إش رايك أخوي بوليمر

[أم ليال]

بسم الله الرحمن الرحيم
السلام عليكم اخوي بوليمر
على فكرة في البداية أنا أم ليال مو ليان
ثانيا : ترى بادخل بالموضوع على طول ، في إختبارات الترم الأول كانت مادة الانجليزي أول يوم في الجدول وطبعا أنا في السنة الأولى ، وكان اختباري من الساعة 7:45 مساء طبعا إلى 8 بس صارت بعد التاخيرات في ترتيب الطالبات على المقاعد وتاخير في توزيع اوراق الاسئلة من قبل المراقبة وبدانا الاختبار الساعة 7 بالضبط وسبق وقالو لنا أساتذتنا الأفاضل انه اي تاخير من قبل المراقبة راح يعوض لكم يعني بما ان بدانا الاختبار الساعه 7 راح ينتهي الوقت على 8 ونص ، والمراقبة ماقصرت سحبت من يدي الورقة سحب الساعه 7 وربع وقلت لها ان بدانا متاخرين قالت ماعندي هالاكلام عموما ثاني يوم رحت قسم الارشاد التربوي أ/ صباح وقالتلي اكتبي كل اللي صار باسم وكيلة كلية الاداب وأعطيها الخطاب وفعلا كتبت الخطاب على اساس انهم يشوفو حل لاني ماحليت 7 اسئلة من اصل 50 وما أخفيك أنا اصلا ما عندي ذيك اللغة بس يعلم الله من ضمن كل المواد اللي عندي هي المادة الوحيدة اللي ذاكرتها بضمير وجبت مدرسة لها وما نجحت فيها مع ان كل موادي اللي علي نجحت فيها وبعضها بامتياز ماعد الانجليزي
كنت اتمنى انهم يحسبو لي الدرجات على الاسئلة اللي حليتها او يعيدو لي الاختبار لكن بلا جدوى
ومدري ليه احس لو اني ما أشتكيت امكن كان نجحت ، وهم اخذو رقمي الجامعي وجوالي ولا احد كلمني . مدري لو في اي حل او اي مساعدة لا تبخل علي ، ما كان طموحي اني احمل مادة من اول ترم وبصراحة انظلمت لاني ذاكرت كويس وتعبت وفي النهاية ينحط مستقبلي بيد ناس ماترحم
متاسفة على الاطالة
وشكرا
أم ليال

[بوليمر®]

أهلا ام ليال

عموما انتي كنتي ماشية صح لما رحتي لـ قسم الارشاد التربوي ،، لكن المشكلة انك ما راجعتيهم واصريتي على ان توجد مشكلة عندهم في تنظيم والوقت وهذي هم الي يتحملوا مسؤوليتها

الأن طلعت النتيجة وبدا الفصل الدراسي الثاني ووقع الفاس في الراس .. ما ابغى احطمك واقولك ما راح ينظروا لشكواك
لكن اقولك اصري وروحي لهم مره ثانية وقولي لهم انك رفعتي شكوه سابقاً وما جا منهم اي رد

حاولي لو بأقل الخسائر انهم لو يعيدوا لك اختبار المادة كأختبار بديل احسن من انك تاخذي f وينزل المعدل

هذا الي اقدر افيدك فيه

ونصيحه لك وللجميع ،، دائما نحاول نطرق الأبواب الصحيحة وبالتنظيم الإداري الصحيح
يعني عندك اعتراض او شكوه تبدئي بالموظف الصغير إلين توصلي الى اعلى مسؤول .. لأن هذا حقك والمفروض محد
ياخذه ابدا طالما انت معاك الحق ... بس اهم شي تكون معاك الحق

بالتوفيق ان شاء الله

[S0o0Ma]

عين العقل اخوي بوليمر...يسلم لسانك


اختي ام ليال هذا حقك ..ولا تتهاوني فيه...ارجعي اختي واذا مانفع معهم ..!

اتذكري المـقـوله...ما اخذ بالقوه لايسترد الا بالقوه

انا سبق وانظلمت اختي ورسبوني ظلم وطاح معدلي شي كثير واحتسبتها عند الله ودعيت عليه

إن شاء الله اكون افدتك


الله يووفقك فوق كل ارض وتحت كل سماء

[أم ليال]

شكرا لك اخوي بوليمر ماقصرت ويعطيك العافية على نصائحك ودعواتك

وشكرا لك اخوي so0oma يعطيك العافية الله لايذوق أحد ظلم لا انت ولا انا ولا غيرنا واتمنى التوفيق لي ولكم

[beaureine]

اختي لا تتحسري ولا غيره
لاتزعلي مني انتي غلطتي يوم اعطتيهم الورقه كان اصريتي على كلمتك وطلبتي استاذة المادة بس غريبه والله انا كذا مرة تمر معي هالحركة ولا انا المتاخره الترم الي فات في مادة الفنولوجي كانو بيسحبو مني الورقة قامت الدكتورة والمراقبة كل وحده تقول للتانيه اسحبي الورقه منها وهما خايفين خايفين لا ادعي عليهم جلست كل وحده تقول للتانيه اسحبي منها الورقه لين اتادبت من نفسي وسلمت الورقه انا المهم اختي روحي معاك وقت اطلبي مراجعة الورقة هما راح يمرمطوكي
بس انصحك كوني لبقة بتعاملك اغلب البنات يقولو نتهزا لما نراجع الورقة الامتحان تدري ليش تتهزأ الوحدة لا نها تقولي عبارة انا المفروض ناجحه وهذا ظلم غلط لا تقولي كده
قولي انا حابه استفيد من اخطائي على اساس ما ارجع اكررها الترم هادا والله يعاملوك باحسن ما يكون وتجلس تتفلسف عليك شوي روحي وراجعي
والله يوفقك وخليها على ربك وان لك حق راح تاخديه
وشكراا

[أم ليال]

أشكرك أختي beaureine شكرا جزيلا على نصيحتك بس للأسف مااقدر أنزل جدة غير وقت الدورة التاهيلية تبدأ وحقي إن ضاع بالجامعة ماراح يضيع عند الله .
ومن ناعية الدعاوي فوالله العظيم إن كل ما اتذكر الموضوع يضيق صدري وأدعي عليهم من قلبي