انا تحضيري 2012

[منال 22]

مرحبا
عندي كم سؤال محيرني واتمنى تجاوبوني؟
اولا اقدر احول لمسار علمي؟
ثانيا قريت كتير بالمنتدى وسالت بس مااحد جاوبني بحصوص التخصصات الي متاحه للبنات المسار الادبي؟ضروري بليييز جاوبوني جاوب شافي عن كل التخصصات

ثثالثا سمعت انو في مباني خارج شطر الطالبات يروحو البنات ياخدو محاضرات فيها صحيح هدا الكلام؟
رابعا بالنسبه لدوامنا اول اسبوع كيف حيكون؟وايش الزي الرسمي؟
وجوالات الكام شو وضعها؟
والكتب الي يقولونا عليها من فين نشتريها؟
واسفه للاطالة بس انا كتير متوتره
الله يوفقكم يااارب

[للدموع أسرار]

مرحبا
عندي كم سؤال محيرني واتمنى تجاوبوني؟
اولا اقدر احول لمسار علمي؟

ما عندي اجابة محدده .. بس لو كنتي علمي اتوقع يينفع اول يوم لمن تداومي روحي اسسألي العمادة ^^

ثانيا قريت كتير بالمنتدى وسالت بس مااحد جاوبني بحصوص التخصصات الي متاحه للبنات المسار الادبي؟ضروري بليييز جاوبوني جاوب شافي عن كل التخصصات

التخصصات ..
كلية الآداب " علم نفس , علم اجتماع , انجليزي , فرنسي , علم معلومات ومكتبات ,تاريخ , جغرافيا , دراسات اسلاميه , لغه عربيه "

كلية الاقتصاد المنزلي ..
كليه التربيه " تربيه خاصه "

كلية الاقتصاد والاداره .. وهذي مو متأكده من تخصصاتها..
بس اللي متأكده منو في قانون .. وفي اداره عامه

وكلية التصاميم و الفنون ..

الكليات اللي ما حطيت تخصصاتها جنبها يا ليت البنات يفيدوكي

ثثالثا سمعت انو في مباني خارج شطر الطالبات يروحو البنات ياخدو محاضرات فيها صحيح هدا الكلام؟

اذا كان قصدك على الفروع التانيه يب في ..
اللي هي الفيصليه و السلامه و الرحاب و الشرفيه و كل فرع له كليه خاصه فيه
ليت اللي عندو كلام اكتر يفيدك

رابعا بالنسبه لدوامنا اول اسبوع كيف حيكون؟وايش الزي الرسمي؟

ح تداومو عادي .. تتعرفو على االجامعه ومبانيكم و اماكن المحاضرات ..
ح يكون عادي .. لانو الاغلب يجو الدكتورات يعرفوا بنفسهم ونظامهم وكده
والزي يكون تنوره وبلوزة ومسموح بالتنانير الشانل .. او الميدي .. وتيشرتات نص كم .. ح تعرفي اكتر لمن تشوفي البنات ^^

وجوالات الكام شو وضعها؟

أساسآ ممنوعه .. بس نص الجامعه معاها بلاك او ايفون او اي جوال فيه كام ومحد يكلمك ..
واحيان تقول لك دخلي الشنطه
بس لو وحده شديده مره مسكتك ممكن تقول لك هاتي بطاقتك وتكتب مخالفه

يعني انتي وحظك ولو كان بكام
الأفضل خليه بالشنطه ^^

والكتب الي يقولونا عليها من فين نشتريها؟

الكتب ح تكون في مكتبه جوا الجامعه اسمها خوارزم تشتري منها الكتب ..
او تقدري خوارزم من برا الجامعه او اي مكتبه ممكن يتوفر فيها الكتاب
واغلب المكاتب اللي قدام الجامعه عند دوار الهندسه تبيع الكتب تبع الجامعه


واسفه للاطالة بس انا كتير متوتره
الله يوفقكم يااارب
لا تتوتري ولا تخافي ولا شئ ..
التحضيري حلوه
الله يوفقك

[منال 22]

مشكوووورة ياعسل ربي يريح بالك ويسهل طريقك

[بيونه الغامدي]

حبيبتي مدام انك ادراي ما تقدري تحولي لـ علمي ...
بس حاولي روحي العمادة و اسألي ...
يمكن يقبلو مدام انو كنتي بـ الثنوي علمي و لسى ما درستي شي بـ التحضيري ...

بالتوفيق .. دعواتكـ لي

[حربية]

إضـافـــــة بــــســيــــــــطــــــة ::


ما سمعت بالتحويل من الإداري للعلمي سمعت بالعكس بس إسألي عشان لا تقولي سكرتيها في وجهي ..

بالنسبة لسؤالك الثالث فالسنة التحضيرية تدرس في الأماكن التالية ..

إما الفرع الرئيسي ــ السليمانية ــ للعلمي و الإداري ..

أو الشرفية للعلمي فقط ..

أو السلامة للإداري فقط ..


.. بـالــــتــوفـــــيــــــق ..

[منال 22]

امممممم ماقصرتو تؤبروني

بس سمعت وحده من المشرفات قالت لو تبغي تحولي لتخصص علمي وانتي اداري
بعد التحضيري تتخصصي وادرسي ترم بعدين تحولي لكلية ثانية غير الصحيه طبعا

وانا بسال عن السليمانه انو الدراسه كلها بشطر الطالبات ولا في مباني خارج شطر الطالبات اتمن تكونو فهمتو سؤالي

وربي يوفقكم جميعا ياعسولات

[بنت التحفيظ]

السليمانية الدراسه كلها بشطر الطالبات مافي شي خارج الشطر

:)

[ايمان جيجاوي]

الله يخترلك اللي فيه الخير لك لوكنت شطوووووره كتير حولي علمي انا مدرسه سوريه درست بنات العام العلمي اصعب من الادبي الله يوفق الجميع ازا بدكن اي مساعده رقمي صفر خمسه سته اثنين ثلاثه اثنين صفر ثمانيه واحد سبعه بحي الربوه والله يوفقك حبيبتي