•·.·°¯`·.·• أســنــانــيــات •·.·°¯`·.·•

[hadeel a]

المشاركة الأصلية كتبت بواسطة dr~nanoook سؤال كده ع الطاير هل شاركتكم وقلتلكم قصة قبولي وشعوري وقتها ولا لسه ؟؟ << من كتر الكلام نسيت اذا قلت أو لأ وصراحة مافيا أعيد وأزيد كلام "وعشان أرحمهم شوية من الكلاااام الكتير حقي" .. وخاصة اليوم ماشالله كسرت الرقم القياسي في الرد على الردود في موضوع واحد ! تقريبا ساعتين قاعدة أقرأ واكتب هنا هههههههههههههههه

أمم .. قيد حكتينا كيف حولتي من كليه العلوم الطبيه لكلية طب الاسنان ..بس ما قلتينا التفاصيل و اش حسيتي وكده ..

[shosho0o]

انا يوم انقبلت طب أسنان كان من أكثر الايام سعاده في حياتي و مستحيل حأنسى اللحظه اللي عرفت فيها إني انقبلت مع العلم أنو ما كان في بالي الأسنان بتاتا و انا صغيره كان دكتور الأسنان من اكثر الأشياء اللي تخوفني في حياتي و يمكن للان أخاف من دكاترة الأسنان المهم خليني أقولك د.نانوك كيف بدأت افكر في طب الأسنان ،،،،، أختي اللي أكبر بسنه انقبلت طب أسنان و كانت اول وحده في عيلتنا تنقبل طيب بس للأسف حولت و كنت جدا زعلانه منها و من دا الموقف بدأت افكر في طب الأسنان و مررره اتحمستله و الحمد الله انقبلت و دحين جدا مبسوطه في الأسنان و متحمسه لسنه ثالثه يارب ييسرها لنا ....

[Kaira]

د.نانوكـ
ترا ما قلت غير الصراحة وانتي والله تستاهلي كل خير يا قدوتنا ^^
فديت قلبك والله ..
بصراحة أنا إلي يعجز لساني عن شكري لك لكل حاجة تعمليها معانا وتساعدينا فيها من معلومات
وتجارب سارت في حياتك ومواضيعك الحلوة إلي تحمسنا وتهيئنا نفسيا للسنوات الجاية =)
أحب أقراها أكتر من مرة قبل لا أدخل السنة الجديدة
يعني زي بعد ما خلصت التحضيري وتخصصت طب أسنان وبدأت أدخل دا القسم لأنو بصراحة ما كنت أدخلو أيام التحضيري
لأنو زي ما قلت انو كنت بلا هدف وإلي ربي يكتبو خلاص هوة دا ..
فعشان كدا ما كنت أدخل أقسام الكليات حق المنتدى ..
المهم
لما شوفت موضوع عن سنة تانية طب أسنان والمواد والمعلومات وكلامك مررررررررررة تحمست بصراحة
وأحمد ربي ألف مرة إني اخترت كلية طب الأسنان لأنو عن جد كلية ولا أحلى منها ^^
ودحين سرت كل ما أتشوق للجامعة وأتحمس لـ تالت أسنان أروح لـ موضوعك حق سنة تالت طب أسنان بدايتنا كأطباء وأجلس أقرى وأشوف المواد والكتب والكرف الحلو إلي مستنيننا ^^" هههههههه

___________________

والله يشرفني ويسعدني انو قصتي عجبتك >> الي هية المفروض تكون رواية أطول من كدا بس ترى أنا اختصرتها نظرا لـ ضيق الوقت وعشان لا تطفشي كمان ^^"
وبصراحة أنا أرتحت أكتر شي لما كانت تدخلنا د.سلمي باحنان >> الله يسعدها ويخليها ياااارب
كانت كل فترة وفترة تجي عندنا وتحمسنا عالتخصص وتقولنا حاجات قمة في الروعة بصراحة
لدرجة أحسها إنها مامتك وانتي بنتها هههههههههه لأنها قالت انو بنتي في الأسنان هنا =)
من جد انسانة راقية وقمة في الزوووووق ومن جد أحترمها الدكتورة دي ..
>> ولها موقف معاية عمري في حياتي كلو ما أنساهـ أبدا =) الله يخليها ويسعدها ويحفظها يارب ..

