ليه ياجامعة الملك عبدالعزيز هالتشدد كله!

[ابو عبدالله2000]

والله حرام وقهر وربي وربي وربي لو اقدر احذف هالترم لاحذفه


يعني الحين لاتصلت على الشقق يعطوني سعر وهالسعر كذا يقولوا هذا السعر حق اليوم وطبعا بيتغير لاجت الاختبارات ولاقدر احجز ولاغيره

الحين ادرس 3000 + مصاريف سكن لاتقل عن 3000برضوه+ الاكل والشرب والغسيل والمصروفات الثانوية وغيره من مصروف يطلعلك

طيب لاحسبتها لو سجلت بالعربيه اصرفلي والله نفس السعر وشهادة اقوى وتحضر محاضرات

ولا اشوف هذه جامعه الملك فيصل على ماضن 2500 واختبر باية مكان

انا انسان عندي علاجات وابر وموفاضي اجلس ادور شقة بهالحر والصيف تفسد علاجاتي علشانهم مايقدرو مايحتروموا احد مريض يقدروا ظروفه صح ماقصروا قدمت على اعفاء واعفوني بمرض مزمن بس وربي صعبه لما فكرت فيها
انا بصراحة افكر الحين انسحب من مواصلة الجامعه على هالظروف انا ماقدر

[3939]

الله يعينك ومالك الا الصبر

قال تعالى " ان الله مع الصابرين"

[L O T U S]

والله الكل يعاني واحنا البنات معاناة اكثر بعض البنات اهاليهم لازم يكون معاك احد
وزين لقيت اخوي وقدر يآخذ اجازه عشان يجي معاي
مانقول الا حسبي الله ونعم الوكيل لأنو كل الجامعات بأمور الأختبارات مبسطين الموضوع على الطلبه
مو احنا والله يعين على السكن لأنو ابي شي قريب

ربي ان شالله يعينك ويسهلها عليك

[$$$$]

الله يعينا وياك يابو عبدالله


توكل على الله وربك بيسهل ان شاء الله والاهم اننا على هالتعب ننجح


واي مساعدة ابشر بعزك باللي اقدر عليك


الله يوفقك

[albader]

توك المستوى الثالث تلاحق عمرك وروح لجامعة فيصل ..

[Hamsa }~]

الله يعينك ويسهلك ..

[L O T U S]

المشاركة الأصلية كتبت بواسطة albader توك المستوى الثالث تلاحق عمرك وروح لجامعة فيصل ..

والله معاه حق
في جامعة فيصل تقدر تختبر في منطقتك واذا انك من سكان الرياض يعني بترتاح تطلع من بيتكم تختبر وترجع وبكل المستويات مو بس زي عبدالعزيز اول مستوى ولازم تدفع

هذا عدا انو من ناحية رسومهم أقل من عبدالعزيز
وفعلاً اذا تبي تغير تقدر الحين حسب ماقريت بما انك للآن مستوى ثالث

[عبدالله بن سليمان]

كلنا في الهوى سوى

الله يعيننا ويصبرنا

مالك الا الصبر وانا اخوك

[مها المحمد]

الله يعينك يارب بس خلك متفائل تفائلوا بالخير تجدوه والصبر مفتاح الفرج.. وغيرك كثير يعانون بس انا مانصحك تطلع من الجامعه وتروح للجامعة العربيه المفتوحه ابدا اولا مافيه مقارنه ابد بين الجامعتين جامعة الملك عبدالعزيز افضل بكثيير لانه معترف فيها من وزارة التعليم العالي رغم عيوبها وعدم وجود فروع لها..انا كنت بالجامعة العربيه قعدت فيها تقريبا سنتين وماستفدت شي بعدين حولت لجامعة الملك عبدالعزيز اولا الجامعة العربيه ضعيفه ومناهجها صعبه وكلها انقلش تخيل سنتين ادرس كورسات فقط هذا غير الغلا اللي على غير فايده لانه مافيه سعر محدد على حسب موادك ممكن توصل 7000 بالترم وتقدر تتأكد من كلامي ادري انه ظروفك صعبه بس خل عندك عزيمه واصرار وصدقني راح توصل انشاءالله لهدفك
تحياتي,,

[L O T U S]

المشاركة الأصلية كتبت بواسطة مها المحمد الله يعينك يارب بس خلك متفائل تفائلوا بالخير تجدوه والصبر مفتاح الفرج.. وغيرك كثير يعانون بس انا مانصحك تطلع من الجامعه وتروح للجامعة العربيه المفتوحه ابدا اولا مافيه مقارنه ابد بين الجامعتين جامعة الملك عبدالعزيز افضل بكثيير لانه معترف فيها من وزارة التعليم العالي رغم عيوبها وعدم وجود فروع لها..انا كنت بالجامعة العربيه قعدت فيها تقريبا سنتين وماستفدت شي بعدين حولت لجامعة الملك عبدالعزيز اولا الجامعة العربيه ضعيفه ومناهجها صعبه وكلها انقلش تخيل سنتين ادرس كورسات فقط هذا غير الغلا اللي على غير فايده لانه مافيه سعر محدد على حسب موادك ممكن توصل 7000 بالترم وتقدر تتأكد من كلامي ادري انه ظروفك صعبه بس خل عندك عزيمه واصرار وصدقني راح توصل انشاءالله لهدفك تحياتي,,

الأخت مها معاها حق الجامعه العربيه من ناحية الرسوم قمة الإستهبال كل فتره يرفعون من اسعارهم
بس من ناحية معترف فيها اتوقع معترف فيها

وزي ماقال لك اخوي البدر اذا فعلاً ودك تغير غير لجامعة فيصل أفضل بكثير من عبدالعزيز