استفسار:بعثات طلاب الانتساب للماجستير

[دحومي999]

السلام عليكم ورحمة الله وبركاتة

اخواني المشرفين على قسم الوظائف والبعثات والأعضاء الكرام
انا منتسب وهذا اول ترم لي . بس حبيت أعرف للمستقبل انشا الله اذا الله وفق وعطانا عمر وتخرجت
هل فية امكانية بما اني منتسب ولست منتظم انو تحصلي بعثة للخارج عشان اكمل ماجستير في ادارة الاعمال أو أي قسم من أقسام الادارة . وكم ادنى معدل للأبتعاث؟
بس هذا الي حبيت استفسر عنة واسف على الإطالة .
وجزا الله خير وووفقة دنيا واخره لكل من شاهد او رد على موضوعي.

[you..me]

لك الحق مثل طالب الانتظام في البعثه

واهم شيء المعدل وعلى ماتجي سنة تخرجك اكيد بيكون ههناك تغيير في الشروط

تمنياتي لك بالتوفيق

[همس الصمت]

جــــــــــــــــــــــــــــــــــــزا الله خير من وضع السؤال وكل من رد على السؤال

[صمت المحيط]

اختي بخصوص انك انتساب ماعندك مشكله

بس المشكله راح تكون معاك بالعمر والمعدل

اذا تطابقت الشروط ماعندك مشكله

العمر : اقل من 27
المعدل : أكثر من 3.70 على ما أذكر

[افلاطون]

المشاركة الأصلية كتبت بواسطة صمت المحيط اختي بخصوص انك انتساب ماعندك مشكله بس المشكله راح تكون معاك بالعمر والمعدل اذا تطابقت الشروط ماعندك مشكله العمر : اقل من 27 المعدل : أكثر من 3.70 على ما أذكر

هذي الشروط بالنسبه لبرنامج الملك للابتعاث

طيب اذا بروح بعثه على حسابي الخاص..
هل في شروط معينه خاصه جامعات الخارج
العمر25 المعدل2.45

ارجو افادتي ولكم الشكر

[صمت المحيط]

أمممممممممم

على حسابك مافي شروط بالعمر والمعدل

بس لازم وزارة التعليم العالي تتابعك من البدايه

عشان ماتجيب الشهاده وتنتظر شهور طووويله لمعادلتها

واذا انت ناوي تدرس على حسابك اتوقع جامعات بره ماعندها شروط على العمر والمعدل

بس مثل كندا مثلا على حد علمي تشترط شروط أكثر من دول ثانيه كتخصصك بالبكاليروس

مثلا والدراسه الي انت ناوي تكملها بالماستر ... على ما سمعت انها اصعب شروط فيها

بس باقي الدول ابسط

ايوه صح اذا انت ناوي تلحق نفسك ببعثه بعد ماتسافر بره في شروط بالمعدل من الوزاره

بس اذا الدراسه كامله على حسابك بدون شروط

ان شاء الله اكون وصلتلك معلومه تناسبك

سلام

[افلاطون]

الله يعطيك العافيه على المعلومه المهمه

...وين ادرس ثلاث سنوات على حسابي
ابدرس على امل الحاق في البعثه!!

الحين خلينا نشد حيلنا في جامعتنا عزوز يمكن اذا خذيت على اخر ترم ممتاز يرتفع المعدل الى 3 مافي شي مستحيل

[صمت المحيط]

انا اعتقد انك فهمت انه الوزاره تشترط المعدل بالبكاليريوس

لا لا مو هذا الي اقصده انا قصدي ان الوزاره بعد ماتسافر وتدرس اللغه

تدرس كم ساعه بالجامعه على حسابك بره

بعدها الملحقيه تشوف المعدل اذا اوك تلحقك بالبعثه

وخليني ازيدك من الشعر بيت ترى في دول يلحقونك بالبعثه من او 3 شهور

وفي بعضها تطول وبعضها ما تلحق اصلا على حسب الضغط من الطلاب

السعوديين بالدوله فراح اقولك الدول الي أضمن استراليا امريكا كندا المانيا فنزويلا

وعلى العموم العفووو

والله يوفق الجميع وينال كل واحد فينا كل الي يتمناه يارب

[وينك]

شباب ابي استشيركم انا بكلوريوس علم اجتماع معدلي2.87 العمر 32 وبصراحه ابي الماجستير ممكن تفيدوني افضل قسم ممكن يكون متاح لعلم الاجتماع ولو طلعت برا على حسابي ممكن التحق بالبعثة والا صعب

[ماهر الوافي]

هل في احد تخرج من الانتساب وتم قبوله في برنامج الملك عبدالله للابتعاث الخارجي؟
او يعرف احد شخصياً تم قبوله ؟

نبي نتأكد ان في فرصه للانتساب