_______________________

بالنسبة لــ كايرا ههههههههههههههههه لا مو نفس إلي في ديث نوت
إلي في ديث نوت اسمو ( كيرا ) وأنا ( كايرا ) بصراحة دا النك نيم حقي من زمااااااااان قبل لا يطلع دا الأنيمي
يعني ما أخدتو من دا الأنيمي ولا غيرو ^___^
على فكرة تحبي تتفرجي أنيمي ؟؟ >> سؤال غريب ومو في مكانو :d

ــــــــــــــــــــــــــــــــــــــــــــــــــ ـــــــــــــــــــــ

أنقبلت في أفضل كلية في جامعة الملك عبدالعزيز كلها

كانت دكتورة سلمى باحنان الله يزكرها بالخير دايما تقولنا وتشجعنا بدي الكلمة
وانو احنا قدها
بس مو يعني نتكبر ونشوف نفسنا
بنات الأسنان أفضل البنات دايما من كل النواحي وزي ما قلتي قلبا وقالبا
وفعلا أنا دا الي شوفتو ماشاالله تبارك الله انو احنا نخبة من كل شي مو بس كدراسة
حتى كأخلاق ومعاملة وتعاون بين الدفعات مع بعض ماشاالله ..
الحمدلله على دي النعمة بصراحة ^^

[amiwa]

ماااااااااااااااااااا شاءالله تبارك الله !! الله يسعدكم كلكم يااارب وان شاءالله تفضل اللحظات دي مرسوخة فــ ذاكرتكم للأبد !!!!!

انا عن نفسي.. ما حظيت بهذه اللحظة
الله يسامحهم اهلي وصحباتي خرّبوها عليّا -.-
من وقت ما نزلت النسب (عشان الحمدلله كانت نسبتي عآلية ) خلاص اهلي وصحباتي انو صرت دكتورة اسنااااااااااان ويبشّرو الناس ويعّبُّو اللِّستة حقت عيادتي ان شاءالله لا ويبغو يحتفلو بعد !!!! قلتلهم ياهوووو وبعدين معاكم صللو عالنبي أفرضو ما انقبلت؟!
فالمهم خلاص عيّشوني الجَوْ ... ولمن نزلت التخصصات ما حسيت بِــ ولاااااااا شي! ما حسيت برعب ولا خوف ولا توتر ولا حماس... الخ , بس انو دخلت اسنان اوكي... طيب.. عادي.. قلت لأهلي.. أحضان ومبروك وكدة... بس .. مافي صرااااخ!! ولا أحد يقللي أرجعي اتأكدي!! , هههههههههههههههههههه والله حكايتي تحزن بالنسبة لحكاويكم هههههههههه
وكمان كانو قبلها اعز صحباتي متصلين عليا زعلانين ويبكو ما دخلو التخصص اللي يبغوه.. فيعني النفسية سارت X
ما كان عندي أكشن في داكا اليوم ....اااااااخ بس الحمدلله ع كل حال,
بس بعدين اختي وصحباتها (my lovely pharma10) سوولي سربرايز بارتي بمناسبة دخولي الاسنان فرجعت اتحمسسسسسسسسسست مررررة وطبعا لمن دخلت المنتدى اتمحست اكتتتتتتتتتتتتتتتتتتتتتتتتتتتر بيكم وبالمواضيع وردودكم ومشاركاتكم وكل شي الله يسعدكم ماي بيج دينت فاميلي
.....................................
ايوة صح انا ما كان ف بالي بشري ابداااا لا كنت محتارة ما بين الاسنان والصيدلة,
من الاشياء اللي " ما " شجعتني ادخل اسنان, انو اختي السنة اللي فاتت دخلت صيدلة وانا لو ما دخلت معاها ححس شوية اني ضايعة :( لانها اختي! وفرق السن البسيط خلانا متشابهين في اشياء مررررة كتيرة..
كمان.. في ناس عقولهم لسة متخلفة, ع بالهم الطبيب خلاص هوة نمبر 1 , فلو دخلت اسنان راح تبدأ المقارنات.. وراح اكره قراري لو شفت اختي متضايقة.. والله ايام ما انساها كنت احس بشي غريب ماني عارفة كيف أوصفو لأني من جهة كنت أميل للاسنان اكتر بشوية من الصيدلة وكنت صراحة ابغا اجرب شي جديد يكون شي خاص بية اللي هوة الـــ career حقي ومن جهة تانية كنت أقول أختي ..... ياربي ايش اسوي.. ايش اختار.. ما ابغا اكون انانية واختار نفسي ومستقبلي
بس سبحان الله هية اختي اكتتتتر وحدة كانت مشجعتني اني ادخل اسنان وكانت بتدفعني في داك الطريق, لانها اختارت تخصصها من حب ورغبة (رغم انو التخصصات كلها ولله الحمد كانت مفتوحة ليها) فكانت تبغاني ادخل التخصص اللي احبه فاستخرت الله , والحمدلله ارتاحت نفسي واستكنّت, وحطيتها الرغبة الاولى والحمدلله ربنا يسرها لية ^^
(استغفر الله ايش بي اتعمقت في الموضوع بدأت أفضفض )

