استفسارات عن انترنت السكن الجامعي ( المقر الرئيسي )

[ROBOT]

المشاركة الأصلية كتبت بواسطة اه ياغلاته يسعدك ربيَ كيف أقدم ع سكن رآبغ ومتى ؟ آنآ شآيف بعض الاخوآن يقولون قدموآ وكذآ ورحت يوم الاربعآء بس ع نهآية دوآم العمآدة وقآلوآ لي تعال السبت فطمني الله يطمنكَ

صراحة ماعندي فكرة عن النظام الان لأني من دفعة 10 ... لكن كان في السابق تقدم على السكن يوم تروح تقدم على الجامعة ... لكن الان اعتقد تغير النظام ...اتمنى اني افدتك ... واي استفسار فأنا في خدمتكم :)

[وليد المشاعر]

حلوو حلووو الكلااااااااااااام شكرااااااااا للكل
وبالنسبة للاخ اللي يقول يحددو اوقات للنت ولمو عارف ايش
اقوله اعذرني بس وجهة نظرك غلط
وعلى العموم شكرا للكل

بس بسئل كم نسبة اني اخذ غرفة لحالي يعني هل الاحتمال الاكبر اني اخذ لحالي
ولو مثلا لاقدر الله حطوني مع نفر بالغرفة وكان مو كويس ايش اسوي ؟

بالنسبة للدخان مسموح صح ؟؟

[ROBOT]

المشاركة الأصلية كتبت بواسطة د/ روميو السلام عليكم ورحمة الله .. مســـآئكم ورد وجوري .. مسآئكم رحمة ومغفرة وعتق من النيرآن .. في البداية أحب ابارك لطلاب وطالبات الثانوية القبول في السنة التحضيرية ، وما القبول إلا بداية طريق النجاح والابداع وتحقيق الاحلام .. فالله الله بشدة الحيل والهمه والاجتهـاد ..{ الكثير من الطلاب والطالبات من خارج جدة .. يكون هاجسهم الوحيد (بعد القبول) السـكن .. هل في السكن الطلابي ؟!ولا في سكن خارجي ..؟! انا هنا –في هالموضوع – رآح أتكلم عن السكن الجامعي للطلاب .. من الآلف الى الياء .. ×الموقع× شرق الخط السريع (كوبري الملك عبدالله)– ابـــرق الرغامة – خلف مستودعات شركة dhl "وهذه خريطه توضح موقع السكن " بالنسبة لموقع الجامعة الرئيسي ..(الخط الازرق سور الجامعة) وللمعلومية (المسافة من الكسن الى الجامعة 10 دقايق) ×طريقة التقديم× السنة الماضية كان عن طريق إدارة الاسكان .. في عمادة شؤون الطلاب .. وقد سمعت اخبار –من احد الشباب- انه التقديم هالسنة آلكتروني فما عندي خلفية كاملة عن الموضوع .. ×كروكي للسكن مع شرح بالتفصيل× ×مفتاح رموز الصورة×<< حرف(ط1) = بوابة السكن الرئيسية "يوجد امامها في الداخل صراف سامبا " حرف(ط2)= بوابة فرعية "للطلاب في المباني القريبة" حرف(ط3)= البوابة الخلفية حرف(ص)= مواقف الباصات امام البوابة الرئيسية "عدد الباصات على ما افتكر 23" حرف(س)= المجمع الحيوي في السكن يحتوي على :- 1-مقهى انترنت مفتوح 24 ساعة ، يوجد به عاملان أ‌- راجو (يعمل من بعد صلاة الفجر الى بعد 9 المساء). ب‌- يوسف (يعمل من الساعة 9 الى صلاة الفجر). 2- كواي وغسال ملابس (يفتح من بعد صلاة الفجر الى الساعة 12 ليلا ً) 3- سوبر ماركت مصغر مفتوح 24 ساعة ، يوجد به كل شي تحتاجه والاسعار معقولة .. 4- كافتيريا (تقريبا مفتوحه 24 ساعة إلا انها تقفل قبل صلاة الفجر بساعة او ساعة ونص): فيها عاملان أ- ابو جمال " يمني الجنسية " ت‌- ناصر "هـندي الجنسية" 5- مطعم بخاري (اكلت منه كم مرهـ يمشي الحال) وعندهـ بخاري ومضغوط ، وعيش على الصاج .. 6- عيادة طبية (لها ساعات دوام محددة) حرف (د)= مبنى الاشراف تبع السكن حرف(أ)= المسجد حرف(ب)= المطعم المركزي ، تبع الجامعة ، قيمة وجبة الغذا 5 ريال ، ووجبة العشاء 4 ريال الغدا= يفتح الساعة11 ويقفل الساعة2 العشاء= يفتح بعد صلاة العشاء مباشرة ويقفل الساعة 9 ونص حرف(ج)= الصالة الرياضية .. يحتوي على عدد صالة حديد (مو مرهـ تمام) وعدد 3 بلياردو وعدد 4 تنس طاولة وعدد 2 فرفيرة وعدد 2 تلفزيون اشتراك الجزيرة (ينقل جميع المباريات) حرف(هـ)= الملعب كان مو مزروع بدأو على نهاية السنة يزرعوهـ حرف(و)= ملعب كورة سلة+ ملعب كورة طائرة+ ملعب كورة يد وغالبا يوميا الشباب يجتمعون هناك ويلعبون كورة قدم .. حرف خ1+ خ2= هذه مباني مهجورة محد ساكن فيها من زمان .. وبالنسبة لـ الارقام فهي ارقام المباني .. والعلامة الزرقاء على بعض المباني = تدل على انه المبنى يحتوي على شكبة وايرلس.. والعلامة الصفراء على بعض المباني = تدل على انه المبنى تحت الترميم ..وسوف تتحول الى مباني فردية (الله العالم اذا امداهم يخلصوهـا او باقي) ولـ العلم ..: المباني التالية فردية : 109+112+113+114 اما الباقي مباني زوجية .. ×محتويات الغرفه× 1- مكيف 2- مكتب+ كرسي 3- سرير 4- ثلاجه 5- دولاب ملابس "واذا كانت الغرفة زوجية من كل شي اثنين إلا المكيف والثلاجة" وللمعلومية (الغرف الفردية دورة المياة مشترك،، اما الغرف الزوجية دورة المياة داخل الغرفة) ×الاشياء الممنوعة في السكن× مافي شي ممنوع .. وللعلم بوابات السكن ماتقفل الساعة 10 زي مايفتـكر البعض .. بالعكس ارجع مثل ماتحب .. ×ماذا احتاج في الغرفة× تحتاج تفرش الغرفة موكيت .. وتلفزيون .. وتضلل الشباك ..(بسبب الشمس) واشياء بسيطة (مثل: ملاعق اكل وصحون تقديم، بطانية+مخدهـ+ مفرش سرير) هذه الاشياء المهمة ...وفيه اشياء كماليات على حسب الشخص .. مثلا بلاستيشن .. } الختام آتمنى اكون وضحـت لكم الصورة ولو بـ 10 % قد مريت في نفس حالتكم (يافلذات كبدي) وأي استفسار انا حــاظر .. ومابي منكم إلا الدعاء بظهر الغيب ..

