تجمع طالبات المستوى الخامس انتساب--استفســـارات فقط

[ام حمدان]

المشاركة الأصلية كتبت بواسطة إلهام أهليــن موفي .. من زمآن عنكـ .. إن شآء الله تكوني بخير أم حمدآن والجميع .. لآ تضيعي وقتكـ في ترجمة القصص كلمه كلمه .. 1/ اقرأي القصة بالعربي إذآ كآن عندكـ نسخة مترجمة (حتى تفهمي المضمون) 2/ اقرأي القصه من الكتاب بسج بسج وفي الوقت نفسه طلعي الآيروني لكل بسج ونوعه و سوي برضو له شرح بسط وتفسير في بآلكـ بس ,أو ممكن تكتبيه حتى ترجعي له بعدين 2/ افتحي عرض البويريوينت وامشي في العنآصر خطوه خطوه مثلآ .. في البدآيه البلوت وأول شيء beginning .. Climax حتى تخلصي الـ 5 و توصلين إلى النهآيه وبرضو حآولي تنسقي كلآم أدبي لكل عنصر .. مثلآ كيف كآنت النهآيه وهل الكآتب وووو . بعدهآ روحي عـ العنصر الثآني الـ setting ( يحبونه^_^) وهكذآ رآح تخلصي قصة بشكل كآمل .. لآنو لو ترجمتوآ فقط رآح ترجعوآ بعدين على القصه وتكونوآ نسيتوهآ هذي الطريقة فآدتني كثير ورتبت أفكآري .. ...... موفقين.

الهام انا مااترجم كلمه كلمه ----مستحيل اصلا مافي وقت
لا اقراها واالكلمه الي ماافهمها احط خط تحتها وارجع اكمل قرايه
وبعدين اروح اترجم الكلمات الي خططتها
واسوي نفس الشي على الشروحات اقراها اول والكلمه الي ماافهمها اخطط تحتها وارجع بعدين اترجمها
والحين باقيلي شوي من الشرح لاول قصه لانه مره كثير احاول افهمه واحاول اصيغه باسلوبي وربك يعين والله واكتبه في دفتر خاص بالادب
عشان يكون هو مرجعي وماعاد اطل في العفش حقه

ومافي ترجمه لقيناها لنص القصص الي عندنا غير لقصه وحده فقط :(

عموما ثانكس عالمعلومات ياعسل ماننحرمش


ودعواتك والله بجد الوقت يمشي بسرعه وانا ما خلصت

[ام حمدان]

المشاركة الأصلية كتبت بواسطة little angel الله يسعدك ياأم حمدان والله أنى مقدرة ظروفك والله يعطيك ألف عافية .. بنات أيش رائيكم بجدولي ترجمة -ثقافة3-علم نفس شخصية-كتابة- اللغويات والله مترددة أضيفة ولا لأ؟؟ماعندى اي خلفية عن المنهج يعنى يبغالها حفظ ولا فهم لأن ماعندى وقت أبدآ والترجمة كم باب معنا وأيش مطلوب فيها ومع مين من الاستاذات أخذها؟؟

لازم تآخذي شي يالغويات ياادب شوفي الاسهل بالنسبه لك
المادتين كلها تبغى فهم وحفظ
اللغويات يبغالها تفهمي بشكل دقيق +بعض الامور فيها يبغالها حفظ بالنص زي التعريفات

الادب مافي حفظ بالنص كله بفهمك واسلوبك بس برضو تضطري تحفظي بعض الاشياء الاساسيه فيه مثل
اسماء الشخصيات فالقصص والمسرحيه الثيم الكلمه او اكثر وشرحها يكون بأسلوبك يعني فيه اشياء تنحفظ لكن تصاغ بأكثر من طريقه يختلف من وحده لوحده يمكن هذا الحلو في الادب
المحسنات البديعيه فالقصايد لازم تحفظي امثله من نفس القصيده عشان تستدلي بها في الشرح