المهم ايش كنت اقول من اول نسيت

خلاص كفاية عليا بس من جد مرررررررة شكرا للي كتب حكايتو والله مرررررررررررررة انبسطت وانا بأقرأ الله يسعدكم دنيا واخرة وشكر خاص ليكي د.منار انك اعطيتينا الفرصة في اننا نعَبر, الله يجزاكي خير ويجمعنا كلنا بيكي في أعلى الجِنان
............................

د.كايرا تتفرجي أنمي؟ والله في أشياء أبدا ما نكبر عليها ومنها الأنمي
nani Anime anata suki the most? <<< خخخخخخخ ام الكلجة

[Dr~NanoOok]

المشاركة الأصلية كتبت بواسطة hadeel a أمم .. قيد حكتينا كيف حولتي من كليه العلوم الطبيه لكلي طب الاسنان ..بس ما قلتينا التفاصيل و اش حسيتي وكده ..

اوكي أحكيكم ولا يهمكم..

بس بشرط.. كده كل واحدة تستعد وتفضّي نفسها وتقعد قعدة مريحة.. وتستعد لسيــــــــل من الكلام
الذي لا أضمن لكم فائدته ام لا :p

قلت خليني أبدأ وأكتب منذ لحظة البداية
<< مشكلتي اني اهتم بأدق التفاصيل وأحب اذكرها وأتذكرها !

وأنا لما أندمج في الجو.. على طول الموود يقلب "عربي فصحى" وأنواع الكلام والأدبيات
<< يعني ينعمل من الحبة قبة.. والكلام يكتر "^^

المهم قعدت أكتب الين وصلت ربع الموضوع بس !
شكيت اذا كله ينفع للنشر من أصله

بس نزل عليا وقتها "الهام الكتابة" وقلت خلاص خليني استمر في السرد
وبعدين أدقق وأضبط وأنزل المختصر المفيد من الهرج دا :p
بس حبييييت استرجاع كل المشاعر.. الدروس والعبر اللي عشتها !

