بنااات الاحياء والكيمياء الحيوي ساااعدووووني

[جيزان]

بنااات الاحياء والكيمياء الحيوي اول شي السلام عليكم

ثاني شي من جد فيه كلام في قلبي ومقهورة قهر بس ابي اطلعه وابيكم تساعدوني
اول القهر اني للأسف ربي حطني اسوأ جامعه في جده انا مااتكلم ع التخصص لا ااتكلم على الفيصليه
يعني ابي افهم بنات السليمانيه طلع لهم الحذف والاضافه وكل وحده سوت جدولها وارتاحت الاسبوع الاول وخلصت جدولها مثل ماتبي ...وانا والله كل يوم دوام عندهم مو انا بس بناااااااااات كثير ولما اسألهم يقولون عشانك طالبه مستجده ايش يعني طالبه مستجده لازم كل يوم أحوس عندهم واداوم عندهم طول الاسبوع وفوق هذا ياليت يمشون ع المواد الي طالبينها على الاقل ثمن المشوار الي كل يوم وانا ابوي يوديني من 7 الصباح واجلس انتظرهم لحد الساعه 9 ونص عشان تشرف حقتي المشرفه واسلوب زي الزفت انا بصراحه مررررة مو طاليقه اجلس فيها ولادقيقه والله اليوم جلست ابكي

بناااات ماادري هالشي حصل معاكم ولامعاي انا بس
انا جدولي نزل فيه ثقافه + عربي +معمل كيمياء + معمل احياء +امن وسلامه + احياء عامه + كيمياء عضويه
طبعا انا حذفت كيمياء عضويه وطلبت بدلها ماده حرة عشان ارفع معدلي اول نذاله شفتها منهم قالوا لي طالبه مستجده = لايوجد ماده حرة
الترم الثاني نضيف لكي ماده حرة المهم سكت ولاتكلمت ومشيت على كلامهم

طبعا نحن نظامنا المعفن لازم نروح عند المرشده ونكتب لها الشعب او المواد الي نبي نضيفها ونكتب برضوا الشعب والمواد الي نبي نحذفها

انا ماده الكييمياء العضويه حذفتها من اول وراحت خلاص اوكي
اروح عند مرشدتي الفاضله واكتب لها الشعب لاني انا ماابي احذف ولاماده بس الاوقات عندي مررررة زفت يعني من 11 لحد 2 فاضيه ومن 2 لحد 5 معمل انا روحت وغيرت اوقات مادتين فقط ماده الاحياء العامه بسبب معملها وماده الثقافه
بسسسسسسس والله يابنات وربي العظيم مااكتبت ولاماده غيرها ,, وفكرت اني اضيف كييماء حيوي بس مااضفتها لسا

تخيلوا امس الليل افتح الاودس الصدمه حذفوا لي من راسهم مادتين الاحياء العامه المهمه الي ب 4 ساعات + معمل الكييماء ( طيب ليه يحذفون معمل الكيمياء انا اصلا عاجبني وقته وماطلبت منهم لاحذف ولااضافه كذا حذفوه من راسهم )

واضافوا لي ماده الكيمياء الحيوي برضوا من راسهم
المهم اروح اليوم الجامعه واتفاهم معاهم وكلهم ينكرون بكل وقاحه انهم مااحذفوا شي
وفي الاخير قالوا لي انتي مااتعرفي النظام فيه بنات أولى منك
كيف اولى مني ؟؟؟ تقولي رئيسه القسم فيه بنات كيمياء حيوي وعلى تخرج ولسا مااخذوا الماده ومافي توسعه وهما اولى منك يااخذوها طيب انا ياناس ايش دخلني تحذفوها مني يعني اسمي كان موجود وحذفوه الله يحذفهم
المهم كمان سألتهم على معمل الكيمياء برضوا كمان فيه بنات تخصص احياء وكيمياء حيوي وعلى تخرج ولازم ياخذوها هما اولى مني على كلامهم

