نزول درجة الكفايات

[غـنـى]

^^ دلع تيب اقدم فين و لا في ايش اصلا انا ما تابعت التقديم اختبرت بس كده و في جامعة عبد العزيز انتهى التقديم

انتي فين تقصدي طلعت لهم الرغبات الي جايبين 49 ؟!

[توتي الدلوعة 2011]

المشاركة الأصلية كتبت بواسطة غـنـى ^^ دلع تيب اقدم فين و لا في ايش اصلا انا ما تابعت التقديم اختبرت بس كده و في جامعة عبد العزيز انتهى التقديم انتي فين تقصدي طلعت لهم الرغبات الي جايبين 49 ؟!

التقديم في جامعه الملك عبدالعزيز للدراسات العليا مفتوح حتى 21-4-1433

[فاديآ الجهني]

::



بنات ماستر اداره عامه ينفع ناخذ دورة بديله فيها ؟

[فاطمة العتيبي]

طيب بنات ينفع ادخل الاختبار الثاني للستب والا الفرصة مرة وحدة بس؟؟؟؟؟؟؟؟؟؟

[سلطان حكمي]

المشاركة الأصلية كتبت بواسطة فاطمة العتيبي طيب بنات ينفع ادخل الاختبار الثاني للستب والا الفرصة مرة وحدة بس؟؟؟؟؟؟؟؟؟؟

يحق لك دخول الاختبار حتى تحصلي على الدرجة المرضية



اسئل الله ان يوفقك بالمرات القادمة

[فاطمة العتيبي]

[QUOTE=سندريلآ;5468301]^

ايجابي تسلم اخوي
حتى لو قدمت ماراح تنفتح لي التخصصات او المسارات ان صح التعبير
إلا اذا كانت درجه الستيب نفس الدرجه المطلوبه
القهر انهم تغاضو عن 83 ونزلوها يقال الى 81
وانا مادووون المطلووووب بـ 3 درجات
الله يعين .. وحسبي الله ونعم الوكيل في من كان السبب
هذا الإختبار ماراح اعيده اذا الجهة المسؤوله عنه قياس بالناقص منهم
ابغى اي معلومه عن اي اختبار ثاني بيئته منظمه والهدف منه قياس مستوى Academic

سندريلا حبيبتي قدمي صديقتي انجلش ماخذه 77 في الستيب وطلع معها مسار الادب الانجليزي واللغويات واكدت الطلب انتي جربي ماراح تخسري حاجة يمكن يقبلوك ان شاء الله

[سندريلآ]

المشاركة الأصلية كتبت بواسطة فاطمة العتيبي سندريلا حبيبتي قدمي صديقتي انجلش ماخذه 77 في الستيب وطلع معها مسار الادب الانجليزي واللغويات واكدت الطلب انتي جربي ماراح تخسري حاجة يمكن يقبلوك ان شاء الله

^

والله انهم حطموني لا الجامعه ولا مركز قياس
حاسه اني مشتته .. ولا لي نفس اقدم على أي خطوه
أحد الأخوان جايب 81 بالكفايات .. رفض انه يقدم خطاب لأنه مقتنع بمبدأ
احنا انظلمنا يافاطمه وخلاص لآزم نخطط للتغيير
كثير عوامل ادت لفشلنا بإجتياز هالنوع من الإختبارات
والمصيبه الأكبر مافييييييييييييه تنسيق بين المركز وباقي الجامعات
احصي لك بس جامعات الغربيه الثلاث ( ام القرى - المؤسس - طيبه )
كل في فلك يسبحون .. كل جامعه لها شروطها وهذا حق مشروع بس لمن نجي لتطبيق هالشروط
نصطدم بواقع الحال وتجينا عثرة المركز الوطني للقياس
لا اختبارات عدله .. لامواعيد دقيقه .. لا آليه تنفيذ واضحه
والنتيجة شوفه عينك انتي وباقي الأخوان .. والله من امس اقرأ مآسي .. بكيت بحرقه على حالنا
بالمختصر المسأله أكبر أكبر من تجربة طلب تسجيل او رفع خطاب استعطاف واسترحام
الأنظمة والشروط واضحه .. وانا ماراح انتظر استثناءات واعيش بقلق طول فترة دراستي
أنا وغيري كثيرين نبحث عن حل لمشكلتنا ومشكلة آلاف غيرنا من الطلبه
وعلى كل الأحوال بستفسر على استحياء

[سلطان حكمي]

اختي سندريلا


قدمي وتوكلي على الله ، اكثرنا تحطم من الدرجات لكن ايش نسوي مع المركز ....



اسئل الله العلي القدير ان يفرج همك وان ييسر امرك وان يحقق مبتغاااااااااااااااااااك

[سندريلآ]

^

جزاك الله خير .. ولك مثل دعائك الطيب
راح استفسر من العماده .. واستخير في أمر التقديم أو التأجيل
شكرآ ياسلطان .. لاتكفي

[الهمه العالية]

طيب ردوا علي اكتب الدرجه اللي اخذتها 42 او اختار لايوجد اختبار ستيب