في أي أحد حضر أي مادة ؟!

[Mohannad Al-zahrani]

معروووف اول اسبوع مافي دراسة :)
اماكن المحاضرات .. راح يحطون ورقة في الكلية تبين اماكن المحاضرات :)

[hek]

^^^
كل ما اسال واحد يقولها على استحياء وهو خايف !!
مادام الموضوع كدا ،، ليش ما يخلو الموضوع رسمي انو مافي محاضرات في الاسبوع الاول ؟!

[ROBOT]

المشاركة الأصلية كتبت بواسطة ahmed 19 انا اهم شيء عندي انو الدكتور ما يحضر (كلامي على المواد العامة زي الثقافة والعربي)اما مواد الكلية اهم شيء عندي انو يكون يعطيك درجااااات بس الترم هذا ما اقدر اضيف غير عند دكتور واحد في العربي وقلت خليني اسأل عنو (بس تغير وصرت عند الصويركي ) الثقافة اضفتها عند عسيري صح يحضر بس كويس فقلت في نفسي يلا روح عندو حاول تستفيد المرة ذي (الترم الاول حضرت عندو اول محاضرة بعدين غيرت الدكتور وندمت صراحة, طلع يرسل رسايل عن كل شيء,, تخيلوا مرا صحيت من النوم عشان بروح محاضرة الثقافة لقيت رسالة منو يقول فيها انو تعبان وما بيحضر,يعني لو كنت عندو كان كملت نوم ) وانا اليوم رحت الكلية بتكسي (السيارة ما كانت معاي)وصلت الجامعة حدود 8 ونص رحت الشؤون التعليمية قالوا النظام مقفل تعالوا الساعة 10 انا وجهي صار كذا o~o قلت اما ارجع البيت وبعدين ارجع الجامعة !! والمشكلة انو ما عندي سيارة يعني شغله في نفس الوقت قابلت العسكري قلي انا ذحين رايح محاضرة الثقافة وبرجعلهم الساعة 10 قلت والله فكرة بما اني فاضي خليني اروح اشوف الثقافة (وصدفه طلعنا انا وهوا عند عسيري) ورحت معاه ورجعت معاه,, يعني لو العسكري كان مو موجود كان سحبت على المحاضرة وبس

بالنسبة لدكاترة المواد العامة..فأحب اطمنك انهم من افضل الدكاترة اللي مرو علي
اذا تقصد الدكتور العسيري تبع الثقافة ... فما اقول الا الله يعطيه قد نيته ويجزاه الف خير ( طيبة + تعامل + تواضع + مراعاة ) كل شي
ما اعتقد راح يمر على دكتور مثل العسيري... جدا ممتاز
بالنسبة لرسائله فهو يرسل لكل الطلاب بدون استثناء عن كل الامور اللي تفيدنا
يرسل اذا هو يمكن يغيب قبلها بيوم والله حتى كلمته ما نسيتها لمن حضر بعدها وقال بالنص ((يا أخي ما تشوفون انو حرام اغيب انا ويحضر طالب من اخر جدة او حتى من مكة وما يلقاني موجود ))
وحتى اذا راح يتأخر يرسل رسائل ... وكمان يرسل رسائل وقت نزول الدرجات عندو قبل ا تنزل على الموقع ... ويرسل ايضا فبل الاخبرات بساعة بدعوة حلوه من قلبو للطلاب ... وفي النهاية اخذت100
اما الصويركى تبع العربي 201 فالبونس في جيبك من الان لأنو يعطيه كل الطلاب ...وكان لو تحضر اخر 5 دقائق من المحاضرة حضرك ما عندو مشكلة ... لكن مشكلتو صوته واطي شوي يعني اذا تبغى تفهم لازم تجلس في الامام :)