مباني الاذاعة والتلفزيون

[Mr.LandScaper]

العفو اختي ما سويت الا الواجب ,,,,

اعذريني على التطفل ، عندي إستفسار

المفروض الآن في مشروعك التالي:
1) تبحثي عن أرض فضاء تناسب المشروع.
2) توزعي الفراغات في الارض و تحددي المداخل الرئيسية و مكان المبنى و المواقف و المناطق الجمالية.
3) تبدئي في تصميم المبنى.
4) بعد ما تنتهي من المبنى تاخذ عدة اماكن في المبنى و تصممي ديكوها.

هل هذا التسلسل سليم ؟

[shnshn halawa]

لا عادي اسال على راحتك ما عندك مشاكل

اممم بس هدا مو التسلسل الصحيح

التسلسل كالتالي:
1- نجيب بلان جاهز يكون لمبني تلفزيوني (لانو احنا تصميم داخلي مو عمارة).
2- نعدل في البلان ازا يحتاج بعض التعديلات و نرسمو working Drawing
3- بعد كدا نبدا نشوف التفاصيل والتشطيبات للارضيات والاسقف والجداران والشبابيك والابواب.
كدا تكون خلصت المرحلة الاولى
المرحلة التانيا رح تكون التصميم الداخلي

وانا اللي حايسه فيه البلان الاساسي للمشروع كلمت كم قناه بس لسى ما لقيت شي

يعني لو عندك او تقدر تخدمني في دا الموضوع اكون لك من الشاكرين

واللهي تكون سويت خير في حياتك ما تتخيلو

انا عارفه انو طلباتي كتير وما اتعطي وجه بس والله انا مره حايسه وممكن اغير المشروع عشان دا السبب:(

[Mr.LandScaper]

دحين فهمت الموضوع :)

بالنسبه لطلباتك ان شاء الله ما اخيب ظنك

اول شي
بس مشروعك هذا متى حيكون آخر موعد لتسليم المرحلة الاولى ؟
و متى آخر موعد للمرحله الثانية ؟

ثاني شي
بالنسبة لطلباتكم و زي ما انا فاهم عشان تشتغلي انتِ محتاجه :
1) مسقط افقي للأرض و المبنى.
2) مسقط أفقي للمبنى بأدواره.

و ان شاء الله ما يصير الا كل خير :)

[shnshn halawa]

اهلين خيووو

اول شي:

المرحلة الاولى حتتسلم ان شالله نهاية دا السمستر

المرحلة التانيه تبدا السمستر الجاي وتنتهي نهايتو بازن الله

وبعدين حماس اتخرج :d

بالنسبه لتاني شي صح كلامك

المسقط الافقي للمبنى اهم اهم اهم شي في الحياه

بس في شي لازم تعرفو :d

يعني فضلاً لا امراً بليييييز بلييييز لو تقدر تجبلي البلان

حاول تجيبو اسرع شي في الحياه يعني خلال الاسبوع الجاي

لانو انا كدا ومتاخره البنات بداو يشتغلو في بلاناتهم

وبس واللهي لو جبتلي البلان لا ادعيلك ليل مع نهار

وحتى لو ما جبتو من جد ما قصرت يعطيك الف عافيا :)

[Mr.LandScaper]

المشكله مو في المسقط الافقي لحدود الأرض و المبنى
المشكله في المسقط الافقي للبمنى بأدواره ،،، لكن

ان شاء الله خير ،، خليني اشوف النت و اشوف اصحابي

و بإذن الله اقدر ادبرلك المساقط اللي تبغيها... :)

[shnshn halawa]

فعلاً المشكله في المسقط الافقي للمبنى بادوراه

انا لقيت مسقط افقي لحدود الارض والمبنى لـمبنى الـ bbc

بس مارح ينفع من غير مساقط كاملة للادوار :(

عالعموم انا بانتظار ردك

ويعطيك الف عافيا :)

[Mr.LandScaper]

اعذريني على التأخير ..
شوية معوقات مع مشروع التخرج :)

شوفي الموقع هذا اذا يناسبك و ممكن نبدأ ندور زياده
http://www.omnihotels.com/FindAHotel...loorPlans.aspx

مبنى قناة CNN

[shnshn halawa]

يسلموووو خيوو

يعطيك الف عافيا تعبتك معايا

الله يوفقك وتتخرج يارب :)