست بنك الاحياء من فين نجيبه بس ابغاه معتمد لاني ماحذاكر الا منه

اخر سوال متى اشتري الملخصات والتست بنك للمواد هل اشتريها ذحين ولا استنى يعني هل المناهج رح تختلف عن حقين العام لان اكيد مايمدي نزلت ملخصات هالسنة
وكمان هل السلايدات والاسئلة الموجودة بموقع الدكتور سعيد اطبعها ذحين ولا استنى

والله يوفقنا جميعا يارب

[دافئ الإحساس]

اول شئ اشرف البركات الافضل

والثاني حسن وحيد

وهادا التيكست البنك الاول

شوفو حملو من هنا

[دافئ الإحساس]

وهادا التيكست البنك التاني

[دافئ الإحساس]

وهادا التيكست البنك التالت والاخير

[احمـــــد]

الله يجزاك خير يارب
ويارب تصير وزير الصحة
امين

[دافئ الإحساس]

يسلموو

واي شئ تحتاجو كلمنا ولا تشيل هم إن شاء الله

[احمـــــد]

طيب ماكانها صعبة شوي
يعني لازم يكون معي قاموس
واش احسن قاموس
وكل يوم كم اخذ لي سوال

[دافئ الإحساس]

انا كنت احفظها زي ماهيا

لانو الترجمه راح تلخبطني اكتر واكتر

فحفضتها زي ماهيا

يعني كل واحد

لو طريقتو في الحفظ

وشوف كيف الطريقه اللي تناسبك

[Mr-Ammar]

المشاركة الأصلية كتبت بواسطة احمـــــد اول سوال مدرسي في الاحصاء حسن بقوش هل هو كويس ولا يحتاج احضر عند سعيد الغامدي بس اخاف ينتبه لي ويسالني اش جايبني ولا عادي مافيها شي احضر عند دكتور مو دكتوري وهل فيه احد من حقين العام حضر عند دكتور مو دكتوره ومشى الوضع يعني ماتحسون فيها استغفال للدكتور اني اجي معاه وانا مو من طلبته ولا لازم استاذن وهل الاحصاء تحتاج لمدرس خصوصي ومن الافضل اشرف بركات ولا جمال سعدي ثاني سوال في الكيمياء يدرسني سيف الدين نصر ابراهيم عياد هل هو كويس علما اني حدرس عند مدرس خصوصي بهالمادة بس محتار بين حسن وحيد ويوسف زويل من الاحسن ثالث سوال تست بنك الاحياء من فين نجيبه بس ابغاه معتمد لاني ماحذاكر الا منه اخر سوال متى اشتري الملخصات والتست بنك للمواد هل اشتريها ذحين ولا استنى يعني هل المناهج رح تختلف عن حقين العام لان اكيد مايمدي نزلت ملخصات هالسنة وكمان هل السلايدات والاسئلة الموجودة بموقع الدكتور سعيد اطبعها ذحين ولا استنى والله يوفقنا جميعا يارب

الاحصاء ماده بسيطه تقريبا،،، تميل الى المتوسط،،،
بقوش بصراحه ما يمدحوه ،، انتا احضر وازا شوفت انك تفهم منو خلاص تمام

وازا ما فهمت من شرحو احضر عند سعيد الغامدي،، لا فيها استغفال ولا شي
هوا ما راح ينضر بشي بالعكس انتا راح تستفيد وكلو،، وانتا حر تبى تحضر ما تبى دا شي راجعلك
انا الكيمياء السنه الي فاتت كنت احضر عند واحد تاني طول السنه ،، ويعرف اني مو من شعبتو بس ما يقولي شي ،،
واتوقع الاحصاء ما تحتاج مدري خصوصي بس انتا تابع وركز مع الدكتور وارجع في البيت راجع شويتين وصدقني بازن الله تجيب درجات حلوة،،،،..

والله ما اعرف مين دا وما عمري سمعت فيه،، ونفس الشي ازا تفهم عندو خلاص مية مية
وانا بالنسبالي الكيمياء ما كان فيها صعوبه

ماده حلوة وبرضو متوسطه وفيها دروس تافهه وكلها مراجعه حقت التانوي بس على خفيييييييييف،، يعني مقتطفات .. وازا تبغى خد مدرس خصوصي ازا شايف نفسك انك شوية في الكيمياء مو قد كدا يعني.. بس مافيها ديك الصعوبه يعني الا في بعض الفصول يعني تعتبر صعوبه نسبيه تختلف من طالب لطالب،،...

تست بانك الاحياء ما يحتاج تجيبو من دحين

في موقع حق الاحياء حق نفس الكتاب ... وفي عضو كان حاط اليوزر نيم والباسوورد وتدخل وتحملو من نفس الموقع
بس المشكلة الي في الموقع مو مترجم

هنا في المنتدى ارجع للصفحات القديم والله يعينك تحصل في مترجم وكلو... بس يبالك تتأكد انو كامل ونفس الي في الموقع لانو احيانا تسير تعديلات بسيطه على بعض الاسئلة


وبالنسبه للملخصات والتست بانك .. ما اتوقع تحتاجها دحين... انتا احضر واستفيد واكتب في دفترك والاشيا دي ايام الاختبارات الدوريه قبلها باسبوعين كدا خدها
اشرف بركات ينزل الملخصات قبل الاختبارات اظن باسبوعين او تلاته،، تقدر تروح المكتبه وتاخدها

والتست بانك وقت ما تبا تبدأ مزاكره برضو اطبعها وابدا زاكر لكن دحين ما تحتاجها،،

والسلايدات ازا تبغى تحضر عند سعيد الغامدي او دكتور احمد العم او اي احد تاني يمشي على السلايدات لازم تطبعها لانو هما يشرحو منها وانتا حتزاكر السلايدات دي

بس اطبع كل باب لين ما تخلصو وبعدين اطبع الي بعدو لا تطبعو كلو مع بعض


وبس :)

[احمـــــد]

الله يجزاكم خير يارب
وياليت يكون فيه تفاعل زيادة كمان