بطاقة تعريفية عن قسم " التغذية الإكلينيكية " ..

[do0ody-do]

بسم الله نبدأ ..

الحمدلله طلعت نتايج التسكين .. البعض ارتاح و البعض زعل .. لكن ربي ادرى بمصلحتنا فين .. فبدل ما نزعل نحمده لانه ما خلانا في مكان حنا كنا ما نبغاه .. مو ؟!

جا وقت اختيار التخصص .. طبعا تقنية المختبرات تحتوي أربعة أقسام ..

1- تغذية إكلينيكية - لون الزي الرسمي "السكرب" موف

2- تقنية مختبرات - لون السكرب أزرق سماوي

3- علاج طبيعي - لون السكرب اخضر تركوازي

4- أشعة تشخيصية - لون السكرب أحمر عودي

==========

بداية السنة راح يسوولكم جوله و تنزل في موقع الكلية ملف بالرغبات الي انتوا حابينها تطبعوه تكتبوا الرغبات .. يتسلم للادارة في الموعد الي هما محددينه لكم .. هما اثناء الجوله راح يمرروكم ع مطبخ بس ع فكرة دا المطبخ ابدا مو للطبخ دا لتجارب فساد و صلاحية الاطعمة لأن " إنتوا دكااااااااااااااترة تغذية ما راح تطبخوا ابداااااااااااااااااااااا " ..

استخيروا أنا عن نفسي الين صباح اليوم الي تتسلم فيه اوراق الرغبات كنت محتارة لكن ربي كتب و الحمد لله ^^ ..

بعدها نجي لنبذة مختصرة عن " التغذية الإكلينيكية "

طبعا لون السكرب حقنا احلى من لون الخط .. >> ..

الترم الأول ..

راح تكون باذن الله 7 مواد .. من ضمنها ثقافة إسلامية و مهارات لغوية " عربي يعني " ..

منها 2 تخصص و مادة تعتمد عليها مادة تخصص الترم الثاني ..

المواد كالاتي ..

نبدا بالتخصص ..

prinicble of food science & nutrition >> تتكلم عنك الكربوهيدرات البروتين الدهون الماء الطاقه .. الفيتامينات و المعادن ..

nutrition during life cycle >> تتكلم عن المواد و كميتها خلال مراحل العمر الحمل الرضاعه الطفوله المراهقة العجز الرياضيين ..

المواد شبة تخصصية ..

biochemistry >> تتكلم عن الكيمياء حقت البروتين و الانزيمات و عمليات تكسر الجلوكوز و الاكسدة حقت الدهون و الاحماض الامينية و الحمض النووي ..

physiology >> علم اعضاء عن الأجهزة في الجسم ..

anatomy >> علم تشريح لااااااااا تخافوا ما راح تقطعوا شي انتو تدرسوا تشوفوا بس .. ما صارت عندنا حالات اغماء ابدا ..

و الترم الثاني كل شي بوقته حلو ^^ ..

طبعا كانت معكم ليدر سنة ثانية .. أي استفسار متواجدين خلال اليومين دي .. حياكم

[weddah]

شكرا على موضوعك اختي دودي اكيد بيفيد كثير طالبات حابين القسم

الله يجزاك عنهم خير

[أنين الذكرى]

الله يسعدك ان شاء الله بصراحه كل ما قريت عن قسم احتار اكثر ايش اختار والله يكتب الي فيه الخير للجميع

[FrfoSha]

حركات و الله يا دودي راكب عليكي < بررا

الله يوفقكم كلكم يارب و يختار لكم اللي فيه الخير :)

[just emoo]

حبيت اسألك يا اوختي :
الاسكراب إلزامي انو نلبسو ؟
و كم عدد ساعات الكلية كلها ؟

الله يديكِ ألف عافيه ع الموضوع ! =)

[Rock Queen]

شكرا عالموضوع يا دودي الله يعطيكي العافية d: ان شاء الله البنات اللي حيختاروا ده التخصص مرررررررااااا حينبسطوا معانا ونحنا سنة تالت ان شاء الله مرررررررا حنساعدكم زي ما سنة تالت السنة اللي فاتت الله يديهم الصحة والعافية ساعدونا وترا التخصص مرررررا حلو وجديد وفي السعودية لسه الناس ما اعترفوا بيه ولا حسوا بأهميته مع انه الأكل وخصوصا هنا في السعودية هوا السبب في كل الامراض والهباب اللي عندنا وتخصص يفيدكم في حياتكم اليومية. وشي طبيعي حتواجهوا صعوبات لأنه مافي شي يجي بالساهل وبالتوفيق للجميع ياااااااا رب d: :)

[do0ody-do]

المشاركة الأصلية كتبت بواسطة just emoo حبيت اسألك يا اوختي : الاسكراب إلزامي انو نلبسو ؟ و كم عدد ساعات الكلية كلها ؟ الله يديكِ ألف عافيه ع الموضوع ! =)

لا حبيبتي السكرب مو الزامي الا اوقات الاختبارات ..

عدد ساعات التخصص 119 ساعه تقريبا بالتحضيري .. بدون الامتياز ..

الله يعافيك .. ^^ ..

[do0ody-do]

المشاركة الأصلية كتبت بواسطة frfosha حركات و الله يا دودي راكب عليكي < بررا الله يوفقكم كلكم يارب و يختار لكم اللي فيه الخير :)

هههه احم احم ^^ .. يسلمو ع المرور فرفش ..

[ツάиgєℓ]

يعطيك العآفيه دوودي ع المعلومآت
مآقصرتي

[є7ѕαѕ σηtћά]

هاااي دودي ازيك ياحلوه ^^

" إنتوا دكااااااااااااااترة تغذية ما راح تطبخوا ابداااااااااااااااااااااا " ..

خخخخ تفتكري اول لاب هايجين لمن دخلنا المطبخ اش سوينا <<اشكالنا كذا على بالنا بنطبخ
ومسكينه د/سحر جننتوهاا <<ابد مو معاكم