وشكله كده بعد يومين حتلاقوني خلصت خخخخخخخخخخخ

لا .. بحاول أكتب المختصر المفيد .. واللي حيفيد بدون تكثير كلام


__________________________________________________ ____________

المشاركة الأصلية كتبت بواسطة shosho0o انا يوم انقبلت طب أسنان كان من أكثر الايام سعاده في حياتي و مستحيل حأنسى اللحظه اللي عرفت فيها إني انقبلت مع العلم أنو ما كان في بالي الأسنان بتاتا و انا صغيره كان دكتور الأسنان من اكثر الأشياء اللي تخوفني في حياتي و يمكن للان أخاف من دكاترة الأسنان المهم خليني أقولك د.نانوك كيف بدأت افكر في طب الأسنان ،،،،، أختي اللي أكبر بسنه انقبلت طب أسنان و كانت اول وحده في عيلتنا تنقبل طيب بس للأسف حولت لرياضيات تخيلوا و كنت جدا زعلانه منها و من دا الموقف بدأت افكر في طب الأسنان و مررره اتحمستله و الحمد الله انقبلت و دحين جدا مبسوطه في الأسنان و متحمسه لسنه ثالثه يارب ييسرها لنا ....

"أجمل الأيام لم تبدأ بعد" ^_^
أحب اتذكر هذه المقولة لما يجي موضوع الأسنان وكمية السعادة الموّلدة منه

هو الخير باذن الله لك.. وفيه حتسعدي وتحققي أجمل ما تتمنيه وتنجزي فيه
وربي ييسرلك المشوار

[hadeel a]

[QUOTE=Dr~NanoOok;4542554]اوكي أحكيكم ولا يهمكم..

بس بشرط.. كده كل واحدة تستعد وتفضّي نفسها وتقعد قعدة مريحة.. وتستعد لسيــــــــل من الكلام
الذي لا أضمن لكم فائدته ام لا :p

قلت خليني أبدأ وأكتب منذ لحظة البداية
<< مشكلتي اني اهتم بأدق التفاصيل وأحب اذكرها وأتذكرها !

وأنا لما أندمج في الجو.. على طول الموود يقلب "عربي فصحى" وأنواع الكلام والأدبيات
<< يعني ينعمل من الحبة قبة.. والكلام يكتر "^^

المهم قعدت أكتب الين وصلت ربع الموضوع بس !
شكيت اذا كله ينفع للنشر من أصله

بس نزل عليا وقتها "الهام الكتابة" وقلت خلاص خليني استمر في السرد
وبعدين أدقق وأضبط وأنزل المختصر المفيد من الهرج دا :p
بس حبييييت استرجاع كل المشاعر.. الدروس والعبر اللي عشتها !

وشكله كده بعد يومين حتلاقوني خلصت خخخخخخخخخخخ

لا .. بحاول أكتب المختصر المفيد .. واللي حيفيد بدون تكثير كلام




خلاص بستنى حكايتك .. و ولا يهمك كتري كلام زي ما تبغي ماشاء الله دايما يكون كلامك حلو و بنستفيد و بنستمتع و أحنا بنقرأه ..

[Dr~NanoOok]

المشاركة الأصلية كتبت بواسطة kaira د.نانوكـ ترا ما قلت غير الصراحة وانتي والله تستاهلي كل خير يا قدوتنا ^^ فديت قلبك والله .. بصراحة أنا إلي يعجز لساني عن شكري لك لكل حاجة تعمليها معانا وتساعدينا فيها من معلومات وتجارب سارت في حياتك ومواضيعك الحلوة إلي تحمسنا وتهيئنا نفسيا للسنوات الجاية =) أحب أقراها أكتر من مرة قبل لا أدخل السنة الجديدة يعني زي بعد ما خلصت التحضيري وتخصصت طب أسنان وبدأت أدخل دا القسم لأنو بصراحة ما كنت أدخلو أيام التحضيري لأنو زي ما قلت انو كنت بلا هدف وإلي ربي يكتبو خلاص هوة دا .. فعشان كدا ما كنت أدخل أقسام الكليات حق المنتدى .. المهم لما شوفت موضوع عن سنة تانية طب أسنان والمواد والمعلومات وكلامك مررررررررررة تحمست بصراحة وأحمد ربي ألف مرة إني اخترت كلية طب الأسنان لأنو عن جد كلية ولا أحلى منها ^^ ودحين سرت كل ما أتشوق للجامعة وأتحمس لـ تالت أسنان أروح لـ موضوعك حق سنة تالت طب أسنان بدايتنا كأطباء وأجلس أقرى وأشوف المواد والكتب والكرف الحلو إلي مستنيننا ^^" هههههههه ___________________

