][ تجمع للجداول و تعديلها و الحذف و الإضافة ][

[Reemaal3saf]

السلام عليكم..
ياليت تفيدوني ابغى اضيف مادة حرة وسهلة علما باني اخذت مادة علم النفس الاجتماعي
وشكرا ..

[أملي بربي]

ان شا الله يفتح الله يسهل للجميع

[toleeen]

أنا يفتح بس لما اسوي بحث شعب يقولي مغلق بدون مايطلع المواد ايش أسوي؟

[مراسي الشوق]

صباح الخير صبايا
انا فتح معاي الاودس بعد ماصدع راسي بس المشكله الشعب مقفله واغلبها تعارض انا اضفت طبيه معا هناء كنت ابغى معا هدى الدغيثر بس ماشاء الله شعبها مقفله ومنزله بس شعبتين
بليز الي اخذت معا هناء تقولي كيف اسلوبها
والي تسال عن سموم معا الدكتوره ناديه اقولها مارح ارتاحي السموم معاها جدا سهل واسلوبها حلو وحبوبه ماره تعامل الطالبات كانها امهم والشرح بسم الله عليها تطلعي من عندها حافظه السلايد من كثر ماتعيد فيه بس طبعا لازم تذاكري اول باول لانو حفظ عشان ماتلخبطي

[♥ m r м r ..]

آستفسآر بسيط !!

بعد ما أضيف المادة و كل ششي يقولي ( القيود على مجال الدراسة - تخصص رئيسي ) إيش معنى آلكلآم دآ ..؟!

[fatoom sweety]

لسا مو راضي يفتح معايا شكلي بضيف المواد من الكلية نفسها

[SoOoma~]

سارونا
المنتجات البنات مايمدحوها
د.اماني تفهم ماشاء الله بس الاسئله صعبه>> اخذت معاها ايض 1 مدري كيف بالمواد الثانيه
.....
مرام
عضوي مانزلت مع نسرين
هما يمدحوها وليلى كمان كثير قالو كويسه
انزايم دايما مع ارشنا ومرا ماشاء الله كويسه
ايض 1 احسلك تاخذيه مع اعتماد

[NSMR]

السلام عليكم ..

انا اخذت ذا الترم ايض 2 وكيمياء حيوي غيري عضوي وكمان تغذيه واخذت عربي 2 وثقافه 3 وكمان معمل كيمياء وهرمونات * ممكن احذف العربي واحط بداله مايكرو راح اكلم الدكتوره لانو كل الشعب مقفله :(
جدولي تمام ولا :( وكمان اللي يعرف استاذات كويسات لذي المواد فرع الفيصليه يقولي و اي وحدا عندها استفسار تسألني عن الاستاذات ♥

[LeLou]

المشاركة الأصلية كتبت بواسطة fatoom sweety لسا مو راضي يفتح معايا شكلي بضيف المواد من الكلية نفسها

جربي من هنا: https://www.kau.edu.sa/kau_services/en/odusplus.html

بالتوفيق||~

[LeLou]

المشاركة الأصلية كتبت بواسطة ♥ m r м r .. آستفسآر بسيط !! بعد ما أضيف المادة و كل ششي يقولي ( القيود على مجال الدراسة - تخصص رئيسي ) إيش معنى آلكلآم دآ ..؟!

دا معناها أنه المواد مو من تخصصك..
شكلك كنتِ بتضيفي مادة حرة أو عامة :)
عمومًا المواد الحرة مو راضية تنضاف و الله المستعان..

موفقة||~