يــا شباب تعالوا .. ويا بنات إبعدن..

[فهدالحامد]

بسم الله الرحمن الرحيم

السلام عليكم ورحمة الله وبركاته

كيفكم .. إن شاء الله كلكم بخير وصحه ..

أدري بتقولون هالشايب ازعجنا كل يوم سؤال

بس خبركم متحمس وعندي سؤال يقرقع في صدري قلت اطرحه عليكم نقرقع فيه سوى

السؤال يقول : هل المعدل اللي بنحصله في السنة التحضيرية يحسب مع باقي السنوات؟

او لما نخلص السنة التحضيرية بيبدون بحساب المعدل العام؟

هذا سؤالي .. وياليت احد فاهم يجاوبني .

الموضوع الثاني <== بيتربع يسولف عندكم

انا اول حطيت ايميلي وقلت ابي اتعرف على طلاب مثلي ويكون لي اصدقاء

والحمد لله تعرفت على ناس واضافوني عندهم .. وكونا علاقه طيبه وافتخر فيها ..بس المشكلة إن هاللي اضافوني مثلي ما يعرفون ولا شئ مايدرون مثلي وين الله حاطهم

فإجتمعنا مع بعض .. ظلمات بعضها فوق بعض
وبس نضحك على بعض .. وإلا الدراسه مفوتينها ..

عاد أقول اذا فيه احد دافور او على الاقل فاهم النظام .. فياليت يكون صديقي

وش بقول!!؟ ايه : هااااااااا البنات .. البنات .. ابعدن ما ابي اضافه منكن الله يكفينا شركن

تدرون وش صار لي ..؟ اللي صار لي مايسر لا عدو ولا قريب

مو قلت لكم اول طلبت احد يضيفني واضافوني الشباب اقصد الشيبان اللي قلت لكم تو

بس فيه بنت أجواد نشميه شافتني غشيم ورحمتني واضافتني .. طبعا اهي بحسن نيه ..

والدليل اني مادريت انها بنت ! لأنها حاطه اسمها في الماسنجر ( ابو سعد )

وفي نفس الوقت ايميلها بالانجليزي باسم بنت .. اذكر انها تقول فيه كلمة (girl ) اللي ودتنا في داهيه

تدرون وش المشكله .. اني ما ادري انها بنت..
لأني قريت اسمه ابو سعد ولا ركزت في الايميل نفسه
اصلا ولا فكرت .. يعني كيف يكون ابو سعد بنت

وفجأه ام مشاري وبدون اي تهديد ولا شتيمه شنت علي غاره هوجاء بكل اواني المنزل والجزم

وشاركت في هذه الغارة جميع اطراف جسدها من اسنان واقدام وايدي ومخالب

وطبعا .. انتهت هذه الغارة بإلقاء القنبلة الذكيه على راسي ( اللاب توب )

بعد ماهدت الامور سألتها بكل برائه : وش فيك

تبون الصراحه ..؟؟

انا كنت مستغرب ليش ( ابوسعد ) يكتب باللون الوردي
بس ماتوقعت ابدا انه بنت

عشان كذا الله يكفينا شركن ابعدن عني ولا تفزعن ومكثورات الخير يالنشميات

والشباب النشاما اللي بيضيفوني جزاهم الله الف خير ومالهم إلا الاجر ..

بس فيه شروط <== بعد

1- يكون شنب
2- يكون دافور
3- أهم شئ مايكتب باللون الوردي

وياليت اي شخص تتوفر فيه هالشروط يسوي فيني خير ويضيفني

واللي مافيه هالشروط فــ يسوي خير ولا يضيفني

وآسف طولت عليكم وغثيتكم معاي.

وهذا ايميلي: fahad--alhamed@hotmail.com

وباركوا لي الاب توب الجديد
الله يالدنيا عقب التوشيبا عودنا للايسر

والسلام عليكم ورحمة الله وبركاته

[المايسترووو]

هههههههههههههههههههههههههههههههههههههههههه

الحمدلله على سلامتك يا ابو مشاري

وبصراحه انا مثلك خبرتي قليلة نوعا ً ما في المعلومات الدراسية ولكن اللي اعرفه ومتأكد منه ان المعدل ينحسب لك من اول سنه في الجامعة حيث ان المجموع لعدد الساعات الجامعية هي 128 ساعة وتحسب لك من اول سنه على مدى اربع سنوات .

وتقبل تحياتي ومروري واتمنى اني افدتك باللي اعرفه ،،،

[نادر1212]

كلامك طيب بس ياخوي شان هجوم على البنوتات ما وصلت الى هذه المرحله واللي مثلي قلبه خضر والله ودي اضيفك بس العين بصيرة واليد قصيرة ما ودي ازود همك هم اول سنه وغشيم مشكله الحل في نظر وش هو وهذا اميلي والباقي على الله mmrs1@live .com

[نايف الفهد]

السلام عليكم ورحمة الله وبركاته

الله يكون بعوننا وعونك يابو مشاري انا معاكم اول سنه لكن ميح ما ادري وين الله موديني لاهم العمل ولا هم الدراسه انا اضفتك لكن الله يكون في عونك تراني مثل ما قلت ظلمه لكن كل واحد باجتهاده ان شاء الله ينتج واضفت نادر بعد وما بخلي ولا واحد في هالموقع يتميلح بايميله الا رح اضيفه وانا في مكه اذا منكم احد في مكه وفي راسه فلاح يكلمني يصير نتقابل حتى لو يبي نزلتنا جده مع بعض ما عندي مشكله خير رفيق على الطريق هو الكتاب

وشكرا

تمنياتي للجميع بالتوفيق

[فهدالحامد]

المايسترو ..

الف شكر لك اخوي على مرورك ..

بس ياليت احد يفيدنا باليقين في موضوع المعدل


تقبل تحياتي ,,

[العلم والعالم]

المعدل يحسب من أول فصل لك بالجامعة وحتى التخرج إن شاء الله تعالى كله على بعض

[بدر85]

مسااااااااااااااااااااااء الخير :


مستر فهد الحامـــــــــــد :

شروطك تعجيزية على كذا ما رائح اضيفك علشان شنبي لســـــــــة ما طلع وللمعلومية ترى انا دافوووور ياباااااااااااااااانــــــــــــي .

بااااااااااااااااااااااااااااااااي

[فهدالحامد]

هلا اخوي نادر ,,

ولا هجوم ولا شئ .. أنا اللي تعرضت للهجوم

هذا يسمونه حائط صد


الف شكر على مرورك

[فهدالحامد]

هلا اخوي نايف ,,


مشكور على الاضافة ,,

يعني ناقصين ظلام

امزح معاك يالغالي الله يحييك ويشرفني

وتقبل تحيتي,,

[البحر الازرق]

ههههههههههههههههههههههه

والله سالفتك سالفة على العموم الحمد الله على السلام ((powertop_10@hotmail.com))

هذا ايميلى وتراء اسمي خالد ماهو ام مشاري

اتمنى من الجميع من يكتب ايميلة ان يضع اسمه الاول