يسعدلي قلبي وروحك !
كلامك أفتخر بيه والله .. ويارب يقدرني أكون عند حسن الظن والثقة .. ويجعل نيتي خالصة

"ما أعظم السعادة.. عندما لا تكون لك..
بل سببًا بك ! "

فعلا فعلااااااا ما تتخيلي قد ايش أسعد بداخلي لما أعرف اني أفدت أحد وقدرت أترك تأثير حلو عنده !
ايش يبغى الشخص أكثر من الذكر الحسن والدعوه له بالخير !

أكثر ما أريده بهذه الحياة.. اني اذكر بالخير بعد مماتي.. اترك شي ولو بسيط بقلب اللي أقابلهم.. أترك شيء يدعولي بيه لما أحتاج الدعوات تحت الثرى


كايرا .. ربي يوفقك دنيا وآخرة .. ويرزقك الجنة! أجمل ما أملكه لأعطيه لكِ

وسنة ثالثة.. جميــــله جميله.. انا أحبها
وما عدت أتذكر منها إلا أجمل اللحظات اللي عشتها فيه واللي اتلمته فيها
وفعلا نسيت تعبها !

وادخلوها بهمة.. واستمتــــــــــــــــــــــــــــــــــــــــــــ ـــــــــعوا بيها ^_^

والله يشرفني ويسعدني انو قصتي عجبتك >> الي هية المفروض تكون رواية أطول من كدا بس ترى أنا اختصرتها نظرا لـ ضيق الوقت وعشان لا تطفشي كمان ^^" وبصراحة أنا أرتحت أكتر شي لما كانت تدخلنا د.سلمي باحنان >> الله يسعدها ويخليها ياااارب كانت كل فترة وفترة تجي عندنا وتحمسنا عالتخصص وتقولنا حاجات قمة في الروعة بصراحة لدرجة أحسها إنها مامتك وانتي بنتها هههههههههه لأنها قالت انو بنتي في الأسنان هنا =) من جد انسانة راقية وقمة في الزوووووق ومن جد أحترمها الدكتورة دي .. >> ولها موقف معاية عمري في حياتي كلو ما أنساهـ أبدا =) الله يخليها ويسعدها ويحفظها يارب .. _______________________

ولا يهمك.. وابدا لا تخافي من واحدة تحب تسرد التفاصيل وتناقش كثير
من انها تتطفش من قراءة الكثيـــــــــر ;)
خدي راحتك

د.سلمى
وهو في زي مامتنا الرائعة هذه !
ربي يسعدها وحنبقى ندعيلها من الان ليوم الدين

أول واحدة كلمتنا عن الأسنان.. تعطينا نصايح وترفع المعنويات
خير عون لنا وخير أم.. وخير قائدة للصرح الأسناني

كم تمنينا اننا نتخرج وهي ما تزال وكيلة كليتنا
لكن د.سمر فيها الخير .. ورائعه في التعامل وقمة في الأخلاق
نحتاج نتعود عليها كـ ام جديدة لنا =)

وفعلا كلنا بناتها.. بنتها معانا بالدفعه بس ما قد حسينا بأنها تميز بنتها بالتعامل لما تكون معنا
^_^
تستااااااااااهل كل خير والله

