اللي عملت البرزنتيشن من البنات تجي هنا ..

[حلم قريب]

السلام عليكم ورحمة الله وبركاته ..

كيفكم ؟ أخباركم ؟
كل عام و انتم بخير و عافية

فضلا لا أمرا .. اللي عملت البرزنتيشن قبل
تقولنا كيف كان ؟ و كم أخذت - إذا مافيه إحراج - ذذ ؟
و هل فيه بنات يحضروا و يسألوا ؟
خصوصا اللي كانت استاذتها ريم سائحي ..
لأنو دورتنا التأهيلية السنترا ماراح تبدأ إلا في 10 محرم و أعتقد وقتها مافيه وقت
نجهز للبرزنتيشن !! أفضل من الآن نجهز له و نسمع خبرات اللي جربوه

و الله يجزيكم خير و يوفقكم في دراستكم ()()()

[راجي ربه]

هلا حلم قريب .. انا عديت من الليسينج 1 والحمدلله .. كان مع مس ايمان .. لكن صاحباتي عند ريم .. واخذو عشرين ماشاء الله .. اظن الغالبية كده .. هو حيكون في غرفه المعلمات وانتي وحظك فاضي .. مليان .. رايقة لك .. بس بينك وبينها ماهو امام البنات و لاشيء
بس في كثير بنات يسووا مع البرزنتيشن عرض باور بوبنت عشان يدعم موضوعهم ويسهل في الاسترسال وكمان يذكرك بنقاطك اللي تتكلمي عنها .. وحتحطه في كمبيوترها تشغله من الجهاز
اهم شيء الجمل صحيحه لغويا ونحويا .. واسترسااااااال .. وثقة .. طبعا الدكتورة قالت مو تحفظي صم وتسمعي عندنا لا .. لكن يكون اسلوب موضوع تتكلمي عنه بمرونه .. انا بالنسبة لي اخذت 18 لان كان عندي اخطاء في الجرامر
انتي اكتبي موضوعك طبعا بعد ماتحددي العناصر اللي حتتكلمي فيها .. وحاولي يكون شامل ولو معاومات بسيطه لكل فقره .. وصفحتين تقريبا كل الموضوع.. يعني تقريبا من 3 الى5 دقايق واتدربي عليها كثير ولو قدام احد احسن عشان تكسري الخوف والحياء ..
في النهاية اقول لك على قد خوفك منه لكنه بسيط باذن الله وتضمني العشرين إن شاء الله ..
بالتوفيق

[حلم قريب]

^
الله يجزاكِ خير .. ريحتيني ()

أنتظر خبرات ثانية عشان أستفيد أكثر ..
أنا حاليا أخترت الموضوع بس بقي أكتبه و أتدرب عليه و الله ييسر و يعين

[white rose]

وعليكم السلام ورحمة الله وبركاته

حياك الرحمن حلم

وكل عام وانتي بصحة وسعآدة

انا درست مع مس ريم ليسننغ 2 من كم سنة ايام مناهج الانتراكشن وكان البرزنتيشن معها تجربة جدا جميلة

كان عن فيلم ادبي تفرجت عليه وقريت التحاليل الادبية اللي تتكلم عن القصة بالنت وتكلمت عنو وعن ابطالو وقصتو بشكل مختصر

طبعا بعد ما تختاري موضوع البرزنتيشن تبداي ترتبي افكارك على ورقة وتراعي انك تستخدمي present tense
وكلامك يكون سهل عشان تقدري تفتكريه وتحطي في بالك النقاط اللي تبغي تتكلمي عنها واتدربي كويس عليها

واهم شي تكوني واثقة من نفسك وتتكلمي بشكل عادي بدون خوف وتراعي الجرامر لانها تركز كثير عليه

