للبنات اللي يبغو ادراة اعمال

[هديل H]

المشاركة الأصلية كتبت بواسطة إن غدا لنظيره قادم... انا خايفه تكون الاختبارات اختبارات مناطق وندفع فلوس ثانيه انا عندي ك ابروشورات حق كليه الاعمال برابغ استفتسرت عنها يوم التسكين 1-قسم ادارة الخدمات الصحيه والمستشفيات 2-قسم التسويق 3-موارد بشريه بس ماتتخخصي الا في المستوى الخامس عني السنه الجيه كلها ندرس مواد عامه وفي سنه تالت تتخصصي هذا الكلام اخذنو من نفس قسمهم في يوم التسكين ومعايا الورق حقهم كمان

اما عاااااااااااااد اختبارات مناطق
لا ياشيخة مااظن
الاختبارات تكون في نفس الجامعة في جدة هيا كدا قالت لي

حلوة الاقسام الله يعطيكي العافية انك ذكرتيها
كيف مااتخصص الا في المستوى الخامس وايش نقعد ندرس في المستوى الثالث والرابع ؟؟

الله يدخلك الجنة من اسع ابوبها
اكتبي لنا كل شي مكتوب في الورق حقهم
لاني مااخذت كان مخلص
حتى الارقام اكتبيها

[هديل H]

المشاركة الأصلية كتبت بواسطة فطيمية يسعدكـ ربي ياحلوة عالموضوع اللزيز .. بس عندي سؤالين : الأول : اللي متاح بجامعة الملك عبد العزيز إدارة عامة بس طيب اش الفرق بينهآ وبين إدارة موارد بشرية ؟؟؟؟؟؟؟؟؟؟؟؟؟؟؟؟ وايش هو الأحسن ؟؟ الثاني لوأبي اتخصص الموارد البشرية وين تكون في جامعة الملك عبد العزيز ولآكلية رابغ ؟؟ والاختبارات تبعهآ وين تكون ؟؟؟ يالييييييييت ألآقي جواب في أسرع وقت ..

ويسعدك كمان ياقمر
الحين موارد بشرية هذا مسار في تخصص اداره اعمال عرفتي

الموراد البشرية يكون في قسم ادارة اعمال والقسم ذا بس في كلية رابغ
الموظفة قالت لي الاختبارات تكون في الجامعة

[هديل H]

المشاركة الأصلية كتبت بواسطة dream4ever هوا فتح التسكين في الاودس والا لسى ؟؟ وانا كمان ابغى اعرف الفرق بين الادارة العامة وادارة الاعمال وايهم الافضل؟؟

حسب علمي لسى مافتح


عاد الفرق بين ادارة عامة وادارة اعمال تقدري تبحثي وتتاكدي بنفسك في منتديات الاقسام
الله يوفقك

[هديل H]

المشاركة الأصلية كتبت بواسطة solaaa الله يسعدك ويوفقك ويحققلك كل احلامك عالخبر الحلو يا هدوله بس في مشكله ادا المحاضرات بعد المستوى الخامس ماكانت عن طريق السنترا الدورة حتكون في رابغ صح ولا انا غلطانه اللي عندو خبر يرد علينا وربنا يفتحها في وشو من اوسع ابوابو

ويسعدك ربي ويوفقك ياقمر

وسؤالك جدا مهم وفي محله لابد من اجابة شافية قبل التورط

الله يسلم مخك وعقلك اللي فكرتينا بالشي ذا

[هديل H]

المشاركة الأصلية كتبت بواسطة ♥¨ŋōỌōŋч الله يفرحك زي مافرحتنا ويفتحها بوجهك وتاخذين الفل مارك ياااارب ,’ اللي يبغو الفرق بين ادارة الاعمال والادارة العامه من خلال تصفحي للمواضيع اللي بالمنتدى عرفت ان الاداره العامه (خدمه) وادارة الاعمال (ربح) وادارة الاعمال اوسع واكثر من حيث الفرص الوظيفيه وراتبها ميه ميه والادارة العامه اسهل في الدراسه وفرصها الوظيفيه كمان تمام (هذا والا هذا الوظيفه رزق من الله ومانقدر نحدد) بالنهاية لاحد ياخذ بالفروق بين التخصصات في الفرص الوظيفيه او السهوله =)اهم شي الميول والاجتهاد والا ماراح تستفيد من التخصص شي

صح لسانك ياحلوة وفالك ال 5 من 5 يارب

[هديل H]

المشاركة الأصلية كتبت بواسطة مراسيم الخجل هديل ياربي يسعدك اديتينا امل ...بس انا كمان ابغى اسئل وين اروح اي مبني انا ادري انك رحتي لبرنامج التسكين ...بس لو تعرفين او احد يعرف اي مبنى دحين اروح في الجامعه او امكن العماده؟؟؟

الله يديم علينا الامل والتفائل حبيبتي


للاسف مااعرف وين الواحد ممكن يروح
لان ممكن لو رحتي للجامعة يقولو احنا مانعرف عن كلية رابغ

[هديل H]

المشاركة الأصلية كتبت بواسطة ندووشـه اوكي الحين فهمنا الفرق بين ادارة الأعمال والأدارة العامه .. بس السؤال الحين اذا سجلنا بكلية رابغ عشان المسارات الباقيه الشهادة تطلع متخرجه من كلية رابغ ؟!! ثاني شيء الخووف هل الأختبارات بالجامعه نفسها ولا راح نكع 1000 ريال لأختبار المناطق ؟!! وقسسسم بالله هالجامعه دوختنا الله يسسستر علينا بس

ياندوشه ياقمر كلية رابغ للاعمال تابعة لجامعة الملك عبدالعزيز
فالوثيقة حتكون من جامعة عزوز

والاختبارات والله هيا قالت لي بنفسها حتكون في نفس الجامعة

وبعيد عنك الدوخه

[هديل H]

المشاركة الأصلية كتبت بواسطة ♥¨ŋōỌōŋч كلية رابغ بالاساس فرع لجامعة الملك عبدالعزيز وبالوثيقه راح ينكتب متخرجه من جامعة الملك عبدالعزيز لاتشيلين هم والاختبارات راح تكون بجده بس بالاسم انك مسجله بكلية ادارة الاعمال برابغ

نوني ربي يسعدك اكدتي كلامي

تسلمي

بس عندك خبر عن الدورات لو ممكن تكون مو سنترا فين راح تكون ؟

[S A M A H]

بس انا لمن جيت ابغى اتخصص

قالت لي لو اتخصصتي اداره اعامل تأكدي انو كل شي هناك

يعني اختبارات وحتى لو عندي سؤال او بطاقه او اعدل جدول

قالت كلو تروحي للكليه برابغ مافي بفرع الجامعه اللي هنا


عشان لاتفرحو مره :d

[غـــ الريم ـــزال]

مشكورين الله ينور عليكم