مكان اختبارات المناطق-الرياض-قاعة رشوش-الثمامة-دوار العويضة-الكروكي بالداخل

[fahad_0606]

الموضوع ما ينسكت عنه أبدا

[ORAINI]

انا من عرفت ان اسمه ( العالميه ) وانا غاسل يدي !

[ORAINI]

اللي يزينها انه آخر ترم ان شاء الله ونفتك منهم


بس والله قمة الظلم والقهر انهم ياخذون منك 1000 ريال وبالاخير يحطونك بهالموقع !!!


ياخي مانبي قاعات ولا معارض

نبي مدارس حكوميه وتكون حسب رغبة الطالب .. ترا الرياض دوله والله

يعني وش ذنب اللي بيجي من جنوب وغرب الرياض ؟؟؟؟؟؟

وغير كذا الظاهر لازم نستاجر جيوب على كذا !!!!

واحد من الاخوان هنا كاتب انه فيه مستنقعات عنده !!! يعني انا سيارتي موب جيب , اكل هوا .؟؟؟؟؟


حسبي الله عليهم .. اهم ماعليهم الربح !!

[تركي امل]

حسبي الله ونعم الوكيل عليهم

الإدارة أجنبية وعادي السعودي عندهم زي الأجنبي للأسف يقلعونه مثل ما يبون ..

ترا بعد الاختبار فيه دبابات مسوين عروض العالمية على كيف كيفك حسبي الله عليهم

[مــنــTـســب]

حسب معلوماتي إن الثمامة للمخيمات والتطعيس

ماعلاقة طالب جاي يختبر بهذا الجو من التطعيس والفله

لابد أن يوفر للطالب الجو المناسب لاداء إختباراته بكل اريحيه

أنا اطق 700 ك عشان اختبر كل ترم لكن يوم اجي اختبر القى الحد الادنى على الاقل من الأجواء شبه المناسبة للمذاكرة

لكن الثمامة ( وربي جدة اصرف لكم يأأهل الرياض ) على الاقل تغيرون جو وتزورون البيك (:

الله يعينكم ويفككم من هالعالمية

[jommani]

السلام عليكم

العيار اللى ما يصيب يدوش .. اكيد انه احتجاجنا علي مكان الاختبار وصل للجامعة والمعهد .

قبل شوي جاتني رسالة نصية من المعهد " عزيزي الطالب نرحب بك في منتجع رشوش لتأدية اختبارات الفصل الحالي علماً بانه تم تهيئة المنتجع بالخدمات اللازمة كاملة مع تأمين حراسات امنية داخل وخارج المنتجع ولوحت ارشادية للطريق المؤدي له . كروكي الموقع ........ متمنين لك التوفيق والنجاح "
والرابط للموقع هو نفس الرابط اللى في رسالتهم الاولي اللى فيها مقر الاختبار.

[h99m]

حسبي الله عليهم مياه مستنقعات واستراحة يخفون بنا يقولون شالية المشكلة في الدخول والخروج والمواقف والمنطقة نفود وممكن يصير فيه تشليح سيارت من المسول
رابط يوضح صورة الاستراحةhttp://www.skaau.com/vb/showpost.php...9&postcount=40

[90909]

هذا اللعب ..... ولاكن من أمن العقوبه أساء الأدب


حتى المقر في القصيم كان في الموفنبيك وغيروه حطوه في فندق السلمان وفندق السلمان من عهد نوح

[فهد العنزان]

تم توفير حراسات الله يستر ع السيارات الله يستر من الدرباويه ههههههههههههههههههههههه

[مستنسب]

هذي آخرتها يا لصوص ؟؟!!!

استراحة ؟؟!! .. وبالثمامة بعد ؟؟!!

اخس عليكم ياللي ما تخافون الله ..


باختصار .. موقع غبي واختيار نذل
وحسبي الله ونعم الوكيل