طلاب الانتساب قسم الانقليزي

[أشواق سليمان]

مشكورين كلكم
شنشن الله يريح بالك .. وإن شاء الله تفرحين بتخرجك قريب
مررررررررررررره شكراا

[شنشن3360]

صحيح الانتساب اهون من الانتظام لأن الدرجة محصورة بس في الاختبار يعني لو شديتي حيلك بالمذاكرة اتاخدي درجه حلوة
ونصيحتي للكل انك تنزلي موادك على حسب الاستاذة حقتها لان المادة ممكن تكون سهله بس استاذتها تعقدها
وكمان المواد الحره لمن تختارو خدي شي انت تحبيه يعني لا تسمعوا من احد لان يوم ما سمعت من البنات اخذت كف جااامد في مادة تاريخ المملكة الحديث اللي سمعتها مكسرة النت من السهوله وجبت 72 مع العلم اني في المواد الحرة الباقية كلها امتياز ولله الحمد
واخر نصيحه لازم تذاكري الكتب تمام وتحفريها حتى المحذوف تقرأيه لأن بيساعد بفهم الباقي اللي داخل معك لأن كل الكتب تجي افكارها متصله كلها داخله في بعض
والله هذي نصايحي من القلب اللي اتمنى كان حد نصحني فيها لمن دخلت يمكن كان تخرجت بمعدل 5 من 5 وليش لأ
ما في مستحيل
لان في بعض المواد (قولو ماشالله كنت اخد 100) وهذا كله لأني كنت اذاكر واجتهد وما علي من المادة وايش يقولوا عنها ولا عن الاستاذة وسمعتها كنت اتوكل على الله وانا عارفه ومتأكدة ان ربي شايف سهري وتعبي ما رح يضيعلي هالتعب حتى لو ما اخدت علامه حلوة كمان ربي رح يعوضني
اتركو الخوف واجتهدوا ولكل مجتهد نصيب واللي يدور على السهل لا يتعب نفسه ويدخل هالقسم لأن كنت اشوف كثير بنات فرحانين بلغتهم وانهم متحدثين ممتازين بس هذا ماله بالدراسه شي لأن في تعاريف لازم تتحفظ و مصطلحات ادبية وغيرة واتفاجئ لمن اشوف هالنوعيه من البنات بيعدوا المواد 3 و4
اوصيكم الثقه بالله ثم بقدراتكم
وربي يوفقكم ويوفقني وياكم يااااااااااااااااااااااااااااااااااااااااااارب