نقل اخبار الدورة التاهيليه للمستويات 6-7-8 للفصل الاول لعام 1433هـ (طالبــــــــات)

[NeeiNaaB]

المشاركة الأصلية كتبت بواسطة ѕυрзя пıdσ نيناب ياعسل الله يجزاكي خير انتبهي الي نزلتيه حق المنهج القديم مررررررا يختلف عن الجديد

واياكي يارب
بس الاستاذة شرحتلنا من المنهج القديم لانه فيله تفاصيل اكتر اما الجديد كله كلام احس اللي عمل الكتاب هادا مبسوط على الاخر وشايف نفسه لانه الف كتاب

[ام حمدان]

i still feel ya

جاوبتك الاخت external جزاها الله خير واضافه بسيطه بس

+ يعني هالصفه موجوده
- يعني هالصفه غير موجوده فيه او غير منطبقه عليه

هي يبغالها حفففففففففظ مع فهم وإن شاء الله تسهل عليكي بعد كذا

external عزيزتي الي فهمته من الاستاذه عن طريقه الاسئله كتبته في ردودي السابقه ونسخت الرد لكم في موضوع الخلاصه المثبت في الرد الخاص بالفونولوجي اطلعي عالموضوع وبتلقي الرد


---------



بنات الدراما شوفوا هالرابط يفيدكم


اسئله لمسرحيات الدراما مع اجوبتها من enotes

[external]

الله يجزاكي خير ياااارب يا ام حمدان شفتها وسامحيني والله ماانتبهت انها في خلاصة الدورة. وصحيح الحل السؤال موجود في نفس السلايد لكن للأسف مع الطباعة مابانت الالوان عندي. الله يوفقك يارب

[little Angel]

بنات اوراق الممورفولوجي مو واضحة أبدأ ومع التصوير كمان مو واضحة..
اللي عندها واضحة تسعفنا بها بليز..

[Emma]

بنوتات دحين اختبار الريبورت تبع البراكتم الي حيكون يوم 2/2
ايش نسوي فيه ؟ وايش مطلوب مننا ؟

[ѕυрзя пıdσ]

المشاركة الأصلية كتبت بواسطة neeinaab واياكي يارب بس الاستاذة شرحتلنا من المنهج القديم لانه فيله تفاصيل اكتر اما الجديد كله كلام احس اللي عمل الكتاب هادا مبسوط على الاخر وشايف نفسه لانه الف كتاب

مو من المنهج القديم تبع العام لاني اخدتو
شرحت كتاب تاني غير المقرر علينا

[بطه}~]

-

-

البنات اللي يذاكرو الدراما
خلفيات العصوور من فين اخذتووها ماحصلتها بمكتبة الجامعه

[NeeiNaaB]

المشاركة الأصلية كتبت بواسطة ѕυрзя пıdσ مو من المنهج القديم تبع العام لاني اخدتو شرحت كتاب تاني غير المقرر علينا

اهااااااا
انا كنت احسب منهج السنة اللي فاتت
يلا الله يعيننا
ليتيل انجل
اما على الاوراق حقت المورفولوجي اذا مابانت مافي مشكلة لانه حق الترم اللي فات ومافي احد نزلها غير وايت روز لا تشيلي هم

[ام حمدان]

المشاركة الأصلية كتبت بواسطة little Angel بنات اوراق الممورفولوجي مو واضحة أبدأ ومع التصوير كمان مو واضحة.. اللي عندها واضحة تسعفنا بها بليز..

لا تهتموا بالورق هذاك لانه كان عباره عن اسئله عاللغات الاجنبيه واصلا هي مو لمس ليلى لمس منى البلوي لانها هي الي درستنا العام
ومعروف سؤال اللغات الاجنبيه يكون من برى الكتاب بس مررره سهل افتكر في الامتحان كان السؤال كانه لعبه فلا تشيلوا هم الورق ذا

موفقين

المشاركة الأصلية كتبت بواسطة بطه}~ - - البنات اللي يذاكرو الدراما خلفيات العصوور من فين اخذتووها ماحصلتها بمكتبة الجامعه

شوفي ياقلبي اصلا مافي شي نزلته مس ايمان للان لكن اطلعت على الكلام المكتوب عن المؤلفين وخلفيات عصرهم في ملفات الاينوت الموجوده في موضوع منهج المسرحيه الي نزلته في قسم الملخصات

ولقيته يشبه كلامها مررررررره الي كانت تشرحه في المحاضرات من عرض البوربوينت

وعن نفسي ماراح اقرا غيره لانه اشوفه كفايه وشامل الكلام الي كانت تقوله في المحاضرات عن الخلفيات

يعني من ملفات الاينوت الى جانت تحليل المسرحيات اقراي المكتوب تحت هذي العناوين
introduction
style
historical context


لانه هم الي تلقي فيهم كلام عن الكتاب واعمالهم واسلوبهم وبايش كانت تتميز الدراما في هذاك العصر

وعلى فكره سالت بنات درسوا دراما من قبل مع مس ايمان وقلتلهم سؤال الاختيارات الي تجيبه يكون بس تسال عالاسلوب تبع الكتاب قالولي لا
ممكن تسالك اساله دقيقه كمان متى كان اول عمل او ايش اسم هذا العمل الخ

فانتبهوا افهموا الكلام كويس وركزوا

بس اتركوه اخر شي بعد ماتكونوا قريتوا وفهمتوا كل المسرحيات اتفرغوا لمذاكرة الخلفيات

الله يعين

[little Angel]

مشكورة نيناب بس بأسألك هي أستاذة ليلي حددت معاكم جزئيات مهمه بالصرف ولالأ؟؟؟

أم حمدان ربي يسعدك ويوفقك يارب..