يعني الحين شعب الجامعه كلها ماايطلعون الا انا بس حسبي الله عليهم
وفي الاخير حنوا شوي علي قالوا لي خلاص خذي ماده حرة ,, ومافي ولاماده حرة تمشي مع وقتي كلها تتعارض مع الكيمياء الحيوي وكمان فكرت ابدل شعب الكيمياء الحيوي بس لقيتها كلللها فلللل

المهم انا الحين جدولي معمل احياء + امن وسلامه + ثقافه + عربي + كيمياء حيوي
وعلى كلامهم احياء عامه 202 + معمل كيمياء 281 خلاص ماافي امكانيه لانه في بنات اولى مني سبحان الله

المهم حسبتها صارت 11 ساعه بسسسس
مررررررررررة قليل وانا اذاا بمشي على هالحال بجلس 10 سنين في الجامعه
فكرت اخذ وراثه عامه مع هالمواد الي فوق يصير 14 ساعه

يصير الترم الثاني اضغط نفسي اخذ
ثقافه 2 + عربي 2 + ماده حرة + معمل كيمياء + احياء عامه + كيمياء عضوي لانه على كلامهم الترم الثاني يفتح الحذف والاضافه واقدر احذف واضيف من البيت

ايش رايكم اخذ وراثه الترم الاول ولا لا لاني لازم اجيب فيها فوق 85 عشان ادخل هندسه وراثيه اذا ربي كتب
انتوا ايش تقولون والله مرررررة محتارة حطوني في وضع زي الزفت وللأسف الترم الاول يعني تقريبا اصعب ماده كيمياء حيوي والباقي كلللله سهل

[بيو كيميائية ^_^]

والله قلة أدب

وإن كان فيه ناس تخرج أنا شكو يحذفون مني المادة

وناس تتأخر وأنا أبتلش يعني

فخذي وراثة دامكـ ماعندكـ مواد وشدي حيلكـ فيهـــــــــــــا

وبإذن الله تجيبي a+

[Dynamite Girl]

ي حبيبتي من جد جاامعة مدري ايش تبغا
ما لنا غير الصبر ..
بس لازم نشتكي
انا في السليمانية ..
بس اليوم دخلت ولقيت الكيميا الحيوي محذووف من عندي -__-
بس طلع انو كل البنات اتحذفت من عندهم

عندهم اجتماع طال عمرهم قامو حذفو المادة دي
المهم مادري متى برجعونها
انا بنت عمي في الفيصلية ونفس الششي معاها كدا صار
بس زي ما قالت بايو ادا تقدري خذي المادة عشان لا تنضغطي
وشدي حيلك
والله يوفقك ويعطيك على قد التعب اللي تعبتيه

[Pr!ncess]

{ مو اول وحده يصير معها هالشيء , أقرب مثال لك أنا :)
خذي الأمور ببساطه بالجامعه راح تتعودي على الاسلوب هذا
أنا قبلوني متأخر بالتحضيري بعد ما بدأت الدراسه بشهر وشوي وداومت بالضبط 4 أيام وبعدها بدأت اختبارات الدوري الأول
لا كان فيه وقت أذاكر ولا أدري وين ربي حاطني , ومشيت وسكت والحمد لله عدا كل شيء بدون ما أحس
وجينا على السنة الثانيه حطوني كيمياء حيوي وأنا أبا طب ومعدلي يسمح بس ما قدرت أدخل القسم , وبرضو مشينا بالقسم :)
والسنة الثالثه الترم الأول نزلوا لي 11 ساعه بس وحاولت بالعافيه أدخل مواد وما قدرت
كل ما ضفت ماده حذفوها لي قالوا التخصص أولى منك ومع ذلك استمريت بالترم داك ولله الحمد :)
وأهو رآح أزيد ترم عشان دي الحركه , مو مشكله نزيده وايش ورانا أهو الدنيا ماشيه والوظايف مي طايره <- هذآ إن وجدت ^-^
فـ نصيحه , لا تعكري مزاجك واضحكي للدنيا تضحك لكـ
واللي ربي كاتبه بيصير غصبن عليهم وعليكي بعد , ومو من أول مطب تتعثري :)
أتمنى لك التوفيق :) ~

