العاملات و { السلام عليكم }

[JODx3]

بسم الله الرحمن الرحيم
السلام عليكم
~> اححم بدون مقدمات وكذذآ ~> مابي احس اني رسمية

اول شي بسألكم ..
قد حصل انه وحدة منكم دخلت المبنى 12 او الكافتريآ وقابلتها العاملة اللي برآآ وقالتلها {السلام عليكم } مع مزيج من إبتسامة بريئة ونظرة تدعوكِ إلى الشفقة ؟

[لاحد يقول فاضية ]

فعلآآ , كلما امر من ذاك المكان وغيره من الاماكن التي تضج ب العاملات وخصصوووصآآ المساحة اللي بين الكافتيريا والمبنى 12
تقابلني العاملة وتقول [السلام عليكم]
وذات مرة جلست وفكرت ان احلل تصرفها
وجدت انها تلقي السلام على اي شخص ينظر إليها
وفي بعض الاحيان البنات - الكشخة -
حتى لوانه البنت تعدي من عندها اكثر من مرا رح تقولها السلام عليكم اكثر من مرآ
طبعا سألت ماما وسألت البنات وانا ما استنكر او ارفض انها تلقي السلام
لكن جد جد شي يحير ويخليكي تفكري حول السبب اللي يجبرها تلقي السلام للرايح والجاي
ف انا سألت ماما قالت يمكن تبغا احد يعطيها فلوس
قلت او يمكن عندهم تعليمات تجبرهم @.@
~> مو فضاوة ><"

طبعآآ طرحت الموضوع للنقاش وكل اللي ابغاه انه كل شخص يعطيني السبب اللي ممكن يكون
= )
اختكم :

jod

[نبض الابتسامة]

وعليكم السلام

اولا :

انا مش من السليمانية

بس عندنا دايما العاملات السلام عليكم

وهاااي وهلووو وقود مورنينق و..... الخ واحنا نرد .. واحيانا احنا اللي نقولهم وينبسسسطوون

يعني اللي عندنا عاادي هررجة

واللي عندكم ما ادري والله .. بس انا لو مكانك باصير انا اللي اقولها السلام حتى لو وراها مقصد

[BARGAIN]

هايات
انا مع مامتك مليون في الميه
لاني مجربه
هي تقول السلام عليكم عشان تلفت نظرك لها
وتنحرجي وتعطيها حاجه
والسلام ختام


تقبلي مروري

[مجنونة شوري]

والله انك صادقه ..

انا قروشوني كل ماأمر يسلموا طيب اردلهم السلام اجي ارجع من نفس المكان يسلموا بعدين مع سلامهم في نظره غريبه صراااااااااااااحه يطفشوا ..

[o,O]

حرام عليكم
ايش فيها اذا قالت السلام عليكم
ان بعض الظن اثم
لو كشرت كنتو اكلتوها
الناس مايعجبهم شي في كل الاحوال تظن سوء
ودايماااا تصير معايا
وسبحان الله لما تشوفيها هلكانه وتعبانه وتحت الشمس وفي الحر وراتبهم على قدهم يدوب يكفيهم
وعلى كذا تسلم وتبتسم وبشوشه لما تتكلم مع البنات
واللي تحت المكيفات وفي المكاتب وفي الراحه ورواتب عاليه
مكشره و لاحد يكلمني


وبعدين تعالو هنا خلصتو من موضوع الملابس وجوالات ابو كاميرا وجا دور العاملات < هههه امزح امزح
ياترى الدور على مين المره الجيه

[stu]

والله انك رهيييييييبة من جد موضوع في الصميم
هلكووووووني بالذات وحدة عند العلوم
في مرة كان عندنا معرض والاشياء كانت كتير وكنت شايلتها عادي ورايحة على البوابة
قامت جاتني وحدة من العاملات بعربية وقالتلي احط الاكياس في العربية هي توصلها للبوابة
ولمن وصلنا واخذت الاكياس قالتلي (مافي هدية ؟؟)
استحيت من نفسي وطلعت المحفظة مالقيت فيها الا خمسين
قلتلها ما عندي فلوس
قالت (انا شوف خمسين ) عينها طويلة
اعطيتها هية وانا مقهورة منها لئييييمة مرة

[اميرة جده*]

المشاركة الأصلية كتبت بواسطة o,o حرام عليكم ايش فيها اذا قالت السلام عليكم ان بعض الظن اثم لو كشرت كنتو اكلتوها الناس مايعجبهم شي في كل الاحوال تظن سوء ودايماااا تصير معايا وسبحان الله لما تشوفيها هلكانه وتعبانه وتحت الشمس وفي الحر وراتبهم على قدهم يدوب يكفيهم وعلى كذا تسلم وتبتسم وبشوشه لما تتكلم مع البنات واللي تحت المكيفات وفي المكاتب وفي الراحه ورواتب عاليه مكشره و لاحد يكلمني وبعدين تعالو هنا خلصتو من موضوع الملابس وجوالات ابو كاميرا وجا دور العاملات < هههه امزح امزح ياترى الدور على مين المره الجيه

هههههه ياشيخه ماصدقنا يسكتو شوي

لاحد يجيب موضوع طاري الملابس

[chσcσℓiηe]

هههههههههههههههههههههههههههههههه
تصصصصصدقي دايما اششوف العاملات الي عند 420 نفسسسس الطريقة تشوفني وتقول السلام عليكم
كيف حالك كوويس

بس ماقيد فكرررررت ليييش بتسوي كده عاادي

بس ممكن عششششان تعطيها فلووس يستاهلو مسسساكين مرره يتعبوو

[تذكري يديك يوم تشهد عليك]

حرام عليكم مو كل عاملة قصدها في السلام إنها تبغى شي
والله العظيم لمن أمر من عندهم وابتسم وأقول السلام عليكم
ماتشوفي قد ايه فرحتهم وإن فيه أحد عبرهم وأعطاهم وجه
رغم إني اسلم عليهم وأنا ماشية ماأوقف
أصلا بس لمن تطالعي في شكلها مررة تحزن هلكانة من الشغل والشمس
وعلى قد حالها وغير كذا هم أخواتنا المسلمات
بس أدخلي السرور على قلبها وقولي السلام عليكم واحتسبي الأجر لله
بتفررح كثيررر
والأخت اللي تقول مرة وحدة من العاملات وصلت لها أغراضها وبعدين
طلبت فلوس من حقها ياأختي
وصلتها لك إلى الباب وماتبغي تعطيها شيء ؟؟!!!
لو إنك احتسبتي الخمسين هذي صدقة لوجه الله كان أفضل
يعني جزء منها عشان وصلتها لك والجزء الثاني صدقة تأكل بها أولادها
وهي قالت لك مافيه هدية ما قالت مافيه فلوس ؟؟!!!
ياأخواتي أحمدوا ربكم على النعمة اللي أنتوا فيها ولايجي يوم وتكونوا زيهم
أعتذر عن الإطالة وأتمنى ماأحد يزعل مني
تقبلوا مني فائق احترامي وتقديري
والسلام عليكم

[كيميائية العام]

عادي اي فيها ياحرام هلكانين من الشغل
وتلاقيهم يعيدو السلام من كثرة البنات الي يمرو عليهم
واحنا في كليتنا عادي حتى من كثر مانشوفهم صرنا نعرفهم ويعرفونا حتى بعضهم يساعدونا من غير مايطلبو شي
وترا ايفشاء السلام حاجة كويسة ماسمعتو حديث النبي صلى الله عليه وسلم (افشو السلام بينكم)