((معّ السّــــلامه))...!

[wasan..]

السلام عليكم ورحمة الله وبركاته..
صباحكم /مسائكم رضا وسعادة



لا صرت بايعني أشوفك على خير....
مع السلامه دام مابه سلامه
قلت أنتهينا قلت لك خير ياطير....
ماني بأول شخص يخسر غرامه

محذرك من قبلها ألف تحذير....
لاعفتني بيعيف قلبي هيامه
ماني بميت لا ولا احتاج تبرير....
صح الله السانك ووفر كلامه

بسمعك حبكه وفكره وتصوير....
وأفهم عدل يامدعي بالفهامه
وجه الشعر ابيض ويحتاج تغيير....
ودي تزين هالقصيده علامه

ماضيك الأسود بذكره دون تقصيير....
كذا يكون بخد هالشعر شامه
يصدق معي تعبير ويخون تعبير....
ياضيعة الشاعر بوقت انسجامه

يمكن خطااا ادونك بالشعر مير....
لو مااحترمتك للغرام احترامه
ماكان حبك غير بس طعنتك غير....
علمتني معنى الندم والندامه

ماجاك مني اي زله او تقصير....
كل ماخطيت أعاتبك بابتسامه
حسبي على الذكرى اذا هبت عصير....
ماعاد تنفع شرهتي والملامه

البال ضامي وقتها والحزن بير....
خسرتك وهمي كسبت اهتمامه
والليل فازع لك كذا جاني مغير...
ظلمتني واكثر ظلمني ظلامه

لأقبل علي أوحيت صوت المسايير....
وفزيت كل ضيف أقوم بمقامه
واليا عزم هالليل ضيقه وتفكير....
قلي بربك كيف بقدر أنامه

مافيه داعي للعتب والمعاذير....
الغدر خال الجرح وأطيب عمامه
اما يجيب الله مطر وتاليه خير....
والا السلامه مامن سلامه


لــ محمد جار الله السهلي

[أبو غرام]

قصيده جميله ,,,,,,,,,,,, اختييار رائع

من أجمل القصائد التي سمعتها للشاعر السهلي ,,,,,,,,,,,,,,, نالت على إعجابي




تحياتي لك .

[wasan..]

المشاركة الأصلية كتبت بواسطة أبو غرام قصيده جميله ,,,,,,,,,,,, اختييار رائع من أجمل القصائد التي سمعتها للشاعر السهلي ,,,,,,,,,,,,,,, نالت على إعجابي تحياتي لك .

ياهلا والله
نورت الصفحة
تسلم ...الأروع تواجدك

[TURKI ALharbi]

ابدعتي بالاختيار مس وسن
راقت لي جدا
مع ان ماحب هنوع من القصيد :(
دمتي مبدعه

[sara a7md]

رووووووعة
تشكري ع الطرح

[wasan..]

المشاركة الأصلية كتبت بواسطة turki alharbi ابدعتي بالاختيار مس وسن راقت لي جدا مع ان ماحب هنوع من القصيد :( دمتي مبدعه

أهلييين نورتني واسعدتني
تسلم .. تواجدك الأروع

[wasan..]

المشاركة الأصلية كتبت بواسطة sara a7md رووووووعة تشكري ع الطرح

أهلييين
انتي الأروع والاجمل ياعسل
العفو وتشكري ياقلبي على المرور
منورة في اي وقت