كتاب إدارة العمليات مصور + ارآئكم =)

[girl.k.s.a]

السلام عليكم ورحمة الله وبركاته
كيفكم? وان شاء الله تكون بداية السمستر خير على الجميع وربي يوفقنا ويسهل امورنا
وحشتكم صح ههههههههه امزح
المهم انا راح اصور كتاب العمليات وحابة اسألكم لانو شوفت أغلبكم يشتري من مكتبة منار الهدى
تبغونا نصور السلايدات وتنضاف لنفس الكتاب والا كل واحد يطبع سلايداتو بنفسو ?
انا حبيت فكرة الدمج يعني في كتاب واحد وخلاص والا في ملزمة مع بعض والا خلاص نشيل فكرة السلايدات من الاساس?

ردولي خبر ضروري عشان اتفق مع المصور وياريت تشوفوا الاستطلاع وادا عندكم اقتراحات والا شي قولولي
^
ترى ما أشتغل معاهم هههههه بس حابه افيدكم
طبعا يا حلوين رابط تحميل الكتاب موجود في موضوع دحوم نزلو اخونا تركي الحربي الله يجزاهم اتنينهم الجنة يارب

المشاركة الأصلية كتبت بواسطة turki alharbi http://www.2shared.com/document/8nny..._6th_ed_-.html http://www.gulfup.com/?emeoo3 ارعص هنا وحمل الكتاب ملون وحركات دعوه منكم لي بتحقيق الى ببالي واكون شاكر لكم

نسيت شغله :( اللي عندو سلايدات المادة تبع الشابترز اللي معانا ينزلها ومشكورين

[dlo0o3h77]

الله يوفقك ويجزاكي خير يارررب
يب فكككرة حلوة دمج السلايد بدل لا نتعب وكل محاظرة نطبع وكدا

[girl.k.s.a]

المشاركة الأصلية كتبت بواسطة dlo0o3h77 الله يوفقك ويجزاكي خير يارررب يب فكككرة حلوة دمج السلايد بدل لا نتعب وكل محاظرة نطبع وكدا

اميييين ياقلبي ويوفقكم كلكم يارب
من جد لأني كونت اعاني صراحة مع السلايدات :(

[girl.k.s.a]

المشاركة الأصلية كتبت بواسطة turki alharbi http://www.2shared.com/document/8nny..._6th_ed_-.html http://www.gulfup.com/?emeoo3 ارعص هنا وحمل الكتاب ملون وحركات دعوه منكم لي بتحقيق الى ببالي واكون شاكر لكم

وجبت لكم الرابط اللي تحملو منو

--------

http://www.gulfup.com/?emeOo3

هادا نفس الرابط لأنو ما يشتغل في الاقتباس

[Joda Majed]

شيرو ياليت تصوري بس الشباتر الي معانا وببدايه كل شابتر يحط السلايدات حقته ، هيك مو ؟
يسير كانه ملزمه للماده فيها كتابه وفيها سلايداته وفيها كل حاجه وحيدعيلك من قلب الطلاب والطالبات لو سار هيك

وتسلمي يا قمررر مرراا ؛

مانتحرمش يا البي

[TURKI ALharbi]

نعم اؤيد وبقوه وبشده والله فكره منتازه للغاية :)
يعطيك العافيه مس قيرل

[DeeeL]

الله يعطيك الصحه والعافيه

ويفتح عليك من واسع فضله اللهم امين



انا مع فكرة جودا

بس كيف بعدين فين نحصل الكتاب عشان نصوره ؟

[girl.k.s.a]

المشاركة الأصلية كتبت بواسطة joda majed شيرو ياليت تصوري بس الشباتر الي معانا وببدايه كل شابتر يحط السلايدات حقته ، هيك مو ؟ يسير كانه ملزمه للماده فيها كتابه وفيها سلايداته وفيها كل حاجه وحيدعيلك من قلب الطلاب والطالبات لو سار هيك وتسلمي يا قمررر مرراا ؛ مانتحرمش يا البي

بالضبط زي كدا يامزتي ^^.
يب اصلا الغرض من التصوير عشان ما نشيل كتاب مرا تقيل لذلك قولت راح اصورو والسلايدات طبعا
عشان تكون جاهزة وافضل من الطباعة في البيت ممكن فجاة مافي حبر :( « مجربة خخخ

المشاركة الأصلية كتبت بواسطة turki alharbi نعم اؤيد وبقوه وبشده والله فكره منتازه للغاية :) يعطيك العافيه مس قيرل

الله يعافيك تركي ^^.

المشاركة الأصلية كتبت بواسطة deeel الله يعطيك الصحه والعافيه ويفتح عليك من واسع فضله اللهم امين انا مع فكرة جودا بس كيف بعدين فين نحصل الكتاب عشان نصوره ؟

اللهم امييييين ياعنوني وياكم اجمعين يارب ^^.
زي فكرة كتاب التحليل الكمي السمستر اللي فات اخدتو من وحدا وصورتو وحطيتو في مكتبة منار الهدى
وراحو الطالبات اشتروه :)
يعني لما تروحي المكتبة راح تلقي النسخة جاهزة

واتمنى من اللي عندهم كتاب ينزلوا لنا البوربوينت اللي داخل معانا عشان نقدر نخلص تصوير الكتاب قبل السبت ان ربي اراد

وشاكرة الجميع على التصويت سواء بنعم او بلا

[shooshaa]

انا اقول الكتاب لحال و السلايدات لحال احسن

عشان لايثقل علينا

يصير الي يبغى بس الكتاب يشتري و الي يبغى بس السلايدات يشتري وهكذا

[باور هورس]

يعني نروح منار الهدى ونحصل الكتاب والسلايدات مصوره ؟!!

يعطيك الف عافية


نعم أحبتي
هذه هي إبنة السعودية
التي تفخر بها السعودية
هذه هي إبنة الجودِ والكرمِ

" خير الناس أنفعهم للناس "

أختي العزيزة
نفع الله بك الإسلام والمسلمين
وجزاك عنا خير الجزاء
وأسأل الله العلي القدير أن يوفقك لما يحبه ويرضاه
وآخر دعوانا أن الحمد لله رب العالمين
وصلي اللهم على سيدنا محمد وعلى آله وصحبه أجمعين

وأقم الصلاة