طالبات الهندسة: اليوم الإرشادي + الدوام

[hayaalsh]

السلام عليكم.
أنا دحين ما حضرت اليوم الإرشادي لأنو ما كان عندي خبر. إلي قدرت تروح ياريت تفيدنا بإلي حصل هناك.
+
أحد يعرف متى نبدأ نداوم؟ أنا ما رحت لا أمس ولا اليوم لأنو قالوا الدراسة ما تبدأ إلا الاثنين! في أحد أخذ محاضرات ولا شي؟؟

[EMZ]

انا زيك مو عارفه ولا شي يا ليت احد يفيدنا

[Wa3od]

حابه اسالكم هل الهندسه متاحه للبنات غير السعوديات ..))
واذا كانت غير متاحه هل فيه امكانيه السنه الجايه تكون متاحه لهم ..~

[Miss smart]

الا متاحة ان شاء الله

[na07]

غالبا ما تبدأ الدراسة من الاسبوع الثاني

[hayaalsh]

شكرًا للأخ.

بالنسبة للبنات إلي معايا في قروب 1 وعندهم
Math 202 مع أ.مها سعيد, قالت في موقعها إنو أول محاضرة إن شاء الله يوم الأربعاء.
أ. سمر بابروك تبع ee201, و د.بادية حكيم ie200 أرسلتلهم إيميلات بس لما دحين ما ردو -_-, عشان كدة شكلو حأروح الجامعة من بكرة!
أما العربي والثقافة والمعامل فعادة ما يبدؤوا إلا من الأسبوع الثاني.

بالتوفيق للجميع :)

[hayaalsh]

د. بادية حتبدأ أول محاضراتها من بكرة (الثلاثاء)..
بنات أعملو follow لهذا الtwitter:
Kau_engineers
عشان توصلكم الاخبار اول باول

[Suzi]

مآشاءالله بنات حابة اسالكم دحين يمديكم تدرسو هنسدة زيكم زي الطلاب متل التخصصات الموجودة بعفت (= بالتوفيق شي حلو والله