لازم اقدم اختبار التوفل قبل ما تبدأ السنة - ساااعدوني :"(

[Miss Dream]

السلام عليكم و رحمة الله و بركاته
كيفك و كيف الاجازة و الحر معاكم ؟

انا طالبة في احد الجامعات الموقرة و قبل ايام خلصت السنة التحضيرية الحمد لله
و الان الجامعة تفاجأنا بشرط تقديم اختبار التوفل و الحصول على 500 درجة قبل بداية السنة الجديدة

و انا مررة ماني عارفة ايش اسوي الوقت جدا قصير و احتاج معهد قوي يعطيني كورس في دي المدة القصيرة !!!
و كمان ابغى اعرف مواعيد الاختبار وطريقة التسجيل لانو قرأت انها عن طريق الانترنت بس ما فهمت مزبووط
ياااااريت احد يجي يفهمني ايش اسوي دحين كيف ابدا و فين اختبر بليييز اللي عندو معلومة لا يبخل عليا
ولكم دعووووة صاادقة مني

[234CB3EF]

اول شي احب اباركلك النجاح في اول سنه
ثاني شي وضعك مزري بصراحه يعني معقول فاجاتك الجامعه ولا دوبك اللي عرفتي
عموما مايهم
عندك في دورات اسمها الاعداد للتوفل موجوده في اغلب المعاهد
عني انا انصح تعلم اللغه على النت افضل من اي معهد في مواقع تشرح شرح ولا احلى صوت وصوره وكل شي
سواءا grammar or conversations or comminication .. etc
على النت كلو موجود واحسن من اي مكان ثاني لكن الفرق الوحيد هوا انك في معهد تحصلي على شهادة

عموما شوفي عندك وول ستريت وانتي نازلة من الكبري المربع انا انصحك فيه بس انتي دوري اللي يعطي اعداد للتوفل والله يسهلك

[Miss Dream]

234cb3ef رد: لازم اقدم اختبار التوفل قبل ما تبدأ السنة - ساااعدوني :"( اول شي احب اباركلك النجاح في اول سنه ثاني شي وضعك مزري بصراحه يعني معقول فاجاتك الجامعه ولا دوبك اللي عرفتي عموما مايهم عندك في دورات اسمها الاعداد للتوفل موجوده في اغلب المعاهد عني انا انصح تعلم اللغه على النت افضل من اي معهد في مواقع تشرح شرح ولا احلى صوت وصوره وكل شي سواءا grammar or conversations or comminication .. Etc على النت كلو موجود واحسن من اي مكان ثاني لكن الفرق الوحيد هوا انك في معهد تحصلي على شهادة عموما شوفي عندك وول ستريت وانتي نازلة من الكبري المربع انا انصحك فيه بس انتي دوري اللي يعطي اعداد للتوفل والله يسهلك

الله يبارك فيك شكرا
ايوا عارفة الوضع جدا مزري هوا كان لنا فرصة بتقديم الاختبار خلال سنتين قادمة بس للاسف غيرو رايهم و طلبوه الان شرط للقبول في التخصص !!
طيب ممكن لو سمحت تديني موقع كويس لوعندك اكون جدا شاكرة
وشكرا اخي على المعلومات جزاك الله الف خير

[RuNo]

المشاركة الأصلية كتبت بواسطة miss dream و طلبوه الان شرط للقبول في التخصص !!

شششرط لاأي تخصص ؟؟
ما اعرف عن الهرجة دي !!