المادتين دسمه وتحتاج وقت اذا ماتقدري عليهم كلهم خذي وحده منهم

الترجمه مااعرف شي منهجها بس الي اعرفه لها شعبه وحده فقط مع منال التاودي


بالتوفيق

[white rose]

صباح الورد يا احلى موفي
وأخبارنا تمام الحمدلله وانا ماسكة اللغويات وقاعدة احوس فيها واذاكرها بس مرة بطيئة الله يستر..
وانتي ايش مسوية مع المذاكرة يا عسلولة وايت مادة ماسكتها الحين ؟؟
وياااااااااااااااااااارب نعدي الترم بخير وتفوق يااااااااااااااارب جميعا
والهام نصايحك مرة حلوة تصدقين كنت حايسة في الادب واحس انو صعب بس طريقتك ما شاء الله رائعة راح احاول اطبقها لمن ابدا بالادب بإذن الله .. وحتى فكرة ام حمدان انها تجيب دفتر وتكتب كل الكلام وتلخص باسلوبها الاشياء المهمة في العفش الكثير اللي طبعناه وما ادري متى راح نفتحه؟ ..الله يعطيكم العافية جميعا ويوفقكم لاعلى الدرجات والمراتب في الدنيا والاخرة ياااااااااااااااااااارب..

[so0o so0o]

المشاركة الأصلية كتبت بواسطة ام حمدان so0o so0o ههههه تصدقين اول مره اسحب على ماده ومااحضر محاضراتها --ماادري ايش فيني هالترم المهم حضرت بس محاضره وحده كانت ثاني محاضره وكانت تقرى من الكتاب عادي ماحستها ركزت على شي وماافتكر قالت شي محذوف ومااعتقد انه فيه ولو كان فيه كان تحدد للكل وكان شفتي البنات مسوين حفله هنا بالمناسبه هذي :) عموما الصراحه عمري مااستفدت استفاده حقيقيه من محاضرات الثقافه الا في ثقافه 3 في اخر محاضره فقط عادةً اقرا بنفسي واستنبط المهم بنفسي والحمدلله اجيب فيه درجات مرره حلوه لانه اصلا الثقافه ماتحتاج شرح تبغى قراءه بتركيز واسلوب كتبها دايما واضح ويسهب فالشرح يعني ماتحتاجي احد يشرحلك اياه اقراي بتركيز وراح تميزي بنفسك النقاط المهمه بالتوفيق

هههههههه أصدق مو سويتها قبلك
أنا قلت يمكن جد جديد مع تغيير المحتوى .. يلا احسن نفس الطريقهـ
انا تعقدت من المواد الحرة اللي خسفت معدلي خسف
عموما الله يسلمك ياقمرر .. ربي يقدرك على فعل الخير دووما
وبالتوفييق للجميع ..~

[ام حمدان]

بنات الي سبق واخذوا اللغويات
الله يسعدكم افيدوني

كيف طريقة اسئلتة الامتحان تشبه اسئلة الكتاب ولا فيها اختلاف ؟
وهل صحيح الامتحان بيكون جزء متعلق بالتعريفات والاشياء الي تنحفظ وجزء متعلق بالاسئله الفهم ؟

وايش اكثر شي يركزوا عليه عادة ويكرروه ؟

والاسئله تبعكم كانت موحده ولا تختلف من استاذه لاستاذه ؟
انا ماافتكر ايش قالت استاذه منى عن اذا كانت موحده او لا الي فاكره تقولي

والادب للي اخذوه من قبل

كيف تجي الاسئله ووهل صحيح نحل في ورق خارجي زي الرايتنق مو في نفس الورقه
وعادةً
كم صفحه تكون الاسئله ؟
وهل يكفيكم الوقت تجاوبوا على كل الاسئله لانه احس الاجوبه طويله مو ؟---ادري سؤال غبي بس يهمني جوابه لانه حضرتي عندي مشكله مااعرف اجاوب على طول لازم اكتب بالمرسام ويعدين احبر بالقلم :) وهالطريقه مسببه لي ازمه :(

