افضل معهد انجليزي

[ابوغلا h]

السلام عليكم ورحمه الله وبركاته

مبروك للناجحين وعقبال للي ماطلع لهم شي للحين

لو تكرمتو يا شباب ابغى ترشحون لي افضل معهد انجليزي في الرياض لان بصراحه واصل
المستوى الثالث والغه عندي صفر, في ناس رشحولي ولي استريت وانا للحين ما ادري كيف التأسيس فيه .

[مساعد طيار]

ماانصحك ب وول ستريت اذا بتروح وول ستريت نظامهم محادثات تسمعها واسئلة تحلها عن طريق الكمبيوتر وكل اخر اسبوع الانستركتر يقيمك ياتروح المستوى اللي بعده او تقعد على نفس الليفل اسمع نصيحتي روح معهد اسمه برليتز ممتاز جدا جدا جدا من واقع تجربة

[ابوغلا h]

المشاركة الأصلية كتبت بواسطة مساعد طيار ماانصحك ب وول ستريت اذا بتروح وول ستريت نظامهم محادثات تسمعها واسئلة تحلها عن طريق الكمبيوتر وكل اخر اسبوع الانستركتر يقيمك ياتروح المستوى اللي بعده او تقعد على نفس الليفل اسمع نصيحتي روح معهد اسمه برليتز ممتاز جدا جدا جدا من واقع تجربة

الف شكرعلى مساعدتك لي ولكن هل خشيت انت برليتز من المستوى الاول لان والله ما عندي شي في
الانجليزي وابغاه يأسسني صح . ووين موقعه الله يسعدك ويكتب اجرك .

[c130]

المشاركة الأصلية كتبت بواسطة ابوغلا h السلام عليكم ورحمه الله وبركاته مبروك للناجحين وعقبال للي ماطلع لهم شي للحين لو تكرمتو يا شباب ابغى ترشحون لي افضل معهد انجليزي في الرياض لان بصراحه واصل المستوى الثالث والغه عندي صفر, في ناس رشحولي ولي استريت وانا للحين ما ادري كيف التأسيس فيه .

ابو غلا لا تتعب نفسك بمعاهد ولا شي خذ كلامي ابدا اوقرا جريدة انجليزية وخذ لك قاموس مبتدئين واقرا العناوين في البداية بس والكلمة الي ماتفهمها حاول تفهمها من صياغ الجملة اول ثم ابحث عنها في القاموس يوم بعد يوم تلقى نفسك ازين من اول كذا ابو غلا سيلف ستدي هذا هو الفحص وبالتوفيق

[Turki1]

الله الله بالمجلس الثقافي البريطاني ، لكن ادفع وانت مغمض .

[عبدالرحمن الناصري]

خذها نصيحة مني بغض النظر عن المعهد شوف المدرس لأنك انت راح تتعلم من المدرس اللي راح يكون معك مثلا انا دخلت معهد ماهو معروف ابدا وتشوفه تقول هذا المعهد تعبان جدا لكن والله انه المدرس اللي درسني مبدددع شي والله ياعليه اكسنت شي خيالي استفدت منه كثييير ومن طريقة نطقه للكلمات ,,,
فبصراحة اي معهد قبل ماتسجل فيه اطلب منهم انهم يسمحون لك تدخل حصة تجريبية اذا شفت الوضع تمام سجل وهذا من حقك
واهم شيء يكون نتف اسبيكر(من اهل اللغة)ولا يعرف اي كلمة عربية هذي اهم شرطين ,,
وبدون هذه الشرطين لا تدخل احسلك ووفر فلوسك افضل خذها نصيحة مجرب
وبالتوفييييق
ولاتنساني من دعائك...

[ابوغلا h]

الله يوفقكم جميعا والله اضفتم لي الشي الكثير والله لا يحرمكم اجرها

[ahmed-1]

وول ستريت نظامه
انت ادفع لنا فلوس احنا نعطيك شهاده
تفهم ماتفهم .. هذا شي راجع لك.

[saadoony]