اعلان لدفعة 10 وما بعد .. 9 ساعات التدريب

[_OCTOBER]

الرد# 3

إنجازات دفعة 10 على حضنا ... إتلغت أسئلة الوزارة .. بس للأسف حل مكانها التحصيلي والقدرات كمان على حضنا .. طلع إختراع السنة التحضيرية كمان على حضنا تحولت كلية الإدارة والإقتصاد لبنات العلمي ودرسنا كيمياء او فيزياء كمان على حضنا ماتخصصنا الا بعد دراسة سنة وترم .. كمان على حضنا ندرس مبادئ المحاسبة انقليش وبعد التخصص تتحول الدراسة كليا بالعربي كمان على حضنا مافي تدريب

الله يصلحك , اش الرد هذا المفعم بالسلبية !!
مو لازم نتخبط ونقلب ابوها مناحة عشان قرار او قرارين .
صحيح في اشياء تنرفز بس هذا الجامعة و محد قال بنتخرج بسهوله .
والمفترض الطالب يتعلم كيف يتعامل مع الضغوط والمسؤولية

راح اقول الحمد لله اني من دفعة العاشرة
لاننا كنا اول دفعة تدرس مناهج جديدة ونشهد التغير الملحوظ .
ولاننا كنا اخر دفعة من الاداري اللي تقدر تحول الى علمي . وبالنسبة لي اخر طالب حول من الانتساب الى الانتظام ومن ثم من اداري الى علمي .
والحمد لله اننا كنا اول بعثة في الكلية تدرس في جامعة خارجية . وساهمنا بنجاح الفكره للدفعات الثانية .

وبعدين بالنسبة للثانوية احمدو ربكم ماكان عندكم اسئلة وزارة ومدلعينكم واغلب الطلاب متخرجين بنسب عالية
ع ايامنا اللي يجيب فوق الخمسة وتسعين يحطو صورته بالجريدة
ومع هذا كله كان عندنا تحصيلي وقدرات .

حتى لو كان عدد قليل من كل قسم أنا احتمال كبير يختاروني >> يعني إني شاطر ههههههه لكن متردد في التدريب لانه ب 9 ساعات يعني المعدل يا فوووق يا تحت

التدريب مهم لانه فيه خبره , والخبرة تفرق جدا بالتوظيف حتى لو كانت بضعة اشهر .
وبعض جامعات الخارجية تحذفلك مواد من الخطة . لوكانت عندك خبرة مساوية في نفس المجال .
بالنسبة للتدريب اعتقد انه راح يكون في اختبار ومو اختيار بالمعدل .
ومافي احد يخاف من الدرجة, هذا تدريب مو بحث ولا مشروع تخرج
كلها حضور وغياب وتقرير وانتهينا .

.

[4Nan]

التدريب المفروض يكون شيء اجباري والزامي على كل الطلاب والطالبات
حنتخرج من الجامعة وماحنستفيد ولا شيء من المواد اللي درسناها
اللي حيفيدنا هو التدريييييييييييب

[النوري الهيلا]

يعني الانتساب مالهم طاري ...
وبعد شنو موقعنا من النظام الجديد؟؟؟؟؟؟؟؟

[Joda Majed]

خيره ، كل امر الانسان خيره بادن الله

كل وحدا تراجع مشرفتها وبادن الله يتيسرلها كل خير

[battota]

دحين مو فاهمه بالورقه كاتبين انو نختار يا تدريب يا مواد اختياريه

وهما قالوا حيختاروا من كل تخصص عدد معين للتدريب


اذن اجباااري اذا ما انقبلنا بالتدريب راح ناخد اختياري ..>>اجل ليه نختار من الحين من عند المشرفه ؟؟؟؟

[battota]

بس احنا لسسه ما علقوا اوراق ولا شي صح ؟؟

[Joda Majed]

^

ارجعي لمشرفتك وهيا حتفيدك بشكل اوسع واكثر واظمن بهدا الموضوع ،
ومشرفتك تلاقي قوائم الاسماء معلقه بكل الكليه بالدور الثاني دوري اسمك وروحي عند المشرفه حتفيدك ياعسل

[باور هورس]

October

مو لحالك

حتى أنا من انتساب الى انتظام الى علمي

لكن بعد معاناه

لأني تعبت معاهم وطفشت
وصراحه جلست في البيت فاقد الأمل

وبعد دخول الواسطة >> الله يعطيه العافيه

زبط لي كل شيء
أنا رحت احضر المحاضرات وفي الاسبوع الثالث من الدراسه


باختصار كل شيء في الجامعة ما يجي الا بعد معاناه.

ولولا الله ثم الواسطة كان تركت الجامعة لأنهم كرهوني فيها >> الموظفين والمسؤولين

[nsetk]

المشاركة الأصلية كتبت بواسطة باور هورس انتي بالذات لازم تطلعي تدريب والله كبيرة في حقك لو ماطلعتي مشرفة قسم المحاسبة في المنتدى ما تطلع ؟!!!!! اجل مين اللي يطلع ؟!!!!

[DeeeL]

طيب بنات ماينفع نحتج ؟ نروح مججموعه بنات من كل تخصص لعميدة الكليه


5-8 طالبات جدا عدد قليل حتى لو قدرنا نزيد العدد ل 20 مثلا

لازم نبين لهم ان التدريب مهم لنا