في أي أحد حضر أي مادة ؟!

[hek]

السلام عليكم ورحمة الله وبركاته

شباب حبيت أسأل في احد حضر أي مادة خلال الأسبوع اللي فات ؟!
يعني في اي مادة بدأ تدريسها ؟!

والشي الثاني فين الجدول حق الأماكن ؟!

[ahmed 19]

انا حضرت ثقافة اسلامية بس

وما حضر غير 5 طلاب,, قال خلاص نبدأ الاسبوع الجاي

[hek]

^^^
اشبك يا احمد خايف من الثقافة والعربي .. تسال عن الدكاترة وتحضر من بدري
هههه... والله ترى امرها سهل ومقدور عليه ان شاء الله

بالنسبة لمواد الكلية ،، يعني انت ما حضرت ولا الدكتور ما حضر .. لاني ما فهمتك بصراحة ؟!

[ahmed 19]

المشاركة الأصلية كتبت بواسطة hek ^^^ اشبك يا احمد خايف من الثقافة والعربي .. تسال عن الدكاترة وتحضر من بدري هههه... والله ترى امرها سهل ومقدور عليه ان شاء الله بالنسبة لمواد الكلية ،، يعني انت ما حضرت ولا الدكتور ما حضر .. لاني ما فهمتك بصراحة ؟!

مين قلك اني خايف منها ههههههه
احب اسال عن الدكاترة عشان (احب اخذ المادة عند الدكتور اللي ما يحضر)
وعلى فكرة اليوم الدكتور حق الثقافة قلنا:انا سجلت اساميكم عشان اعرف مين اللي مهتم بالمادة ومين لا
(يعني سرنا واسطة )

بالنسبة لمواد الكلية ما حضرت ولا مادة واصلا مني عارف فين قاعات المحاضرات

وما اعتقد انو اول اسبوع في شيء,, لانو لسا كلو حذف واضافة

[hek]

دحين انا متلخبط بصراحة ... انت من اللي يهتمو بالمادة لدرجة انهم يحضرو حتى في اسبوع الحذف والاضافة ،، ولا من اللي يدورو عن دكاترة ما يحضرو ؟!

وبالنسبة لمواد الكلية حتى انا متلخبط ومني عارف القاعات ،، عشان كدا بأسأل فين الجدول الكبييير حق الاماكن (بصراحة رهيب دا الجدول شااامل.. هههه)

[ahmed 19]

المشاركة الأصلية كتبت بواسطة hek دحين انا متلخبط بصراحة ... انت من اللي يهتمو بالمادة لدرجة انهم يحضرو حتى في اسبوع الحذف والاضافة ،، ولا من اللي يدورو عن دكاترة ما يحضرو ؟! وبالنسبة لمواد الكلية حتى انا متلخبط ومني عارف القاعات ،، عشان كدا بأسأل فين الجدول الكبييير حق الاماكن (بصراحة رهيب دا الجدول شااامل.. هههه)

انا اهم شيء عندي انو الدكتور ما يحضر (كلامي على المواد العامة زي الثقافة والعربي)اما مواد الكلية اهم شيء عندي انو يكون يعطيك درجااااات
بس الترم هذا ما اقدر اضيف غير عند دكتور واحد في العربي وقلت خليني اسأل عنو (بس تغير وصرت عند الصويركي )

الثقافة اضفتها عند عسيري صح يحضر بس كويس فقلت في نفسي يلا روح عندو حاول تستفيد المرة ذي (الترم الاول حضرت عندو اول محاضرة بعدين غيرت الدكتور وندمت صراحة, طلع يرسل رسايل عن كل شيء,, تخيلوا مرا صحيت من النوم عشان بروح محاضرة الثقافة لقيت رسالة منو يقول فيها انو تعبان وما بيحضر,يعني لو كنت عندو كان كملت نوم )

وانا اليوم رحت الكلية بتكسي (السيارة ما كانت معاي)وصلت الجامعة حدود 8 ونص
رحت الشؤون التعليمية قالوا النظام مقفل تعالوا الساعة 10 انا وجهي صار كذا o~O
قلت اما ارجع البيت وبعدين ارجع الجامعة !! والمشكلة انو ما عندي سيارة يعني شغله
في نفس الوقت قابلت العسكري قلي انا ذحين رايح محاضرة الثقافة وبرجعلهم الساعة 10
قلت والله فكرة بما اني فاضي خليني اروح اشوف الثقافة (وصدفه طلعنا انا وهوا عند عسيري)
ورحت معاه ورجعت معاه,, يعني لو العسكري كان مو موجود كان سحبت على المحاضرة


وبس

[hek]

^^^
أهاااااا .. كدا فهمتك
ومعليش عالسؤال .. بس مررة ما قدرت افسر الحالتين مع بعض

... يللا الله يوفقك ان شاء الله ولا تهتم بالدجات قدر اهامامك بالعلم نفسه لانه هو االلي ينفع <<< مسوي ناصح

[ذهب زمان النوم]

والدرجات كمان تنفع

[ahmed 19]

لالالا العلم ما ينفع,, بس الدرجات اللي تنفع

قلنا نبغا نتعلم عند ماجد واتنكبنا هههههههههه

[hek]

^^^
اتنكبت في الدرجات ،، لكن علميا راح تحس الفرق بعدين