للأمانه الموضوع منقول وهذا رابط الموضوع
http://www.skaau.ws/vb/showthread.php?t=245704

[ROBOT]

المشاركة الأصلية كتبت بواسطة وليد المشاعر حلوو حلووو الكلااااااااااااام شكرااااااااا للكل وبالنسبة للاخ اللي يقول يحددو اوقات للنت ولمو عارف ايش اقوله اعذرني بس وجهة نظرك غلط وعلى العموم شكرا للكل بس بسئل كم نسبة اني اخذ غرفة لحالي يعني هل الاحتمال الاكبر اني اخذ لحالي ولو مثلا لاقدر الله حطوني مع نفر بالغرفة وكان مو كويس ايش اسوي ؟ بالنسبة للدخان مسموح صح ؟؟

بالنسبة لأحتمال تكون في غرفة مزدوجة فهو 50 % لانه يوجد 9 مباني مزدوجة و9 مباني مفردة ... من ناحية الدخان فهو مسموح لكن عادة تكون بين الطلاب اتفاقات ما تدخن داخل الغرفة ... يعني احتراما لزميل الغرفة واحتراما لمشاعرة ... اما من ناحية اذا ما ارتحت مع زميلك تقدر تروح غرفة اخرى وزميل اخر ... ولو كنت محظوظ يمكن تروح مفرد

[The Silent Pain]

طيب يا روبوت سريع مرة يعني كيف ادخل speedtest.net وقيس السرعة لنا

وبعدين الواي ماكس مرة صعبة ماني جالس ع بنك يالله ع الـ 990 ريال هههههه

[The Silent Pain]

+

بما انك ساكن في السكن السكن كيف من النظافة و الراحة وكل شي؟

[The Silent Pain]

+

بما انك ساكن في السكن السكن كيف من النظافة و الراحة وكل شي؟

[ROBOT]

المشاركة الأصلية كتبت بواسطة the silent pain + بما انك ساكن في السكن السكن كيف من النظافة و الراحة وكل شي؟

صراحة السكن لا يعلا عليه ... يعني من ناحية النظافة ممتازه جدا الا ايام الخميس والجمعة نظرا لتمتع عمال النظافة بالإجازة الرسمية .... اما بالنسبة لغرفتك >>> فهذا عائد للساكن داخل الغرفة ... غرفة ما شاء الله نظيفة ... وغرفة الله لا يوريك ...... وهذا عائد للشخص الساكن داخل الغرفة


اما الراحة ... فالحمد لله جدا مرتاح ومتفاهم جدا مع صاحبي في الغرفة وكل شي تمام التمام


نصيحة >>>اذا سكنت مزدوج فحاول تسكن مع طالب كلية قوية مثل طب هندسة وتصاميم صيدلة ... لأن بعض التخصصات لا تحتاج الدراسة الا ايام الاختبارات فقط ... والباقي فلللة .... وانت تعرف الباقي :)

[ROBOT]

المشاركة الأصلية كتبت بواسطة the silent pain طيب يا روبوت سريع مرة يعني كيف ادخل speedtest.net وقيس السرعة لنا وبعدين الواي ماكس مرة صعبة ماني جالس ع بنك يالله ع الـ 990 ريال هههههه

هههههه ... للأسف والله انا ما عندي صيفي الان .... لذلك فأنا خارج جدة الان ... لكن في العموم تصفح ممتاز اما تحميل ما ينفع .... الا في اوقات قلييل مرة مثل بعد الفجر :)

[The Silent Pain]

يعني الظاهر لازم نشتري كونكت zte يوصل سرعة 42 ميجا ونلعب اون لاين فيه -_- الله يعين

ومشكور كل الشكر ع المعلومات بس تعرف كم توصل اسعار التلفزيونات الـ lcd ابو 21 بوصة عشان امشي فيه نفسي اول الترم