كلية الحرس الوطني تمريض ؟

[Dr.Masha3el]

كلية الحرس الوطني تمريض
جامعة الملك سعود بن عبدالعزيز للعلوم الصحيه

ايش الفرق بينها وبين جامعة الملك سعود الي بالرياض ؟
هل هيا فرع لها ولا ايش ؟
ايش تعرفو عنها ؟
وسمعت انو شهادتها قوية صح ؟
عندي مقابله يوم الربوع ان شاء الله ايش تتوقعوا يسألوني ؟
وشكرا
> دعواتكم ليا

[shox2]

ما عندي معلومات صراحه

بس الله يسهلك امورك كلهاا
بالتوفيق

[Dr.Masha3el]

شكرا ع مرورك 3> يسعدك ربي
بليز الي عندو معلومات يقولي ضروري =)

[2NMD]

أنا من فتره كنت اسوي سيرش عن الجامعه و اقدر افيدك إن شاءالله ..

- الدراسه 4 سنوات و سنه امتياز توتال 5 سنوات .. اول ترم تاخذين فونديشن و مواد عامه
- الوظيفه مو مضمونه في الحرس بعد التخرج ولكن لا بس يكون لك الاولويه في التوضيف عن خريجات الجامعات الثانيه ..
- المقابله الشخصيه اسأله سهله تسآل ليش اخترتي التمريض؟ و كيف شايفه نفسد بعد 10 سنوات ؟ اسأله friendly
- الدوام حسب محاضراتك و الدوام الرسمي من 8 الى 5
- الدراسه عباره عن نظام ساعات و الجدول ينزل جاهز ما تقدرين تغيرين فيه شيء
- المبنى مؤقت صغير عباره عن فيلا في شارع التضامن العربي جمب مجمع الشرق بس رح ينقلون لمبنى جديد قدام مستشفى الحرس و بتفتح كل الاقسام لأنها الحين ما تدرس غير تمريض ..
- العدد محددود قريب 40 بنت لكل سنه
- الشهاده تكون من جامعه الملك سعود طبعا مو من الحرس للأن الحرس ما تعتبر جهه تعليميه
- مستوى الجامعه قوي و عالي جدا من ناحيه صعوبه المناهج و لكن لو حابه التمريض و داخله برغبه وقناعه بتنبسطين لأنك تتعلمين صح ..

و الله يوفقك ويكتب لك اللي فيه خير ..

[Dr.Masha3el]

مرا شكراً ع المعلومات 3> تسلم

[عذاري السمروات]

ميشو يا قلبي ..
بس حابة أسألك كم كانت القدرات حقتك و التحصيلي و الثانوية .. ؟
او قوليلي النسبه المركبة حقتك ؟؟؟
طمنيني بالله عليكي ..
و خدي هدا الرابط ان شاء الله يفيييدك ..
سجلي في المنتدى و اسأليهم اللي تبغيه ..
أنا مسجله فيه و ما شاء الله ما قصروا ويايا ..
استفساراتك نزليهاآ في منتدى كلية الطب يا جلنارة ..
http://www.cksu.com/vb/forumdisplay.php?f=15

[ملاك الجامعية]

المشاركة الأصلية كتبت بواسطة dr.masha3el كلية الحرس الوطني تمريض جامعة الملك سعود بن عبدالعزيز للعلوم الصحيه ايش الفرق بينها وبين جامعة الملك سعود الي بالرياض ؟ طبعا في فرق في الرياض في جامعتين الاولى هيا جامعة الملك سعود والثانيه هيا جامعة الملك سعود بن عبدالعزيز للعلوم الصحية وفروعها في جده والاحساء هل هيا فرع لها ولا ايش ؟ نعم هيا فرع من جامعة الملك سعود بن عبدالعزيز للعلوم الصحية ايش تعرفو عنها ؟ اعرف كل شيء لاني طالبه فيها , الجامعه ممتازة وقوية ودراستنا صعبه بس كل شيء بالاجتهاد تمام عميدتنا الدكتورة تقوى انسانه رائعه وقريبه من الطالبات وسمعت انو شهادتها قوية صح ؟ يب اعتقد انها قوية لانها متخصصه في العلوم الصحية والتدريب في مستشفى الحرس عندي مقابله يوم الربوع ان شاء الله ايش تتوقعوا يسألوني ؟حيسالون اسئلة عامه مثلا كيف حالك ليش اخترتي جامعتنا ؟ في احد من اهلك يدرس في الصحه ؟ ايش تتمني تكوني ؟ كيف الانجليزي معاكي ؟ وكمان لاني من جامعة عزوز سالوني ليش سبتي الجامعه وجيتي عندنا اهم شيء في المقابله تكوني واثقه بنفسك ماسمعت باحد اترفض من المقابله وشكرا > دعواتكم ليا

