تجمع بنات شكسبير مع دكتورة رابعه الخطيب

[Reem.A.H]

السلام عليكم ورحمة الله وبركاته
هنا يا بنات خلونا نتعاون ونحاول نساعد بعض واتمنى تتفاعلو مع الموضوع
والصراحه فيه اشياء ماادري عنها ايش صار في المحاضرات اللي فاتت اول واجب ومن فين نجيب ثاني واجب وايش حكاية البلوق مافهمتها ابدا ممكن اي وحدة توضح ومستنيه مشاركاتكم

[EEEEE]

عنوان البلوق يطلعلي غلط

اللي تعرف العنوان تكتبه هنا بليز

[r7eel]

البلوق اعتقد انو بنات عاملينو عن شكسبير بس ما عرفت الرابط صح

والاسايمنت لازم يكون عندك السيلبلز اشوف انو مهم لأنها كاتبه الاسايمنتز ألي حتطلبها وطريقتها وكل شي

وهي بعدين تحدد متى تبغاه

حاولي تاخذي السيلبلز

انا ابغى السيلايدز الي شرحته لأن ما اعرف من فين حناخذ المعلومات دي عن شكسبير ما فيه كتاب معين ولا لا ؟

[نيموو]

^
^

رحيل .. اخذت شيكسبير الترم اللي فات والدكتوره اعطتنا السلايدز

تلقيها في المرفقات

ان شاءالله تكون نفسها ما غيرت فيها شئ

دعواتكم

[r7eel]

واااو نيموووو جيتي بوقتك
الحمدلله اخيرا لقيت السلايدز

الله يسعدك خيتو ويوفقك دنيا وآخر .. بكره راح تسألنا وكنت حراجع معلوماتي من النت

كأنها نفسها مره مره شكرا حدعي لك من قلب

ربي حـ يثيبك .. كل البنات حيستفيدوا من الي رفعتيه لنا

خليكي قريبه يمكن نسألك ولا شي .. << الله يعينك علينا

[The Heaven]

بنات اللي تعرف البلوق تقول لانو مره مهم انا كل ما احطه يطلعلي غلط

[Seselia]

السلام عليكم ورحمة الله وبركاته

أنا كمان آخذ مع دكتورة رابعة شكسبير ..
البلوق ما تفتح معايه كمان حاولت من هنا من هناك مافي فايدهـ >> وحدهـ متحمسه هع
الله يوفق الكل يارب

[Reem alkhairy]

السلام عليكم
تفضلو هذا عنوان البلوق ودعواتكم
shakespearelane448.blogspot.com

[The Heaven]

المشاركة الأصلية كتبت بواسطة reem alkhairy السلام عليكم تفضلو هذا عنوان البلوق ودعواتكم shakespearelane448.blogspot.com

يا اختي العزيزه سويت بس ما فتح مدري ايش المشكله

[Reem alkhairy]

انا يفتح عندي
انسخي الرابط نفسه وحطيه في المتصفح
غريبه مايفتح لكم!!
شكلنا بنتكلم على اساس تتلغي فكرة البلوق على كذا ويصير يا فيس بوك يا نفس موقع الدكتورة عشان مايكون فيه تعطل