بالنسبة لــ كايرا ههههههههههههههههه لا مو نفس إلي في ديث نوت إلي في ديث نوت اسمو ( كيرا ) وأنا ( كايرا ) بصراحة دا النك نيم حقي من زمااااااااان قبل لا يطلع دا الأنيمي يعني ما أخدتو من دا الأنيمي ولا غيرو ^___^ على فكرة تحبي تتفرجي أنيمي ؟؟ >> سؤال غريب ومو في مكانو :d ــــــــــــــــــــــــــــــــــــــــــــــــــ ـــــــــــــــــــــ

اها .. شكرا على التوضيح وما قد انتبهت الفرق مابين نطق الاسمين "^^

حلو اختراع الاسم لك .. مميز وحلو مثلك =)

الانمي كنت أحب اتفرجه.. واحدة من صحباتي مهووسة انمي ودااايما تحمسني اتفرج معاها ونقعد نتكلم ونتناقش عنه

بس بعدين ما صار لي وقت أحمّل الحلقات وأتابع مئات الحلقات "^^
غير ان النت عندي صاير يقطع بشكل مقرف وخاصة بعد الأمطار والسيل بجدة.. فكرهني في تحميل أي شي عليه

أنقبلت في أفضل كلية في جامعة الملك عبدالعزيز كلها كانت دكتورة سلمى باحنان الله يزكرها بالخير دايما تقولنا وتشجعنا بدي الكلمة وانو احنا قدها بس مو يعني نتكبر ونشوف نفسنا بنات الأسنان أفضل البنات دايما من كل النواحي وزي ما قلتي قلبا وقالبا وفعلا أنا دا الي شوفتو ماشاالله تبارك الله انو احنا نخبة من كل شي مو بس كدراسة حتى كأخلاق ومعاملة وتعاون بين الدفعات مع بعض ماشاالله .. الحمدلله على دي النعمة بصراحة

صحيح .. والحمدلله فعلا

وإن شاء الله نقدر نثبت هذا الكلام للجميع ونبينلهم مين احنا من جد ^_^

[Dr~NanoOok]

المشاركة الأصلية كتبت بواسطة amiwa ماااااااااااااااااااا شاءالله تبارك الله !! الله يسعدكم كلكم يااارب وان شاءالله تفضل اللحظات دي مرسوخة فــ ذاكرتكم للأبد !!!!! انا عن نفسي.. ما حظيت بهذه اللحظة الله يسامحهم اهلي وصحباتي خرّبوها عليّا -.- من وقت ما نزلت النسب (عشان الحمدلله كانت نسبتي عآلية ) خلاص اهلي وصحباتي انو صرت دكتورة اسنااااااااااان ويبشّرو الناس ويعّبُّو اللِّستة حقت عيادتي ان شاءالله لا ويبغو يحتفلو بعد !!!! قلتلهم ياهوووو وبعدين معاكم صللو عالنبي أفرضو ما انقبلت؟! فالمهم خلاص عيّشوني الجَوْ ... ولمن نزلت التخصصات ما حسيت بِــ ولاااااااا شي! ما حسيت برعب ولا خوف ولا توتر ولا حماس... الخ , بس انو دخلت اسنان اوكي... طيب.. عادي.. قلت لأهلي.. أحضان ومبروك وكدة... بس .. مافي صرااااخ!! ولا أحد يقللي أرجعي اتأكدي!! , هههههههههههههههههههه والله حكايتي تحزن بالنسبة لحكاويكم هههههههههه وكمان كانو قبلها اعز صحباتي متصلين عليا زعلانين ويبكو ما دخلو التخصص اللي يبغوه.. فيعني النفسية سارت X ما كان عندي أكشن في داكا اليوم ....اااااااخ بس الحمدلله ع كل حال, بس بعدين اختي وصحباتها (my lovely pharma10) سوولي سربرايز بارتي بمناسبة دخولي الاسنان فرجعت اتحمسسسسسسسسسست مررررة وطبعا لمن دخلت المنتدى اتمحست اكتتتتتتتتتتتتتتتتتتتتتتتتتتتر بيكم وبالمواضيع وردودكم ومشاركاتكم وكل شي الله يسعدكم ماي بيج دينت فاميلي