[فتاة جدة الذهبية]

الله يــــــــــــــــــــــوفقكـ يارب وييسر لكـ يمكن يكون خيره لكـ لاتيأســي
حسبي الله عليهم ونعم الوكيل (وش ذا الظلم) ربنا معاـكـ هذي جامعة عزوز وش نقول بس:(

[shahoooda]

حبيبتي لا تزعلي نفسك .. انا نفس حالتك بالضبط ... من بداية الاسبوع وانا اداوم عندهم من الساعة 8 اليين الساعة 2 .. مرمممممطططططططططة ... كل وحدة ترميني على الثانية ابكي واتكلم ... وفي الاخير زي ما قالولك قالولي خذي مادة حرة .. ولمن جيت اخذ مادة حرة قالولي انتي ما ينفع عشانك مستجدة .. قولت لا حول ولا قوة الا بالله يعني المستجدات مغضوب عليهم ولا ايش .. قالتلي خذي اول مواد التخصص . قولتلها هوا في وانا قولت لا .. كلها مقفلة .. قالتلي خلاص خذي حرة وبعد ما حوست لقيت مافي ولا مادة ما تتعارض مع جدولي .. لقيت المشرفة قالتلي في مادة مبادئ ادارة عامة فتحت جديد وبعد ما لقيت وقت مناسب فرحت وجيت ابغى اضيفها من الشؤون .. قالتلي لا المادة دي حذوفها من قائمة المواد الحرة .. قولتلها اجل ليش حاطينها عند المرشدات وفي كل لوحة اعلانات في ورقة بشعبها .. قالتلي والله انا ما ليا شغل .. وقالتلي استنيني لي اخر النهار وانا اشوفلك حل .. وجلست استناها برة المكتب ..وما ادري كدة سبحان الله قلبي قلي روحي من الجهة التانية وشوفيها ايش بتعمل . لقيتها لابسة عبايتها وماسكة شنطتها وماشية

[فتاة جدة الذهبية]

^
حسبي الله عليها وربي شي يقهر:(

[ran00da]

اوووووف اووووووف وربي مواقفكم كلها تقههههر لاحول ولا قوة الابالله مااقول الا انو ربنا يسهلها عليكم ويفتحها ولا يعيد هادي الحركات لاحد ويوفقكم في تخصصكم يارب
تمنياتي لكم اخواتي بالتوفيق

[عالية بطبعي]

.. لا عاد تروحي للمرشدة حقتك ((تمشورك ع الفاضي ))
.. روحي للدكتورة اريج وتلاقي الحل عندها..
وبعدين روحي عند الاستاذة سمر خان واتاكدي اذا كانت المادة فيها شعب مفتوحة والا لا..
اليوم رحت ما استفدت من المرشدة حقتي .. ما استفدت ولااا شي ..
رحت للدكتورة اريج ع طول قالتلي اكتبي اسمك ولمشكله اللي عندك واكتبي المادة اللي تبغي تضيفيها عشان كان عندي بس 11 ساعة ..
والحمدلله المادة اللي ابغاها اضافتها ليا في الجدول وصار 14 ساعة ..

[الاميره فلونا]

الله يصبرك ويصبرنا كمان على الجامعه


ونصيحة لاتخلي عدد ساعاتك قليل ضيفي الوراثه وتوكلي على الله وفرصه مايكون فيه الا مادتين تشدي حيلك فيها عشان تقدمي على الهندسه الوراثية

وعندك كيمياء حيوي برضو حلوه وبأربع ساعات لو جبتي الاي بلس بألراحه ترفعلك المعدل

و١٤ ساعه كذا حلو الله يسهلك يارب واذا فيه إمكانيه وتقدري تتحملي ماده كمان ضيفي ماده عشان تصير ١٧ شوفي اي ماده تناسبك من الخطه عشان تتخرجي على وقتك مادام بداو يستهبلو من اول ترم

تطمني العربي والثقافه والأمن سهلين كلهم ومعمل الاحياء حلو بس ممل

وموفقه ياعسل