معلومات عامه

في جامعتنا تدرسين اول ترم الفاونديشن عربي واسلامك والباقي انجليزي يركزون على الانجليزي في اول ثلاثه اترام وبعدين خلاص ماعاد تدرسيه

اول سنتين تسمى السنتين التحضيرية تدرسين مواد عامه لكن من رابع ترم تدرسين مقدمات على التمريض

والسنتين اللي بعدها كلها مواد تخصص

والسنه الاخيرة امتياز في مستشفى الحرس

حاليا ندرس في المبنى الموقت لكن حسب كلام العميدة احتمال من الترم الجاي ننقل للمبنى الدائم
في مدينة الملك عبدالعزيز الطبية

بالتوفيق يارب

اي سوال في بالك اساليني وباذن الله افيدك

[عذاري السمروات]

ملاك لو سمحتي ..
قوليلي كيف هما يختاروا البنات . ؟؟
وهل كل اللي مسجلين يسوولهم مقابلة شخصية ؟؟
و كم اخر موزونه أخدوهاآ السنه اللي فاتت >> طالبات الثانوي ..
و سؤال :
لو كان االمجموع حق ( اللتحصيلي و القدرات و الثانوي ) = 80 او 85 او 79 هل يتم قبول البنات بدي النسب ولا كيف وضعهم ؟؟
اشوف ليّ انا و بعض صديقاتي
ما صدقت خببر احد موجود دحين

[Dr.Masha3el]

عذاري
حبيبي والله مادري كم الموزون انا دخلت نسبة المدرسه والقدرات والتحصيلي ورسلتلهم
بس طريقة حساب الموزون كدا
الثانوبة العامة : 35%
القدرات :30%
التحصيلي :35%

أنا ثنوي 95.33 والقدرات 69 والتحصيلي 67 > جبت العيد

أنا صاحباتي قدمو معايا بس للأسف ماتصلو عليهم عشان المقابله
أنا دقو عليا قبل يومين قالو مقابلتكي يوم الربوع > يعني اليوم
ومرا شكراً ع الرابط أفأدني 3>

[ملاك الجامعية]

المشاركة الأصلية كتبت بواسطة عذاري السمروات ملاك لو سمحتي .. قوليلي كيف هما يختاروا البنات . ؟؟ لهم معايير خاصه ولعلمك المقبولات هما اللي يدوهم مقابله يعني دحين انتي مبدئيا مقبوله والمقابله سهله يعني باذن الله حنشوفك الترم الجاي وهل كل اللي مسجلين يسوولهم مقابلة شخصية ؟؟ لا بس اللي يبغونهم يسوون لهم مقابله شخصية و كم اخر موزونه أخدوهاآ السنه اللي فاتت >> طالبات الثانوي .. والله مدري لاني طالعه سنة ثالثه وماعندي خبر عن نسب العام و سؤال : لو كان االمجموع حق ( اللتحصيلي و القدرات و الثانوي ) = 80 او 85 او 79 هل يتم قبول البنات بدي النسب ولا كيف وضعهم ؟؟ اعتقد نسبكم في السليم يعني لاتقلقو ويارب نشوفكم معانا اشوف ليّ انا و بعض صديقاتي ما صدقت خببر احد موجود دحين

حبيبتي اي شيء في خاطرك اسالي لاني حاسه بحوستكم على ايامي ماكان في احد اساله