اخر سؤال عادة يكون في فاصل طويل بين المادتين فالاختبارات ولا ورى بعض في نفس الاسبوع :(


ادري اسئلتي تطفش بس بلييز الي تقدر تفيدني لا تبخل علي لان الاجوبه تهم كل الي يآخذ المادتين مو بس انا

اشكركم مقدما

[ѕυрзя пıdσ]

صراحة العام اسألة اللغويات كانت رااااااااااااااااااااااااااااااااااااااااااااااااا ااااااااائعة

التعاريف جابها على شكل فراغات وكمان تجيب البارت تبع الفونتكس الي هيا الكلمة وتحت خط الحرف وانتي تكتبي رمز الصوت كيف افتكر كمان جابت سؤال شرح عن البروكا ايريا وكيف تشتغل مع الاجزاء الاخرى

اماالاوقات بين المادتين في الاختبار ياسلااام العام كان الانغويستك والادب ورا بعض اتخيلي ؟؟
او بينهم يوم امكن الانغويستك كان السبت والادب الاتنين فإنتي حطي في بالك انو كل المواد حتكون ورا بعض

[ام حمدان]

المشاركة الأصلية كتبت بواسطة ѕυрзя пıdσ صراحة العام اسألة اللغويات كانت رااااااااااااااااااااااااااااااااااااااااااااااااا ااااااااائعة التعاريف جابها على شكل فراغات وكمان تجيب البارت تبع الفونتكس الي هيا الكلمة وتحت خط الحرف وانتي تكتبي رمز الصوت كيف افتكر كمان جابت سؤال شرح عن البروكا ايريا وكيف تشتغل مع الاجزاء الاخرى اماالاوقات بين المادتين في الاختبار ياسلااام العام كان الانغويستك والادب ورا بعض اتخيلي ؟؟ او بينهم يوم امكن الانغويستك كان السبت والادب الاتنين فإنتي حطي في بالك انو كل المواد حتكون ورا بعض

الله يبشرك بالجنه اشكرك جدا على افادتك ويارب تكون الترم هذا سهله الاسئله
بس ماقلتي الاسئله كانت موحده ولا لا ؟

ولو ماعليك امر لو الكتاب لسى معاكي واشرتي فيه على الاشياء الي جاتكم اكتبي ارقام الصفحات وقت ماتكوني فاضيه ----اذا ماتقدري خلاص مافي مشكله لو تقدري بلييز لا تبخلي علينا

والاوقات سمعت انها ورى بعض زي ماقلتي عشان كذا سئلت ابغى اتأكد من جد الي اختار اوقاتهم ماعنده احساس حرام كل ماده يبغالها على اقل تقدير اسبوع لمراجعتها قبل الامتحان مو يوم

اصلا مو اول مره تصير معانا افتكر حتى الترم الي فات والي قبله مواد التخصص الي تحتاج وقت مو حاطين قبلها الايوم او يومين وبعضها مافي اصلا فاصل اممم بس يختلف الجدول من وحده لوحده

عموما ربك يسهلها ويفتح علينا في الاختبارات ويلهمنا بالاجابات الصحيحه يارب

[LAURA H]

يب الأسئلة كانت موحدة..
موفقين يا عسولات!!

[mycat05]

ام حمدان يا حلوة الاسئلة في مادة اللغويات موحدة انا كنت سئلة استاذة منى البلوي وقالت انها موحدة وعشان كدا مارضيت تعطينا البور بوينت تبعها لانها قالت ماحيكون في عدل لو انا اعطيتكم هو وفي بنات في شعب ثانية ماتقدر تاخده والله يوفق الكل

[ام حمدان]

انا متوقعه الاسئلة تكون موحده بس حبيت اتأكد لاني ماسمعتها لمن قالت كذا

وحكاية السلايدات ورفضها تعطينا اياها

طيب ايش معنى مس الاء منزلتها على موقع الجامعه
عموما مشكوره ياعسل على الافاده

بالتوفيق