ليه ياجامعة الملك عبدالعزيز هالتشدد كله!

[tt22tt]

افا ابو عبدالله لاتسحب ولا شي كمل الجامعة وعقبال التخرج إن شاء الله ومن ناحية ميزانيتك ابشر بعزك وان كان ودك تخاويني لاتشيل هم شي انت اشر وامر وش دعوه ابو عبدالله انا اخوان ومابينا شي

[اسم العضو]

المشاركة الأصلية كتبت بواسطة مساعد99 الله يعينك .. الصبر الصبر .... معاك حق من ناحيه المصاريف هي مكلفه مره بس الشهاده مالها ثمن فى حل لك ممتاز تحاول تنقل الى جامعه فيصل ممتازهـ وتقدر تختبر بنفس المنطقه وبالنسبه للشقق ... فى شقق شارع فلسطين واسعارها معقوله .. ( شقق بيتك ) الله يوفقك

اخوي مساعد غاليه ان بغيتها الترم الفائت سعرها فوق ال 200

المشاركة الأصلية كتبت بواسطة ابو صالح16 طيب ابوعبدالله حبيبي في شقق مخصصه للطلبه المنتسبين اذا كنت وحدك وصدقني رخيصه اليوم 100 ريال فقط وشارع رئيسي التحليه بس غرفه ودوره مياه الله يكرمك والسامعين وشغل مرتب انت ماراح تخسر شي عموما الوصف بجانب النادي الاهلي على يساار النادي الاهلي والله ناسي اسمها وجنبه حق العاب اطفال ابد مقابل اول كبري للتحليه وانت جاي من السريع اشاره الاولى بعدها يجيك الكبري من تحته تقاطع الاربعين سوي يوتيرن وتجي على يمين وان صلحت لك ولا لغيرك نبي الدعاء فقط

وين مكانها بالضبط وهل الجامعة قريبه منها ترى مادل في جدة كوووثير ..

المشاركة الأصلية كتبت بواسطة امل عطشان انا استغرب من بعض الردود اللي تقول حول لجامعه الملك فيصل السكوت ارحم ولاالشكوى لظالم

من جد البعض السكوت ارحم

المشاركة الأصلية كتبت بواسطة ابومحمد11 طيب وبعدين ؟؟؟ كلنا متفقين على التعب والخساره من السفر لجدة لكن وبعدين وش راح تسوون ؟؟ بس كلام !!؟؟ يعني كل واحد يقول انا مالي دخل خل غيري يشتكي انا ماني فاضي ,,, وقاعدين على هالحال سفر ومصاريف ومرمطه .. خلوكم ايجابيين وطالبو بحقوقكم لاحد يقول مالي دخل والا ماراح يفيد .. رؤساء دول طاحو من المطالبات وحنا قاعدين زي الضعوف نتشكى في هالمنتدى انا طالبت وارسلت فاكسات وايميلات لمدير الجامعة ولعميد القبول والتسجيل بخصوص اختبار المناطق وطبعا مافيه فايده تدرون ليش ؟؟؟ لان يد وحده ماتصفق واذا ماشتكينا كلنا وطالبنا ماراح يتغير شي وبنجلس نتشكى في هالمنتدى بدون اي نتيجه رجاء ياخوان لا احد يقول مالي دخل ,, انت يالي تقرا الحين ارسل ايميل اقل شي لمدير الجامعه وللعميد هذا اقل شي تسويه طالب بحقك وحق اخوانك هم ماراح يحسون بمعاناتنا لين احنا نحسسهم اتمنى اني اكون وصلتلكم شي مفيد وانا طالبت وراح اضل اطالب باختبار المناطق لانه من ابسط حقوقنا وراح يسهل علينا اشياء كثير منها الماديه والنفسيه ,, واتمنى انكم تكونون معي وتطالبون

يارجل راسلنا كل واحد في الجامعة راسلنا صحف راسلنا مجلس الشورى راسلنا الديوان الملكي ولا في ايت تجاوب .. هانت

المشاركة الأصلية كتبت بواسطة طالب مجتهد 5556 الله يشفيك اخوي بعدين انا استغرب من بعض الطلاب يمدحون جامعة الملك فيصل ويدرسون بجامعة الملك عبد العزيز والمشكلة انهم بالرياض خلاص خليك هناك ياخي اذا افضل واوفر اقسم بالله لو اني ساكن بالرياض والا الشرقية ماادرس في الملك عبد العزيز لو اموت

متى طلعت جامعة فيصل والله ماعرفت عنها الا الترم الفائت ولا باقي لي الا تكة واتخرج ولا كان حوووولة ولا قلق نظام الجامعة المعقد والرسوم والايجارات والسفريات ..

