فين ادرس السنه التحضيريه...ساعدوني

[gubruzzli]

السلام عليكم اخواني واخواتي
انا قدمت انتساب في جامعه الملك عبدالعزيز..وقبلوني الحمدلله طيب الحين انا.ابغى ادرس في كلية رابغ للبنات..كيف؟؟؟؟
السنه التحضيريه لازم تكون في جده في جامعة الملك عبدالعزيزاو ممكن ادرس في رابغ؟؟؟؟ساعدوني الله يسعدكم حاسه نفسي ضايعه

[miss-busy]

والله ماعندي فكرة

ان شالله يفيدوك الأعضاء

لكن كأني أذكر وحده كانت معانا من رابغ كانت تجي لجدة عشان تختبر

مدري اتاكدي أحسن

[gubruzzli]

مشكوره اختي على ردك ...وياريت احد يفيدني...

[دارس1431]

وعليكم السلام ورحمة الله وبركاتة

هلا بأختي والف مبروك قبولك في الجامعة

اختي اولاً تدرسين السنة التحضيرية في جامعة الملك عبدالعزيز في جدة ^^

وبعد السنة التحضيرية يمكنك التخصص في أي كلية تريدينها ^^

السنة التحضيرية مواد عامة وغير مرتبطة بأي كلية بل مرتبطة بالجامعة ^^

بالتوفيق ياختي

تحيتي

[ro0o7 al_ro0o7]

السنه التحضيريه بجده بجامعة الملك عبدالعزيز
وبعدين تختارين الكليه
من الكليات المتاحه لما سجلتي

[gubruzzli]

اشكركم ....جزاكم الله كل خير .....والله استفدت من ردودكم الله يسعدكم
طيب انا لمن سجلت ما كان موجود غير بس قسم العلوم الانسانيه والاداب بفروعها..وماكان فيه اداراة اعمال او اداره عامه..ايش العمل؟؟؟ يعني خلاص ماقدر اسجل ادارة عمال او اداره عامه حتى لو ان شاء الله جبت معدل كويس..؟؟؟؟
على فكره انا انتساب

[miss-busy]

إلا يا بعدي تقدري تسجلي إدارة أعمال أو إدارة عامة إذا جبتي معدل وان شالله يارب تجيبي

ايوه لما تسجلي أول سنة تحضيري ماتطلع لك الكليات يطلع لك بس العلوم الإنسانية زي ماقلتي

لكن بعد السنة التحضيرية ينزلو لك كل الكليات إلي يسمح بها معدلك وانتي تختاري إدارة أو أداب زي ماتحبي

الله يوفقك ياعسل وسنة طيبة وناجحه لك يارب

دعواتك

[gubruzzli]

المشاركة الأصلية كتبت بواسطة miss-busy إلا يا بعدي تقدري تسجلي إدارة أعمال أو إدارة عامة إذا جبتي معدل وان شالله يارب تجيبي ايوه لما تسجلي أول سنة تحضيري ماتطلع لك الكليات يطلع لك بس العلوم الإنسانية زي ماقلتي لكن بعد السنة التحضيرية ينزلو لك كل الكليات إلي يسمح بها معدلك وانتي تختاري إدارة أو أداب زي ماتحبي الله يوفقك ياعسل وسنة طيبة وناجحه لك يارب دعواتك

طيب طمنتيني الله يريح قلبك ومشكوره ياقمر.....والله يجعلك ويجعلنا من عتقائه في هذا الشهر الكريم..

[miss-busy]

اللهم آمييييييييييييييين