ايامي ما كان فيه عرض بوربوينت بس فيه بنات كانو يسوو مطويات او كروت يجمعوها في ميدالية صغيرة يكتبو فيها عناوين او نقاط للبرزنتيشن تبعهم او احيانا كروت صور عن موضوعهم ويعطوها للمس او اي فكرة تساعدك على توصيل موضوعك بطريقة حلوة وطبعا هالشي مو ضروري لو حابة تعمليه من باب التميز لا اكثر

ربي يوفقك معاها :-)

[7_kh]

طب الموضوع اللي نكتب عنه لازم يكون من فلم او رواية ...
لو كتبت عن اكل او شخصية عادي < اذا لا اعطوني اسماء افلام

[حلم قريب]

المشاركة الأصلية كتبت بواسطة white rose وعليكم السلام ورحمة الله وبركاته حياك الرحمن حلم وكل عام وانتي بصحة وسعآدة انا درست مع مس ريم ليسننغ 2 من كم سنة ايام مناهج الانتراكشن وكان البرزنتيشن معها تجربة جدا جميلة كان عن فيلم ادبي تفرجت عليه وقريت التحاليل الادبية اللي تتكلم عن القصة بالنت وتكلمت عنو وعن ابطالو وقصتو بشكل مختصر طبعا بعد ما تختاري موضوع البرزنتيشن تبداي ترتبي افكارك على ورقة وتراعي انك تستخدمي present tense وكلامك يكون سهل عشان تقدري تفتكريه وتحطي في بالك النقاط اللي تبغي تتكلمي عنها واتدربي كويس عليها واهم شي تكوني واثقة من نفسك وتتكلمي بشكل عادي بدون خوف وتراعي الجرامر لانها تركز كثير عليه ايامي ما كان فيه عرض بوربوينت بس فيه بنات كانو يسوو مطويات او كروت يجمعوها في ميدالية صغيرة يكتبو فيها عناوين او نقاط للبرزنتيشن تبعهم او احيانا كروت صور عن موضوعهم ويعطوها للمس او اي فكرة تساعدك على توصيل موضوعك بطريقة حلوة وطبعا هالشي مو ضروري لو حابة تعمليه من باب التميز لا اكثر ربي يوفقك معاها :-)

لازم تكون الجمل في البرزنت :(
و بالنسبة للعرض عادي أتكلم من الورقة ؟ و لا راح أنقص درجات ؟!

[white rose]

المشاركة الأصلية كتبت بواسطة حلم قريب لازم تكون الجمل في البرزنت :( و بالنسبة للعرض عادي أتكلم من الورقة ؟ و لا راح أنقص درجات ؟!

هلا عزيزتي

ويفضل تكون في البرزينت لانك تتكلمي بشكل عام وتسردي معلومات وبالعكس يعتبر اسهل الازمنه لانه ما فيه irregular verbs كلها في المصدر الاساسي للفعل ..

والورقة تحطي فيها نقاط تفكرك بالاشياء الاساسية لكن ما تكتبي فيها كل الموضوع ..

موفقة يا جميلة :-)

[حلم قريب]

أنا بتكلم عن شي صار زمان .. فأغلب جملي في الماضي .. عادي ؟

مرة صعب ما أقرأ من الورقة .. المقدمة و بداية الموضوع سهل أتكلم بدون ورقة أما وسط الموضوع ونهايته مدري كيف :/

[white rose]

المشاركة الأصلية كتبت بواسطة حلم قريب أنا بتكلم عن شي صار زمان .. فأغلب جملي في الماضي .. عادي ؟ مرة صعب ما أقرأ من الورقة .. المقدمة و بداية الموضوع سهل أتكلم بدون ورقة أما وسط الموضوع ونهايته مدري كيف :/

هلا عزيزتي

وعادي طالما موضوعك يتطلب منك هالشي

وحاولي عن طريق ترتيب وسط الموضوع في نقاط مبسطة تفكرك فيها

في البداية تشوفيه صعب بس مع التدريب راح يسهل عليك ان شاء الله

ربي يفتحها بوجهك :-)

[حلم قريب]

آآآآآآآمين يارب ()
الله يجزاكِ خير و يوفقك ()