هههههههههههههههههه عادي.. وأنا أنضم ليكِ في كوني ما فرحت أول لما عرفت الخبر
وفي أنه من زماااان وأهلي "أقصد خالاتي وكده" يبغوني أدخل أسنان ومن أيام القبول بالجامعة يقولولي لا تدخلي غير الأسنان وبيعاملوني على اساس اني دكتورة أسنان o_o
وأنا ابدا مو مقتنعة "^^

لكن ماما وبابا خلوني على راحتي واللي ابغاه

وإن شاء الله تتفاجأي وتفرحي أكبر من الفرحة هذه في شي ثاني أحلى ..
ويعوضنا خير بشي ثاني نفرح ونتفاجأ بيه ونعمل دراما ههههههههههه

..................................... ايوة صح انا ما كان ف بالي بشري ابداااا لا كنت محتارة ما بين الاسنان والصيدلة, من الاشياء اللي " ما " شجعتني ادخل اسنان, انو اختي السنة اللي فاتت دخلت صيدلة وانا لو ما دخلت معاها ححس شوية اني ضايعة :( لانها اختي! وفرق السن البسيط خلانا متشابهين في اشياء مررررة كتيرة.. كمان.. في ناس عقولهم لسة متخلفة, ع بالهم الطبيب خلاص هوة نمبر 1 , فلو دخلت اسنان راح تبدأ المقارنات.. وراح اكره قراري لو شفت اختي متضايقة.. والله ايام ما انساها كنت احس بشي غريب ماني عارفة كيف أوصفو لأني من جهة كنت أميل للاسنان اكتر بشوية من الصيدلة وكنت صراحة ابغا اجرب شي جديد يكون شي خاص بية اللي هوة الـــ career حقي ومن جهة تانية كنت أقول أختي ..... ياربي ايش اسوي.. ايش اختار.. ما ابغا اكون انانية واختار نفسي ومستقبلي بس سبحان الله هية اختي اكتتتتر وحدة كانت مشجعتني اني ادخل اسنان وكانت بتدفعني في داك الطريق, لانها اختارت تخصصها من حب ورغبة (رغم انو التخصصات كلها ولله الحمد كانت مفتوحة ليها) فكانت تبغاني ادخل التخصص اللي احبه فاستخرت الله , والحمدلله ارتاحت نفسي واستكنّت, وحطيتها الرغبة الاولى والحمدلله ربنا يسرها لية ^^ (استغفر الله ايش بي اتعمقت في الموضوع بدأت أفضفض ) المهم ايش كنت اقول من اول نسيت خلاص كفاية عليا بس من جد مرررررررة شكرا للي كتب حكايتو والله مرررررررررررررة انبسطت وانا بأقرأ الله يسعدكم دنيا واخرة وشكر خاص ليكي د.منار انك اعطيتينا الفرصة في اننا نعَبر, الله يجزاكي خير ويجمعنا كلنا بيكي في أعلى الجِنان ............................

ماشالله.. رائع فيكِ التفكير في أختك و التضحية عشانها
لكني سبحان الله يسرّلك انك تحققي اللي تبغيه.. وبمساندتها ^_^

واذا بدايتك كده.. باذن الله ربي يوفقك ويعطيكِ على قد نيتك

~

وبجمال وروعة دعواتك الحلـــــــــــــــوة
ليكِ بمثلها وأعلـــــــــى ياارب ^___^

وأنا السعيدة بسماعكم ومشاركتم لي قصصكم والله




__________________________________________________ __________________

خلاص بستنى حكايتك .. و ولا يهمك كتري كلام زي ما تبغي ماشاء الله دايما يكون كلامك حلو و بنستفيد و بنستمتع و أحنا بنقرأه

ربي يسعدك.. وباذن الله حشارككم هو باقرب وقت ^_^

[Dr~NanoOok]

Break
بسيط .. عشان نغير جو ولنعلم ..