الشي الاخر والاخير يالربع الرجل منزل موضوع والكل له الحرية في الرد وهو يشوف الي يناسبه ...

انا اخوي وعيال عمي كانو حايسجلو في الجامعة وجلست وراهم لين راحو فيصل .. اشتري مخك على الاقل ان كان النظام واحد فاقلها تختبر في المكان الي انت فيه ولا تدفع الا رسوم الجامعة فقط حتى الملخصات ياخذوها من الموقع ...
اوما جامعاتنا رسوم3000 بعدم نظام الجامعة الخطير والمعقد .. بعدين الي يبي يحضر الدورة التاهيلية ايجار وسفر وسيارة لمدة الدورة .. وبعدين الكتب واسعارها مايحتاج وبعدين الاختبارات الي اعرفه موسم الاعياد الصيفية الحج عشان يرفعوالاسعار لكن موسم الاختبارات ماسمعتها الا اذا جيت استاجر شقة في جدة وقت الاختبارات

[الأسد الحنون]

وانا اخوك ماألومك

انا مسافر الخميس بعد القادم بالسيارة اذا تبي تخاوين حياااك انا من الرياض

[طالب ادارة عامه]

الصبر جميل !!! اتمني لك التوفيق

[ابو غرام]

طيب واللي ما عندهم جامعة أصلاً (((( مااااااااااااا لك الصبر وش وداك له ))))

[L O T U S]

المشاركة الأصلية كتبت بواسطة طالب مجتهد 5556 الله يشفيك اخوي بعدين انا استغرب من بعض الطلاب يمدحون جامعة الملك فيصل ويدرسون بجامعة الملك عبد العزيز والمشكلة انهم بالرياض خلاص خليك هناك ياخي اذا افضل واوفر اقسم بالله لو اني ساكن بالرياض والا الشرقية ماادرس في الملك عبد العزيز لو اموت

صرآحه فيصل أفضل من هالنواحي الأختبارات والرسوم

ولا تستغرب...
لو جامعة فيصل فيها إداره عامه كان من البدايه .. طلع لي هالقسم وانا اروح وما اجلس في عبدالعزيز

[sadlan1]

هل استطيع احول لجامعه فيصل ويحسب المواد الي اخذتها لاني ماخلصت الا28 ساعة فقط
وهل فيها تشدد مثل عبدالعزيز بالاختبارات
الي عمده علم لايبخل علينا
الله لايحرمه الجنة ووالدية

[حبيبتي السعودية]

ارجوا من الكل زيارة هذا الرابط والمشاركة الفورية.
http://www.skaau.com/vb/showthread.p...31#post4010331

[أغدا ألقاكــ]

الله يكون في عونك

[مساعد99]

المشاركة الأصلية كتبت بواسطة امل عطشان انا استغرب من بعض الردود اللي تقول حول لجامعه الملك فيصل السكوت ارحم ولاالشكوى لظالم

=========================

الله يسامحك

انا قصدي النصيحه لاخوي لاني اعرف شنو اقول

جامعه فيصل عندها 30 درجه اعمال سنه ( واجبات 10 - حضور10 - مشاركه بالمنتدي 10 )

يعني الاختبار من 70 ويبغي عشان يعدي الماده 30 درجه فقط


اما جامعه الملك عبدالعزيز 60 من 100 درجه وكلها بالاختبار

تدخل الاختبار بجامعه فيصل وانت ضامن النجاح بس المعدل


وانا قلت له كذا من الصدق بالنصيحه ( انا راجعت جامعه فيصل وقالو انت ماينفع لك لانك تبي تتخرج )


الاخت العزيزه : لماذا اسلم للبحر امري؟

والله لو في خيار كان قدامي غير جامعه الملك عبدالعزيز كان سجلت فيه

بس كان جامعه الملك عبدالعزيز هي الوحيده

جامعه الملك عبدالعزيز اجمل واحلي جامعه واطيب جامعه


اتوقع حتي لو الجامعه جنب باب البيت تبي تصير في صعوبات


الله يوفق الجميع