مهما بلغت بنا السعادة.. ومهما بلغ بنا الألم
لابد من أمل يتخلله! ولابد للاثنان أن يتداخلا ببعض !
فلا سعادة مطلقة.. ولا ألمٌ دون أمل !


~





نختنق ألمًا.. نغرق دموعًا.. نتوجع قلبًا وغصةً

نرفع أنظارنا عاليًا
لنجد ربًا حانيًا !

حينها لن ننسى أنه معنا
في العسر قبل اليسر.. هو معنا !

~

صورة لسقف مبنى طب الأسنان
أول لما خرجت من احدى الاختبارات النهائية

حينها أدركت كم هي السماء جميلة اليوم !
وأن بها ربًا جميلا.. رحيما بنا

سيجعل أيامي جميلةً يومًا
ويحيل الظلمة التي اعترتني حينها
إلى ضياء.. ومنارة تشع بنورها

~

وقتها بعد الاختبار طلعت وانا دايخة منه !
بجد كتير اننا ننصدم من الاختبار النظري.. عشان يجينا العملي أخص منه

حبيت أريّح على الكراسي
إلا وأشوف المنظر !

خليتها قصة =p
بس ما جا على بالي أطل ع السقف قبل كده "^^


كُتبت بسنة ثالث ..

~


مو تخويفا أو شي.. لكن من الطبيعي اننا نواجه أيام وصعوبات كثرى بحياتنا !
الأهم ..
كيف لنا أن نتخطاها !

[محمد عماد]

شكرا دكتورة نانوك .. لانك اعطيتيني الفرصة اني اذكر قصتي معه التسكين
وراح اذكر قصتي باختصار

مع بدية السنة التحضيرية وانا حاط في بالي الطب .. لعدة اسباب
اولا : طموحي و اهتمامي بالأمور الطبية واي شيء يتعلق بالطب احب اقرا عنه وعندي احساس اني راح تكون لي بصمة كبيرة في هذا المجال
ثانيا: لان اختي سبقتني في هذا المجال وكانت تكلمني عنه .. فكان اكثر تخصص عندي علم بيه

لكن مع نهاية الترم الأول كنت افكر في الهندسة وطب الأسنان
وحتى كنت ادخل منتدى الهندسة واقرأ عن الهندسة الكيميائية .. كان عاجبني هذا التخصص ووظائفه متاحة في ارامكو وسابك
لكني بناءً على رغبتي وميولي ادركت انو مجال الهندسة ما راح يناسبني

مابقي في الساحة غير طب الأسنان .. لما سألت اختي عنه كانت تمدح فيه
ولما قرأت عنه وجدت انو الطب البشري تخصصاته متعددة اما الأسنان مهما تخصصت تبقى في مجال الفم والأسنان
وايضا صعب تبدع او تبتكر شيء جديد في الأسنان
بس الي كان يعجبني في الأسنان انو تخصص مافيه طوارئ ونسبة الخطأ فيه محدودة
لكن بعد الإستخارة ارتحت للطب

بعد ما انتهى الترم الثاني .. كان معدلي ولله الحمد مرتفع فما كنت خايف اني ما انقبل في رغبتي الأول
حتى اختي في هذي الفترة كانت تعطيني مصطلحات طبية وكانت تحكيني عن الطب

وفي اليوم الموعود وفي الساعة المرتقبة نزلت نتيجة التسكين .. والحمد لله انقبلت في رغبتي الأولى
وطبعا اختي اول وحدة عرفت عن نتيجة التسكين .. لانها تقدر تدخل الأودس حقي
وبعدين بشرت الوالد والوالدة
وطبعا طرت من الفرحة .. وعلطول كلمت اصحاب اسألهم عن تسكين
والحمد لله اغلبهم دخلو كلية الطب